Axar.az
یوخاری
18 اوکتیابر 2018


کاباب قانلی، ایگید جانلی – میللی مطبخ

آنا صحیفه کولت
12 Punto 14 Punto 16 Punto 18 Punto

عصرلر بویو قافقازلیلارین ان سئویم‌لی یئمکلرین‌دن بیری ده کاباب اولوب. شیشه چکیله‌رک مانقال‌دا بیشیریله‌ن کاباب تاوادا دا بیشیریلیر کی، بونا «تاوا کابابی» دئییلیر. کاباب روسجا «شاشلیک» آدلانیر. «شاشلیک» سؤزونون کؤکو «شیش‌لیک» تورک سؤزون‌دن گؤتورولوب و «شیش اوستون‌ده» دئمک‌دیر. هله «کیتابی دده قورقود»دا «شیش‌لیک» سؤزونه دفعه‌لرله راست گلینیر.

آخار. آذ باس‌دیرما کاباب رئسئپتینی تقدیم ائدیر:

۳۰۰ قرام جاوان مال اتی (جان اتی)

۱ باش سوغان (یاریسی باس‌دیرما اوچون)

۱۵ گرام نار و یا ۱۰ گرام اوزوم سیرکه‌سی

۵ گرام کره یاغی

۱۰ گرام جعفری

ایستیوت

دوز

حاضرلانماسی:

مال اتی (جان اتی) تخمیناً ۳۵–۴۰ گرام‌لیق تیکه‌لره دوغرانیلیر. دوغراندیق‌دان سونرا بو تیکه‌لر قابا قویولور. اتین اوزرینه دوغرانمیش سوغان، دوز، دؤیولموش ایستیوت، اوزوم سیرکه‌سی، یاخود نار قاتیلاراق هامی‌سی بیرلیک‌ده قاریشدیریلیر و ۳–۴ ساعت عرضین‌ده سویوق یئرده باس‌دیرما اولماسی اوچون ساخلانیلیر. باس‌دیرما ائتمک، اتی هم یومشال‌دیر، هم ده ادویاتلارین تأثیری ایله داها دا لذته گتیریر.
باس‌دیرما کابابی بیشیرمک اوچون باس‌دیرما ائدیلمیش ات تیکه‌لری شیشه تاخیلیر و سوغان‌دان تمیزلنه‌رک کؤزرمیش کؤمور اوزرین‌ده بیشیریلیر. کؤزلرین آتشلنیب یانماماسینا دقت یئتیرمک لازیم‌دیر. بونا دقت ائدیلمه‌سه، باس‌دیرما کابابین اوز حیصه‌سی یانار، ایچری‌سی ایسه ایسته‌نیله‌ن شکیل‌ده بیشمز.
باس‌دیرما کاباب تامی داها خوش اولسون دئیه، اونو بیشیرمزدن اول کره یاغینا سالیب چیخارماق مصلحت گؤرولور.

کاباب بیشیریلیب سفره‌یه وئریله‌نده یانینا سوغان، لیمون، یاخود شیش‌ده بیشمیش پومیدور، سوماق، دؤیولموش ایستیوت و دوز قویولور.

تاریخ
2017.01.09 / 12:30
مولف
Axar.az
شرح لر
دیگر خبرلر

باکی‌دا آکسییا: گنجلر اللرینده کیتاب کوچه‌لرده... - ویدئو

گونئی و قوزئیین سئویملی موغننی‌سی: سیاستچیلردن خوشوم گلمیر

چوخ اؤلکه‌دن تکلیفلر آلماغا باشلامیشام - سنی دئییرلرین ایفاچیسی

"سنی دئییرلر" ماهنی‌سینین ایفاچی‌سی باکییا گلدی - ویدئو

آذری یا زبان باستان آذربایجان (جوابیه) کیتابی ایشیق اوزو گؤردو - فوتو

اومید نجارینین "دیوارلارین او تایی" کیتابی ایشیق اوزو گؤردو - تبریزده

طیاره‌نی ایلدیریم ووردو: شاهزاده و آروادی اؤلومدن دؤندو

اؤتن گونلر - ممد آراز

او داش آلتدا ممد آراز یاشاییر

آلمانییادا طلبه هارادا و نئجه یاخشی یاشایا بیلر؟

خبر خطّی
 
Axar.az'da reklam Bağla
Reklam
Bize yazin Bağla