Axar.az
یوخاری


«اوزونو بئله گؤرمدییم یولداشیم...»

آنا صحیفه کولت
12 Punto 14 Punto 16 Punto 18 Punto

بو گون تانینمیش یازی‌چی، شاعر پرویز جبراییلین دوغوم گونودور.

آخار. آذ خاطیرلادیر کی، او، ۱۹۷۱-جی ایل یانوارین ۱۸-ده بیلهسووار رایونونون عصمت‌لی کندین‌ده ضیالی عائله‌سین‌ده آنادان اولوب. ۱۹۹۱-جی ایلده باکی دؤولت اونیوئرسیتئتینین ژورنالیستیکا فاکولته‌سینه داخیل اولان پرویز جبراییل داها سونرا موختلیف مطبوع اورگانلاردا چالیشماغا باشلاییب.

ایلک کیتابی «اؤلنگی» ۲۰۰۰-جی ایلده نشر اولونوب. کیتابا مؤلفین حکایه‌لری («۶ کیلکه»)، ائسسئلری، شعیرلری، بیر نووللاسی («ایچ-ایچه») و ۱۹۹۶-جی ایلده، ۲۶ یاشیندا یازدیغی «اؤلنگی» رومانی داخیل ائدیلیب. ائله همین ایل کئچیریله‌ن سورغودا «اؤلنگی» رومانی «ایلین حادثه‌سی» حساب اولونوب.

«هر صاباح یاشام» (دفنه‌لی شعیرلر) کیتابی ۲۰۰۸-جی ایلده ایشیق اوزو گؤروب. اوچونجو کیتابی – «ان یئنی ادبیات» سرییاسین‌دا نشر اولونان «یاد دیل‌ده» مؤلفین جمعیتیمیزده سون ۲۰ ایل عرضین‌ده باش وئرن حادثه‌لره بدیعی یاناشماسینی عکس ائتدیریر. رومان حاقدا موختلیف قزئت و سایتلاردا آیری-آیری باخیشلاری عکس ائتدیرن چوخ‌لو علمی-تنقیدی، پوبلیسیست یازیلار درج ائدیلیب. «یاد دیل‌ده» ۲۰۱۱-جی ایلین «نسیمی» کیتاب مسابیقه‌سین‌ده «ایلین رومانی» آدینی قازانیب. داها سونرا ایسه آذربایجانین ان پرئستیژلی مسابیقه‌سی اولان «میللی کیتاب مسابیقه‌سی»نده (مکم) بیرینجی یئرین قالیبی سئچیلمکله بؤیوک رزونانس دوغوروب.

۴۶ یاشی تامام اولان پرویز جبراییلی اونون اؤز شعیرلری ایله تبریک ائدیریک:

دلی آدام

بیر ایل ده باسدیردین گئتدی،

بو گون چیخیر ایلی، آدام!

سنه عمورلوک ایش دوشور،

آی ایللر قاتیلی آدام.

گیزلنقاچ اویناما حاق نان،

نه بؤیوکنه‌ن، نه اوشاقنان،

ایچین گؤرونور اوزاقدان،

آینالی، شوشه‌لی آدام...

ایتر، اریر ایچین‌ده،

سوسار، کیریر ایچین‌ده،

اؤلر چورویر ایچین‌ده...

یئنه ده نشه‌لی آدام.

چاتیر ایختیار یاشینا،

چاشیب قالیرسان ایشینه:

آغ توک چیخاممیر باشینا -

قات-قات، مرتبه‌لی آدام.

بو دونیاسی سویوق مزار،

«سویوق مزار»دان کیم بئزار؟

دوروب، بیر ده شعیر یازار

مزارداکی اؤلو آدام؟

دلی آدام... دلی آدام...

ده نئینیم

داها هئچ کیم

اوخشامیر سنه،

داها هئچ کیم‌ده

آرانمیرسان بیر واختکی کیمی.

داها هامینی سن بیلیب

کیم‌سه‌یه قیسقانمیرام

کیم‌سه‌نی،

کیمی‌سه سن بیلیب

مارشروت تاکسی‌دن دوشن‌ده اتیینه توخونماق،

یاخین‌لیق ایستمیرم.

ایستمیرم تصادفن کیمین‌سه تلینه توخونا بارماقلاریم.

بیرووز اوز گؤتوروب کیم‌سه‌لردن

اوزونه گئیین‌دیرمک کئچمیر ایچیم‌دن.

آدلار سئچمیرم سنینچون

آد کیتابیندان.

داها هئچ کیم سن دئییل،

هامینین آدی اؤزونوندو،

اوزو،

تئلی،

آیاغی، الی،

تاخدیغی گوموش اوزوکلر، قولباقلار،

سیرغالار،

بویونباغیلار،

موبیل تلفونلار بئله،

اؤزونون.

داها معده‌مین آغری‌سی،

آجلیق چاغریسی

اوتوروب اورییم‌ده،

بئینیم‌ده

سنین بیلمدییم نیشانلارینی

گؤتور-قوی ائله مک یئرینه.

مندن آسیلی دئییل،

من نئینیم، ده...

آخی سن...

داها...

اؤزون وارسان،

اؤزونو گزیم

اوزوم وارسا...

منیم تمیزکار قادینیم

قادینیم منیم،

دوستوم،

سیرداشیم،

اوتداشیم،

تورپاقداشیم

سئودییم،

باغریما باسدیغیم،

اوزونو بئله گؤرمدییم

یولداشیم!

اسیرسن منیم یولومدا،

یوللاریمین اوستون‌ده

اسیرسن،

سیلیب-سوپورمک ایستییرسن

گئتدییم یولو.

دئییرسن، آیاققابیلاریم،

شالواریم،

کؤینییمین یاخاسی،

اتیی، قولو

بولاشماسین.

آیاغیما زرره‌جه

زیر-زیبیل دولاشماسین.

قارداشیم!

یولوم‌دا گؤردویون

او توز-تورپاق،

یار-یارپاق،

بوش آراق شوشه‌لری،

دیبینه‌جه‌ن سومورولموش

اوجوز سیقارئت کؤتوکلری،

شکلیم اولان

قزئت قیرینتیلاری،

پولی‌سه چاغیریش ورقه‌لری،

قیریق قاندال تایلاری،

یاغ‌لی چاخیرتیکانلاری،

قان داملالاری،

جاناوار تله‌لری،

قوش جله‌لری،

آلتی یوللاردا گئتمیش

تایکئش آیاققابیلار،

واختی لاپ چوخ‌دان بیتمیش

قت-تزه سوروجولوک وثیقه‌سی،

پول اصلاحاتین‌دان خیلی سونرا

بیر کیتابین آراسین‌دا

بولونان

دیرسیز، شاخ،

بیر ایللیک چؤره‌یه

یئته‌جک قدر

اؤلموش کاغیذ اسگیناسلار...

اوستون‌دن ایگیرمی ایل اؤتن‌دن سونرا

الیمه یئتن

«هه» جاوابی یازیلمیش

سئوگی مکتوبو -

ایگیرمی ایل سونرا یولوما سیرینان

آیاق ایزلری...

سوپورمه، - دئمه‌یه

دیلیم گلمیر،

بیر داها یولوما چیخمازسان، دئیه.

آما اؤزون بیل،

بو سیل-سوپوردن سونرا

من‌دن زیبیل ده قالمیر...

تاریخ
2017.01.18 / 14:18
مولف
Axar.az
شرح لر
دیگر خبرلر

پروانه ان تی وی-ده هامینی حیران قویدو: سفیریمیز ایسه... - ویدئو

آد گونو اولدو، اما... - واحیدین اوغلو

"رجب ایودیک"له باغلی قاداغا

«سئوگیلیم، کیمین خاراباسیندا...» - ویدئو

میللت وکیلینین تورکییه‌ده ایمضا گونو کئچیریلدی - فوتو

تانینمیش آپاریجی‌دان کدرلی پایلاشیم - فوتو

شاهین زکیزاده دفن ائدیلیر - فوتو

تونزاله آغایئوا افیرده هؤنکوروب آغلادی - ویدئو

ار قویوسوندا آچیق-ساچیق صحنه‌لر… - اولوییه

قاییدیشیم محتشم اولاجاق... - ملیکه

خبر خطّی
 
Axar.az'da reklam Bağla
Reklam
Bize yazin Bağla