Axar.az
یوخاری


میرزه جلیل نثرین‌ده پورترئت (شخصیت)

آنا صحیفه کولت
12 Punto 14 Punto 16 Punto 18 Punto

آخار. آذ بؤیوک یازی‌چی، پوبلیسیست، اجتماعی خادیم، «ملا نصرالدین» ادبی مکتبینین بانی‌سی و ایدئیا رهبری، دراماتورگ، ساتیریک جلیل ممدقولوزادنین (میرزه جلیل) نثر اثرلرین‌ده‌کی پورترئت حاقدا ماتریالی تقدیم ائدیر:

جلیل ممدقولوزاده یارادیجیلیغینین پوئتیک قورولوشوندا موختلیف و رنگارنگ اصوللاردان بیری ده سوژئته اویغون، هر صورتین وضعیتینه اویغون شکیلده سجیوی دئتاللار وئرمک، بونلارا ایستینادا اونون دیگر جهتلرینی، علامتلرینی، احوال-روحییه‌سینی، نیگاران‌لیغینی، مایوس‌لوغونو و س. تصویر ائد‌رک سوژئت خطین‌ده مرحله‌لرله تاماملاماق‌دیر.
ادیب اثرلرین‌ده یاراتدیغی صورتی اوخوجویا داها دولغون، یادداقالان شکیل‌ده تقدیم ائتمک اوچون اونا موختلیف جهت‌دن یاناشیر: اونون دانیشیق طرزینی، داورانیشینی، رفتارینی تصویر ائتمکله یاناشی، خاریجی گؤرکه‌می، بویو، بده‌نین قورولوشو، رنگی، اوزونون جیزگیلری گئییمی حاقین‌دا دا معلومات وئریر. او، سوژئت خطینین اینکیشاف مرحله‌لرین‌ده صورتین تالعیینی، پسیخولوژی عالمینی، گؤرکمینی داها قاباریق ایفاده ائتمک اوچون پورترئت‌دن الوئریشلی و فعال بیر واسطه کیمی ایستیفاده ائدیر،بعضا سوژئت مرحله‌لرینی محض بو واسطه ایله ایفاده ائد‌رک تاماملاییر. عمومیتله، اوبراز و حادثه‌نین ماهیتینی آچان پورترئت دئتاللاری جلیل ممدقولوزاده نثرین‌ده مهم یئر توتور.
پروفسور میر جلال جلیل ممدقولوزادنین حکایه‌لرین‌دن بحث ائدرکه‌ن اونلاری مزمون و قورولوشونا گؤره پورترئت و حادثه حکایه‌لری کیمی ایکی یئره بؤلور. مؤلف همچینین پورترئت و حادثه حکایه‌لرینین بیر سیرا خصوصیتلرینی ده ایضاح ائدیر. خصوصی اولاراق اونو دا قید ائتمک لازیم‌دیر کی، ادیبین نثرین‌ده پورترئت سوژئت خطینین عضوی ترکیب حیسه‌سی کیمی چیخیش ائد‌رک مرحله‌لرله تامام‌لانیر (سادت وهابووا. جلیل مممدقولوزاده نثرینین پوئتیکاسی. باکی، ۲۰۱۳، ۱۶۴ سه؛ ۷۲-جی صحیفه).
ادیب حیات حادثه‌لرینین اینسانین ظاهرین‌دن داخیلینه نفوذ ائتمه‌سینی، گؤرکم آردین‌دان ماهیتی، داخیلی معنانی بدیعی اوبرازلاردا پورترئت دئتاللاری واسطه‌سیله سوژئت خطینین اینکیشاف مرحله‌لرین‌ده، بوتؤولوک‌ده، بعضا ایسه علاقه‌لی شکیل‌ده گؤستریر. او، اساس ایدئیانین وحدتینی منطیقلی سوژئت فونون‌دا ظاهری افکتلرله (پورترئت دئتاللاری ایله) بوتؤولوک‌ده داوام و اینکیشاف ائتدیرمیی، یوکسک زیرویه قالدیرماغی و سون‌دا نقطه قویماغی صنعتکارلیقلا باجاریر. اثرین ایدئیاسین‌دا ایستیفاده اولونان بو پورترئت دئتاللاری حادثه‌نین، اونون اینکیشاف ایستیقامتین‌ده فردی جیزگیلر یاراتماقلا فردی اینسان سیماسین‌دا تیپیک اوبرازلار کشف ائد‌رک کاراکتئر و حادثه‌لرین ماهیتینی مرحله‌لرله تاماملاییر.
آردی وار...

تاریخ
2017.01.10 / 14:14
مولف
آیتاج قدیراوا
شرح لر
دیگر خبرلر

لنکران‌دا بو درس ماراقلا قارشیلاندی - ویدئو

مؤولودون «چتیرسیز»ی تقدیم ائدیلدی - فوتو

۶۰ ایللیک کادر: صمد وورغونلا سون گؤروش - ویدئو

«ادبیات قزئتی»ند‌ن سئویندیریجی - یئنی‌لیک

«قیرمیزیم» گون اوزونه چیخدی

هابیل علیئوین یوبیلیی کئچیریله‌جک

پرزیدنت اؤز یازدیغی ماهنینی اوخودو - ویدئو

قیزینین کنسرتی بیتدی، عالیم صحنه‌یه چیخدی و... – ویدئو

عالیم قاسیمووون قیزین‌دان مؤهتشه‌م کونسئرت - ویدئو

تبریزین بؤیوک صنعتکاری باکی‌دا

خبر خطّی
 
Axar.az'da reklam Bağla
Reklam
Bize yazin Bağla