Axar.az
یوخاری
23 اوکتیابر 2017


گؤزومده ائولیلیک لر ییخیلیر

آنا صحیفه کولت
12 Punto 14 Punto 16 Punto 18 Punto

آلما موغانلی ۱۹۹۰-جی ایلده تئهران‌دا آذربایجانلی عائیله‌ سینده آنادان اولوب. نووه موهندیس‌لییی و فیزیکا فاکولته سینی بیتیره ن آلما, ۱۵ یاشیندا شعیر یازماغا باشلاییب. اونون ایلک شعیر توپلوسو "پیچاقلانمیش هئیوا" کیتابی ۲۰۰۷-جی ایلده چاپدان چیخیب.

کیمسه‌سیزلییه ایکی خیاوان قالا

و اوچ آددیم سن‌سیزلیکدن اؤته

آغ چیزگیلر بویدا بیر اوچورومدا دورموشام

و کؤنلوم تاب با تاراب

آددیملاییر بوشلوغا دوغرو

توستودور نفس چکیر ایچیمده

و هر آن چوخالان ترافیکدیر

اوتوروب اورییمده سیگنال چالیر

تانیش قوخولار چیرپیلیر اوزومه

و بئینیمی آختاریر

بیریسی ائشییه چیخیر

اَن دیبیم‌دن...

چیچک‌چیلره یالواریشلاریمین سَسی

دوشور آرابالارین بئینینه

کسیک-کسیک آغاریرام آرابالار آلتیندا

قیریق-قیریق بوشالیرام تکرلرین آلتیندا

و بوتون قیرمیزی ایشیقلاری دوردورورام

شهرین ایشیقلاری گؤز وورور گؤزوم‌ده

گؤزومده ائولر تیکیلیر

گؤزومده ائولیلیک لر ییخیلیر

دیوارلار سورتولور بارماقلاریما

دیوارلار ییرتیلیر

دیوارلار قاناییر

نم کیمین آدی‌دیر

سسله نیر کوچه‌لرده

بوغازیمدا قارغالار چیغیریر...

قارغالار آغاریر...

و یاشیل بارماقلیق لار

آیاقلاری‌می قاچدیریر

بارماقلیق لار قاچیر بؤیرومده

آغاجلار قاچیر مندن

سویون اوستونده موزاییک لر شاببیلداییر...

اللریم یاپیشیب بؤیرومه

بارماقلاریمی آختاریر

بارماقلاریم دیوارلاردا اونودولموش

دیزلریم قاتلانیر

موزاییک لر دیزلریمی اؤپورلر

بئینیمی اؤپورلر موزاییک لر

او قدر کی، قان داملاییر دوداقلاریمدان

کیم‌سه‌سیزلییه ایکی خیاوان قالا

سنسیزلیک‌دن اوچ آددیم اؤته

بیر شهر ییخیلیر...

تاریخ
2016.12.17 / 12:59
مولف
Axar.az
شرح لر
دیگر خبرلر

«تایتانیک»ده تاپیلان مکتوب رکورد قیمته - فوتو

لئوناردو داوینچینین بو اثرینین سیرری اورتایا چیخدی

مشهور تورک صنعت‌چی «رنگلرین قارداشلیغی»ندا – فوتو

ستارخانی آغلادان قادین مجاهد

اوبامانین باشقا قادینا یازدیغی عشق مکتوبلاری... – فوتو

ارمنی گوله‌سینه توش گلن خالق قهرمانی - ستارخان

چینده ۲ مین ایللیک مزارلیق آشکارلاندی

اری شوکت علکبرووانین الی ایله اؤلوب؟ - آخار تی وی

آروادی ارمنی آکتیورو اؤلدورمک ایستدی - میراث

صمد وورغونون میر جعفره محتشم جاوابی

خبر خطّی
 
Axar.az'da reklam Bağla
Reklam
Bize yazin Bağla