Axar.az
یوخاری
22 اوکتیابر 2017


بیر ماشین ساخلاییب «اوتور، آپاریم» دئییر

آنا صحیفه کولت
12 Punto 14 Punto 16 Punto 18 Punto

کولت. آز گنج شاعر اورخان ساففارینین یئنی شعیرلرینی تقدیم ائدیر:

یادیم‌دادیر...

منی ترک ائد‌ن‌ده بئله، تک گتممیشدین سن
بیر قوجاق سئوگی آپارمیشدین
بیر قوجاق اومید قوپارمیشدین...

گؤزلریمین ایچینه قدر یالنیزلیق
دولموش‌دو بده‌نیمه
روحوم حوزنلو سیمفونییالارا کؤکلنمیشدی
بیر آز دا خرونیکی آغریلاریم واردی
یادیم‌دادی...

بیر ده سندن سونرا منه

بیر قوجاق نوت آیریلیق قالدی....

ایندی بیرگه دینلدییمیز ماهنیلار دا
جنازه مارشی کیمی چالینیر ائله بیل
سونونجو مصلحت گؤردویون کیتابین دا
ایلک جمله‌سین‌ده سن وارسان
بیلیرسن، ایندی منیم
«یاخشی کی، وارسان» دئین واختیمدی
اما باخیرام... باخیرام – بؤیوک بیر یوخسان...

چؤرک‌چی قادین

هر سحر اذان سسینه اویانیر،
اؤولادینی قوجاقلاییب یاتان او چؤرکچی قادین!
سانکی خمیر ایگی وئره‌ن ساچلارین‌دا گیزلنیب
تندیر چؤریینین قیراقلاری تک قیزاران،
یانان ایللری...

او داها چوخ یوغرولوب
ارینین اونو آتدیغی ایللرده
ایندی اونلو پالتاری داها آیدین سئزیلیر
قارانلیق گئجه‌لرده...

هردن اؤز قادینینین یانیندان
یئنیجه دوران بیر ماشین صاحبی ده ساخلاییر
«اوتور، آپاریم» دئیه...

اما تلسیر، قاچیر، چؤرکچی قادین
هله تندیره یاپیلاجاق نه قدر چؤریی وار،
سیز کی اونو تانیمیرسیز هله
دئییم سیزه:

اونون دیرناقلارینین قیراغین‌دا
خمیر قورویان ظریف اللری وار...

آتا گئدیشی
هردن چوخ تئز گئدیر آتالار
اؤزو قوجالمامیش
سن بؤیومه میش
هردن بوتون درد-کدری گؤرور آتالار
بعضا بیر شاد گونونو بئله گؤرممیش...

هردن قابار-قابار اولور آتالار
بزه‌ن قددی بوکولموش
اصلین‌ده آتاسین‌دان سونرا بیلیر اینسان
آداملار نئجه ده آسان اؤلورموش...

فسادی پیس اولور بو گئدیشلرین
بیر آنا اوغول‌سوز،
بیر قادین باش‌سیز قالیر
بزه‌ن اؤزونه دویمادیقلاریمیز
بیر عؤمور دیواردان آسیلی قالیر...

چیخاریب آتماق دا اولمور کنارا
ائل‌جه زیللنیب شکله باخیرسان
گؤرورسن نه آرخان، نه دایاغین وار
سوکوتو دینلییرسن
دایانیب اؤمرون اوستون‌ده...

تاریخ
2017.02.04 / 11:54
مولف
Axar.az
شرح لر
دیگر خبرلر

لئوناردو داوینچینین بو اثرینین سیرری اورتایا چیخدی

مشهور تورک صنعت‌چی «رنگلرین قارداشلیغی»ندا – فوتو

ستارخانی آغلادان قادین مجاهد

اوبامانین باشقا قادینا یازدیغی عشق مکتوبلاری... – فوتو

ارمنی گوله‌سینه توش گلن خالق قهرمانی - ستارخان

چینده ۲ مین ایللیک مزارلیق آشکارلاندی

اری شوکت علکبرووانین الی ایله اؤلوب؟ - آخار تی وی

آروادی ارمنی آکتیورو اؤلدورمک ایستدی - میراث

صمد وورغونون میر جعفره محتشم جاوابی

گئجه ساعت ۳-ده نه باش وئره‌جک؟ -لعنتلی گون

خبر خطّی
 
Axar.az'da reklam Bağla
Reklam
Bize yazin Bağla