Axar.az
یوخاری
23 اییول 2017


دوشوندوکجه دوشوروک...

آنا صحیفه کولت
12 Punto 14 Punto 16 Punto 18 Punto

ارسطو موجررد ۱۹۷۳-جو ایلده اردبیل‌ده آنادان اولوب.تبریز آزاد ایسلام اونیوئرسیتئتین‌ سوسیولوگییا فاکولته‌سینی ماگیستراتورا پیلله سینی بیتیریب. ۱۹۹۴ -جی ایلدن ادبی فعالیته باشلاییب.

دوشوندوکجه دوشوروک... .

هارا گئدیرم هارا گئدیرسن هارا گئدیریک،

هارا گئتدیلر ،هارا گئدیرلر،هارا گئده جک لر !

من ،سن ،او،اوبیریسی ...

آخی دنیز ایندی لر چوخ ماوی اولمور

و بو گونلر یئنه گونلرین رنگی سارالیر ساعات-ساعات.

تانری یئره گلسه ایدی بیر آخشام

و گولدانلارین زیان ائتدیینی سوزسه ایدی کئشگه،

بیر آز سوساردیم .

وئجیمه اولماسادا توزلو خییابانلار،

بوش اوتوبوسلارا بس نئیله یه جه یم ؛

داشقالاق اولموش گنجلیین گلینجیینه نئجه!

من همیشه اولانلاردان اوزاق دانیشیرام ،

اودور کی مندن اینجییر اوزو بری باخمایان یوللار ...

آمما اونلاردا بیلیرلر کی کیمسه منیم دک

و آغیز بوغوز بیر بارداق قارا شراب دک تانیمیر

هله اسیمی یؤنسوز یئللری و باشیمین بلاسی دا ائله بودور !

چیلپاقلیقدان هورکن شهرین بؤیوک قاپیسینی آچماق،

یالنیز چیلپاق دئولرین ایشی دیر.

ایشیق آغاجلارینین باشی آغرییا دوشنده

قارانلیغا دوشور کوچه لر

و بونو نه یوخاری خییابانداکیلار نه ده کی آشاغیداکیلار بئله سایمیر.

باخما،من اوزومه سالیب باغیریرام،

یوخسا قارغالار خبرین نه اولدوغونون فرقینده بئله دئییل لر

و حیات همیشه گؤزل اولمور...

قوی منی قیناسین آغالار !

زور دئییل کی من و باشقا آلاقلارا همیشه گؤزل دئییل.

باردا، رُرژلارین ایشیغی گؤزه دوشـــن کیمی گؤزومه دوشور,

بیلینمز اؤنده کی سئومه یه جکلریم

و صاباحلاری اؤلسمده, اؤلمه سم ده ,

مین ایل اؤنجه و مین ایل سونرانین اسکیلیینی یاشایاجایام .

دوغرودور ایندی اؤزومو تئز-تئز ایتیریرم

یادیمدا بیر شئی قالمیر و دؤزه بیلمیرم هر نه یه آنجاق بیلیرم،

یوللاردان سوروش ایندی: نه گلدی بونداکی پولاد عصب لره؟

هانی او پولاد عصب لریم!

و ساوالانی،سهندی،اؤیله جه قاراداغین سیرا داغلارینی,

سینیرلریندن اؤتوردویوم دمیر آیاقلاریمین گوجو؟!

نییه توکندی تئز، و نه تئز !

گؤز قیرپیمییجا سئویشمه دیک هئچ،

او، اؤزوموزه ساخلادیغیمیز آیی ماغاراسیندا!

داش دوشدو چالایا!

و من ساندیم کی اورادا گئجه یاغیشیندان قالان سویا دوشموش,

آیین سیماسی داغیلدی؛

آنجاق دئییل، دئییرلر آی یئرینده دیر.

ساده جه بیر آزدان داشلار بوغولاجاقلار .

نه سئوینمه یه دَیَر نه ده آغلاماغا،

دیوارلاری بئیینین ایچینده اوچورمالییق.

یوخسا ،قالسالار یاخشی دیر .

هارا گئتدیلر، هارا گئدیرم !

رنگی قارالیر ثانیه-ثانیه قانیمین

و شهرلری ائولرینه اوخشایان ,

اوزاقداکی اوزجه بنزرلریمین خولیالارینی دوشونورم،

خولیالارینین الوانلیغینی...

توزلوخییابانلار، بوش اوتوبوسلار، هورکن شهر ،

اسیمی یؤنسوز یئلل لر،

گؤزه دوشن رُژ ایشیقلاری...

هارا گئدیریک؟!

ا...ی پولاد عصب لریم

ا...ی دمیر آیاقلاریم دوشوندوکجه دوشدوم

تاریخ
2016.12.16 / 16:31
مولف
Axar.az
شرح لر
دیگر خبرلر

مشهور پولیتولوقون اوغلو ایسپانییادا مکافات آلدی - ویدئو

مشهور آپاریجی آتا اولدو

شاه اسماعیلین هیکلی گؤتورولور - رسمی

بنینگتون انتیحار ائتدی – ویدئو

بو گون اؤلن مشهورون - شوک وصیعتی

شبنم توووزلو قزایا دوشش‌دو؟

گنج تئاترشناس آوتومبیل قزاسیندا اؤلدو

تلمان آدیگؤزلوو ۶۴ یاشیندا - ویدئو

تانینمیش تورک رئژیسسور حبس ائدیل‌دی - چئوریلیش

میرزا بابایئو سؤزونو توتا بیلمدی - فلورا

خبر خطّی
 
Axar.az'da reklam Bağla
Reklam
Bize yazin Bağla