Axar.az
یوخاری


ستارخانی آغلادان قادین مجاهد

آنا صحیفه کولت
12 Punto 14 Punto 16 Punto 18 Punto

۱۹۰۸-جی ایلده،ایراندا مجلیس باغلانان زامان، مشروطه مرکزی تبریزه کؤچورولوب و بو شهرین مجاهد قادینلاری دا موباریزه‌یه قاتیلیبلار. تبریز محاصره‌یه آلینان زامان قادینلار کیشی پالتاری گئیینیب شهری قوروماق اوچون کیشیلرله برابر دؤیوشوبلر. بیر گون انجمن حقیقت‌ ده یارالیلاردان بیرینین یاراسینی ساریماق اوچون کؤینیینی چیخارماق ایسته‌ییبلر. یارالی بو ایشه مانع اولوب. یالواریب کی، بو فیکیردن داشین‌سینلار. سون‌دا ستارخان اؤزو دئییب کی، قوی یارانی باغلاسینلار. یارالی سوندا چاره‌سیز قالاراق قیز اولدوغونو اعتراف ائدیب. بو آن ستارخان کؤورلیب، گؤزلری دولوب، قیزا جاواب وئریب: «قیزیم، من حیات‌دا اولارکن، سن نیه دؤیوشه گئتمی‌سن؟»

بو خانیم تئللی زری ایدی. آذربایجان شاعری سهراب طاهیر بو ماجرانی «قیز موجاهید پالتارین‌دا» آدلی شئیرین‌ده جانلاندیریب.

آخار. آز سهراب طاهیرین «قیز موجاهید پالتارین‌دا» آدلی شعیرینی تقدیم ائدیر:

گونش چیخیر، قیزیل شفق سپه‌لنیر هر بیر یانا

بیر موجاهید گؤز یاشییلا تعظیم ائدیر ستارخانا

سردار! بوردا بیر موجاهید یارالی‌دیر، ساییقلاییر.

بوتون گئجه قان ایتیریب، چؤپه دؤنوب، آریقلاییر.

بیر اوغلان‌دیر، تانیماییر بو یئرلرده هئچ کس اونو.

او گیزله‌دیر هامیمیزدان یاراسینین اولدوغونو

یومروغونو باسیب اوغلان یاراسینا

او دوشموش‌دور ایکی سنگر آراسینا

٭٭٭

سردار آچیر اول اونون دؤشون‌ده‌کی بو قاتاری

پئنجک قانلی، پئنجک آلت‌دا زربافتالی قیز پالتاری

پاپاغینین آلتین‌داکی هؤروکلری

آغ آلنین‌دا مونجوقلانیب اؤلوم تری

قیزیم! کیمسن، کیملردنسن؟ بو نه حال‌دیر، بو نه قرار؟

مجاهده‌م، بؤیوک سردار، من بیر قیزام، آدیم تئلی

نه نیشانلیم، نه ده اریم، من همیشه چوخدان بری

قیز آدیمی یالان دئدیم

گنج عمرومون باهاریندا، بو مجاهد پالتارین‌دا

سنگرلرین مزاریندا، من اؤزومه اوغلان دئدیم

٭٭٭

باتدیم آرزو دنیزینده، توفنگ گؤردوم جئهیزیم‌ده

گولّه آلدیم گیلیزیم‌ده، اؤز جانیمی قوربان دئدیم

باجیم قالدی «مارالان‌دا»، یارالان‌دی «خیاوان‌دا»

دئدی: ووروش، قیز اولسان دا، ووروشارام هر آن دئدیم.

قوربان گئتدی سون قارداشیم، قان آغلادی داغیم، داشیم.

قورومادی گؤزوم یاشی، بو دونیایا عصیان دئدیم

نه مجنونام، نه لیلی یم، اؤز بختیم‌دن گیلئی‌لییه‌م

گلدیم عشقه مئیل ائیلییم، ناکام عشقیم تالان اولدو

من بیر قیزام، آدیم تللی، نه نیشانلیم، نه ده اریم

سنه آچدیم بو سیرلری، آدیم سنه عیان اولدو

٭٭٭

ال اوزاتدی او سردارا

یومروغون‌دا چنگلنمیش اورک یارا

اوریین‌ده ناکام قالمیش ایستک یارا

سنگرلرین بلیین‌ده،عینالینین اتیین‌ده

سن اؤز بؤیوک اوریین‌ده باسدیرارسان منی، سردار.

اؤلسم اوزوم بئله دؤندر، شیکست اولسام کنده گؤندر.

کج باخماسین منه گئدن،

بیر نامحرم، دئنه، سردار

ناکام قیزام، توتما یاسیم، بلکه منی قارا باسیر

چن گؤزومدن پرده آسیب،

قوو گؤزومدن چنی، سردار!

٭٭٭

قیز کئچینیر گؤزلرین‌ده ایکی گیله میرواری یاش

سوُلور اوزو یاواش-یاواش... آچیق قالمیش گؤزلرین‌ده

بیر یاریمچیق یول حسرتی، ایکی گیله یاش ایچین‌ده

قرق اولموش‌دور اونون دونیا محببتی...

٭٭٭

قوربان گؤزون قاراسینا، قیز کؤکسونون یاراسینا

کیرپیکلرین آراسینا آغ اولدوزلار دولار، قیزیم!

گؤزلرین‌ده گؤزوم آغلار، اوریی‌می یاران داغلار

آنان گلر ماته‌م ساخلار، ساچلارینی یولار، قیزیم!

٭٭٭

آغلامارام گؤزوم دولسا، یئر اوزونو اؤلوم آلسا،

ستار اگر ستار اولسا، قیساسینی آلار، قیزیم!

گلدیم اؤلوم خبرینه، حئیران اولدوم سؤزلرینه

یوم گؤزونو، گؤزلرینه توپ توستوسو دولار، قیزیم!

٭٭٭

قوی وار اولسون اعتیقادیم، قیز قارداش‌سان، کیشی قادین

سن اؤلسن ده، اؤلمز آدین، بو دونیادا قالار، قیزیم.

ائل قهرمان قیز یئتیردی، داغیم اوستدن داغ یئتیردی

سنی هانسی خالق یئتیردی، او خالق ظفر چالار، قیزیم.

٭٭٭

قریب دوشور قیزیل شفق، سپه‌لنیر هر بیر یانا

موجاهیدلر باش اییرلر، گؤزو یاشلی ستارخانا

٭٭٭

سردار یومور اللریله قیزین یاشلی گؤزلرینی

اوریین‌ده سؤیلییر قیزین اورک سؤزلرینی:

«اؤلسم اوزوم بئله دؤندر....»

تاریخ
2016.12.28 / 10:25
مولف
آیتاج قدیراوا
شرح لر
دیگر خبرلر

لنکران‌دا بو درس ماراقلا قارشیلاندی - ویدئو

مؤولودون «چتیرسیز»ی تقدیم ائدیلدی - فوتو

۶۰ ایللیک کادر: صمد وورغونلا سون گؤروش - ویدئو

«ادبیات قزئتی»ند‌ن سئویندیریجی - یئنی‌لیک

«قیرمیزیم» گون اوزونه چیخدی

هابیل علیئوین یوبیلیی کئچیریله‌جک

پرزیدنت اؤز یازدیغی ماهنینی اوخودو - ویدئو

قیزینین کنسرتی بیتدی، عالیم صحنه‌یه چیخدی و... – ویدئو

عالیم قاسیمووون قیزین‌دان مؤهتشه‌م کونسئرت - ویدئو

تبریزین بؤیوک صنعتکاری باکی‌دا

خبر خطّی
 
Axar.az'da reklam Bağla
Reklam
Bize yazin Bağla