Axar.az
یوخاری


شاعر اود پوسکوردو – محو ائدیرلر

آنا صحیفه کولت
12 Punto 14 Punto 16 Punto 18 Punto

آذربایجانین گؤرکم‌لی شاعری موسی یعقوب دیلیمیزده تئز-تئز آلینما سؤزلرین ایشلدیلمه‌سینه اعتراضینی بیلدیریب.

بو باره‌ده Musavat.com-آ دانیشان شاعر خصوصاً ده «گون‌ده‌م»، «دستک»، «یازار» و دیگر بو کیمی سؤزلرین واخت آشیری مطبوعات‌دا ایستیفاده ائدیلمه‌سینه ناراضی‌لیق ائدیب.

«گون‌ده‌م سؤزو بیزیم سؤزوموز دئییل. بیزده »دم" شکیل‌چی‌سی یوخ‌دور، «لیق-لیک-لوق-لوک» شکیل‌چیلری وار. یعنی «گون‌ده‌م» دئییل، «گون‌ده‌لیک» اولمالی‌دیر. اگر «گون‌ده‌م» اولسای‌دی، اوندا اولاردی «آیده‌م»، «دونه‌ن‌ده‌م» و سایره. سس یمیزی، سؤزوموزو قورومالیییق.

مثلاً، «یازار» یازیرلار. تورکلر بئله دئییر، اما بیزده یازی‌چی‌دیر. یعنی سؤزلریمیزین چوخ حیصه‌سی، او جمله‌دن «دییرمان»، «کوتان»، «خیرمان»، کند تصروفاتینا عایید اولان بیر چوخ سؤزلرین اکثریتی سیرادان چیخیر.

مثلاً، «سامان آلتدان سو یئریتمک». ایندیکیلر نه سامان، نه ده خیرمان گؤرور، اونا گؤره ده بیلمیر کی، او سؤز نه دئمک‌دیر. گرک اونلارین کؤکونو، ایلکینی بیله‌سه‌ن. سون واختلار «آخینتی»، «گؤرونتو» سؤزلرینی باشقا سؤزلرله دییشیرلر. و یاخود «دستکلدیم» سؤزو. بیزده ضعیفه دستک وئررلر. مثال اوچون، بیزده دئییرلر، «آ بالا، گئت او آغاجا دستک وئر، بوداغی قیریلماسین». دستیی ضعیفه وئریرلر. بئله‌لیکله دیلیمیزی کورلادیق، خصوصیله ده رئکلاملارلا. او واخت رئکلاملار روسجا یازیلان‌دا بیز گنجلر عصیان ائدیردیک. مثلاً، منیم یادیم‌دادیر، کؤهنه «۲۶-لار باغی»ندا قیرمیزی قازلی سو ساتیردیلار. بیر ده گؤروردوم یازیبلار کی، «وودا نئت».

دئدیم کی، نیه بو جور، «سو یوخدور» یازماییبلار؟" اونا گؤره دوشدولر اوستومه کی، نیه بئله دئییرسن. اوردان زورلا قاچا بیلدیم. اما ایندی رئکلاملار اینگیلیسجه، روسجا یازیلیر، هئچ کیم ده سسینی چیخارتمیر.

«تارقوویی» کوچه‌سی دئییریک، او کوچه‌نی اولدن آخیراجان دوشوب باخین، گؤرون اوردا آذربایجان دیلین‌ده سؤز تاپا بیلیرسیز؟

بوتون شیرکتلرین هامیسی خاریجی دیل‌ده قید اولونوب. اما قانونوموز وار کی، خاریجی دیل ایله یازیلان‌دا آلتین‌دان آذربایجان دیلین‌ده ایضاحی اولمالی‌دیر. بیر دفعه تلویزییادا بو باره‌ده دئیه‌ن‌ده وئریلیشین او حیصه‌سینی کس‌دیلر. دئدیلر کی، قاداغان‌دیر، شیرکت بیزی اؤلدورر. شیرکت دئییر کی، من بو آدلا چیخمیشام. آ بالا، اولماز آخی. گتیرسین بو آدی، اما آلتین‌دان ایضاحی اولسون.

یازیرلار «پترول»، اونو «نفت» یاز. نابراندا بیر یئر وار، آدی «الفوروم». بو سؤز نه دئمک‌دیر آخی؟.. بیز اؤز آنا دیلیمیزی قورومالیییق"، - شاعر سرت شکیل‌ده اعتراضینی بیلدیریب.

تاریخ
2017.01.09 / 13:13
مولف
Axar.az
شرح لر
دیگر خبرلر

آکتریسانین گئییمی قالماقالا سبب اولوب

مغننی فوتبول میللیمیزه ماهنی حصر ائتدی - ویدئو

ائلناره عبدوللایئوا "لیلی» اولدو

اؤلمکله یاشاماغین فرقی قالماییب - کنان حاجی

آمئریکالی گلین قوساردا اؤز تویون‌دا بئله اوینادی - ویدئو

روسییا "آوروویزییا"نی یاییملامایاجاق

سامی یوسیف آز قونورار آلدیغی اوچون... -آچیقلاما

تورک دونیاسی موسیقی‌چیلرین‌دن مؤهتشه‌م نووروز کلیپی... - ویدئو

ندن خالق آرتیستینین طلبه‌سی یوخدور؟

مشهور آکتری‌سا یاتاغین‌دان دوشوب وفات ائتدی

خبر خطّی
 
Axar.az'da reklam Bağla
Reklam
Bize yazin Bağla