Axar.az
یوخاری
24 اییون 2017


سورو: اردبیلین الموت لو لیلی سی - ویدئو

آنا صحیفه کولت
12 Punto 14 Punto 16 Punto 18 Punto

سورو قزوینین الموت کندین‌ده یاشایان بیر قیز اولوب. کنده گؤندریلن ایوب آدلی اردبیللی معلمله بیر-بیرینی سئویبلر. معلمین اعزامیت مدتی بیتدیکدن سونرا او اردبیله قاییدیب. او گئتدیکدن سونرا سورو بیر مدت اونا مکتوبلار یازیب. لاکین هئچ بیر جاواب آلمادیغینا گؤره، معشوقونا قوووشماق اوچون اردبیله گئتمک مجبوریتینده قالیب. اردبیل‌ده سوراقلاشاراق نهایت ایوبون ائوینی تاپیب. قاپینی دؤیوب. بوکدان سونرا ایوبون ائولی و اوشاقلاری اولدوغونو اؤیرنیب. سورو بیر داها اؤز کندینه قایی‌دا بیلمه‌ییب و اردبیل کوچه‌لرین‌ده آجیناجاقلی، توفئیلییه اوخشار بیر حیات یاشاییب. بئله‌جه ده یاشلانیب.

آسیم اردبیلینین یازدیغی «جهنمده بیتن گول» شعری بو محببتین نظمه چکیلمیش عکسی‌دیر. بو شعرده ظریف بیر مؤعضودان بحث ائدیلدیینه گؤره خصوصی اهمیت داشیییر. بو شعر شاعره بؤیوک شهرت گتیریب. هم ده شعرین قهرمانلاری هله ده ساغدیر، یاشاییرلار و بوتون شهر ده اونلاری تانیییر. خصوصیله، سورونو. باش وئره‌ن حادثه اینسانلارین گؤزو قاباغیندا یاشانمیش‌دی. حتی آسیم اردبیلی رحمته گئتدیک‌دن سونرا سورو اونون یاس مراسیمین‌ده ایشتیراک ائدیب.

آخار.آذ شاعر آسیم اردبیلینین سورویا حصر ائتدیی شئیری تقدیم ائدیر:

«جهنمده بیتن گول»

فلیین قانلی الین‌دن بیر آتیلمیش یئره ائندی

بیر فلاکت آنانین جان شیره‌سین سودون امدی

بوللو نیسگیل شلسی چینینه آلدی

تای-توشون‌دان دالا قالدی، ساری گول میثلی سارالدی...

گونو تک باغری قارالدی،

درد الین‌دن زارا گلدی،

گونو-گوندن قارا گلدی،

خانچوبان‌سیز سئله تاپشیرسین اؤزون

یوردوموزا بیر سارا گلدی.

بیر وفاسیز یار الین‌دن سانا گلمز یارا گلدی

بیر یازیق قیز، جان الین‌دن جانا گلمز، جانا گلدی...

کئچه‌جک‌ده الموت دامنه‌سیندن بورایا درمانا گلدی

بیر آدام‌سیز «سورو» آدلی، علی باغلی، دیلی باغلی!

سورو کیم‌دیر؟

سورو بیر گولدو جهنمده بیتیب‌دیر

سورو بیر دامجی‌دی گؤزدن آخاراق اوزده ایتیب‌دیر.

سورو یول یول‌چوسودور، ایریده یوخ، دوزده ایتیب‌دیر،

سورو بیر مرثییه‌دیر، اوخشایاراق سؤزده ایتیب‌دیر،

او کؤنوللردکی ایتمیشدی ازلدن، اودو گؤزدن ده ایتیب‌دیر.

سورو بیر گؤزلری باغلی، اؤزو داغلی، سؤزو داغلی،

اولوب هاردان هارا باغلی؟ بوشلاییب دوغما دیارین،

اوموب البته یارین‌دان، ال اوزوب هر نه واریندان،

قورخماییب شهریمیزین قیش‌دا آمان‌سیز بورانین‌دان

نه قارین‌دان...

گزیر آواره تاپا یاندیریجی دردینه چاره، تاپا بیلمیر،

چوخ ایستر عشقی باشین‌دان آتا، اما آتا بیلمیر،

اووا باخ اووچو دالینجا قاچیر، اما چاتا بیلمیر.

ایش دؤنوب، لیلی دوشوب چؤللره مجنون سوراغین‌دا،

شیرین الده تیشه داغ پارچالاییر، فرهاد اوتورموش اوتاغین‌دا،

تشنلب قو نئجه گؤر جان وئریر دریا قیراغین‌دا،

وارلیغین سون اثری آز قالیر ایتسین یاناغین‌دا،

سانکی بیر کؤزدو بورونموش کوله وارلیق اوجاغین‌دا،

کؤزریر پیلته کیمین یاغ توکنیب‌دیر چیراغین‌دا،

بوی آتیر رنج باغین‌دا، قوجالیر گنج چاغین‌دا.

بیر آدام‌سیز «سورو» آدلی، علی باغلی، دیلی باغلی!

سورو جان اومما فلک‌دن، فلکین یوخ‌دو وفاسی،

نه قدر یوخ‌دو وفاسی، او قدر چوخ‌دو جفاسی،

کؤهنه رقاصه کیمین هر کسه بیر جوردور اداسی،

او آیاق‌دان دوشنی ایستر آیاقدان سالان اولسون،

او تالانمیشلاری ایستر گونو گوندن تالان اولسون،

او آتیلمیشلاری ایستر هامی‌دان چوخ آتان اولسون،

او ساتیلمیشلاری ایستر قول ائدرکن ساتان اولسون،

نئیله‌مک... قورقو بو جوردور،

فلکین نظمی ازلدن اولوب اظدادینه باغلی،

قاراسیز آغلار اولانماز، دره‌سیز داغلار اولانماز،

اؤلوسوز ساغلار اؤلنمز...

گرک هر بیر گؤزه‌له بیر دنه چیرکین ده یاران‌سین،

بیری ائنسین یئره گؤی‌دن بیری ارشه اوجالان‌سین،

بیری چال‌سین ال-آیاق قم دنیزین‌ده،

بیری ساحل‌ده سئوینج ایله دایان‌سین،

بیری ذلت پالازین باشا چکیب یات‌سا دا، آنجاق

بیرینین بختی اویان‌سین، بیری قویلان‌سا دا، نعمتلره یئرسیز،

بیری ده قانا بویانسین.

آی آدامسیز سورو آدلی، ساچلارین‌دان دارا باغلی!

نئیله‌مک ایش بئله گلمیش، چور گلن‌ده گوله گلمیش،

فلکین ایری کمانین‌دا اولان اوخ آتیلان‌دا دوزه دیمیش،

دیل‌سیزین باغرینی دلمیش، ایری قالمیش دوز اییلمیش.

اونو خوشلار بو فلک ائل ساراسین سئللر آپارسین،

بولبول حسرت چکرک گول ثمرین یئللر آپارسین،

قیسی چؤللرده قویوب لیلینی محمیللر آپارسین،

خسروو شیرین ایله ال-اله وئرسین، فرهادین قامتین ایسین،

باخاراق چرخ زامان نشئهیه گل‌سین، کئفه دولسون،

«سورولار» سول‌سا دا، سولسون

بیری باش یول‌سا دا، یولسون...

سیسقا بیر اولدوز اگر اولماسا اولدوزلار ایچین‌ده،

بو سما زولمته باتماز،

داش آتان کول باشی قویموش داشینی

اؤزگیه آتماز،

سن یئتیش‌سن هدفه اوندا فلک مقصده چاتماز،

داها افسانه یاراتماز...

سورو، آی باشی بلالی، زامانین قان‌لی غزالی!

سورو بیر قوش‌دور خزان آیری سالیب‌دیر یوواسین‌دان،

ال اوزوب‌دور آتاسین‌دان،

جوجه‌دیر حیف اولا سود گؤرمه‌ییب اصلا آناسین‌دان،

او زولئیخا کیمی یوسیف اییین آلمیر لیباسین‌دان،

بونا قاندیر تنفوس ائیلییر یار هاواسین‌دان،

درد وئره‌ن درده سالیب، اما خبر یوخ داواسین‌دان،

آغلاییب سیتقایاراق بهره آپارمیر دعاسین‌دان.

او بیر آینادیر رسم چکیب اوستونه زنگار،

اوندا یوخ قودرتی گفتار، اوزو چیرکین دیلی بیمار،

گنج وقتین‌ده دیل آزار،

گؤره‌ سن، کیم‌دی خطاکار؟

گؤره سن کیم‌دی خطاکار؟!

تاریخ
2016.12.29 / 09:54
مولف
آیتاج قدیراوا
شرح لر
دیگر خبرلر

عملیات اولونان فلورا خانیم‌دان سون خبر

تبریزین سسی کانادادا ائشدیله‌جک

ایستالین هیتلئرین هجومونو دئین گنرالی نیه هده‌له‌دی؟ - گیزلی تاریخ

کئچمیش پرزیدنت "دیلنچی" اولدو - فوتو

خالق آرتیستی رئانیماسییایا یئرلشدیریلدی

انیشتن اللهلا باغلی فیکری: دوشونمه‌ییب...

ایران‌دا بو رقص قاداغان ائدیلدی - ویدئو

عالیم و الناره‌دن محتشم کومپوزیسییا - ویدئو

تورکم من - خیاولی یازار

مشهور خوانندنین سون دورومو: عائله‌سی دانیشدی – ویدئو

خبر خطّی
 
Axar.az'da reklam Bağla
Reklam
Bize yazin Bağla