Axar.az
یوخاری
22 سئنتیابر 2017


باکیدا استراحت ائدجیینیز ۱۰ ان اوجوز یئر- سیاهی

آنا صحیفه کولت
12 Punto 14 Punto 16 Punto 18 Punto

قیمتلرین باهالاشماسی اینسانلاردا بئله بیر فیکیر فورمالاشدیریب کی، داها ایشده‌ن سونرا، یاخود قئیری-ایش گونلرین‌ده ایلنجه مرکزلرینه یوللانماق اولماز. چونکی "جیب یاندیران" قیمتلر گوندن-گونه آرتماق‌دادیر.

حالبوکی استراحت ائده بیلجییمیز نورمال و اوجوز مکانلار آز دئییل:

۱. کینوتئاترلار (سینمالار)

هر هفته پایتاخت کینوتئاترلاریندا (سینمالاریندا) یئرلی، خاریجی، روس و یا تورکییه ایستحصالی اولان موختلیف ژانرلی فیلملر تقدیم اولونور. یعنی هر ذؤوقه اویغون فیلمه باخماق مومکوندور. بیلطلرین قیمتی ایسه ساعت ۱۰:۰۰-دان ۱۲:۰۰-دک ۲د – ۳ مانات، ۳د – ۴ مانات، ۱۲:۰۰-دن ۱۸:۰۰-دک ۲د – ۵ مانات، ۳د – ۶ مانات، ۱۸:۰۰-دن سونراکی سئانسلار ایسه ۲د – ۶ مانات، ۳د – ۷ مانات‌دیر.

۲. پورتال گیمز

بو اویون سیزی و دوستلارینیزی گونده‌لیک ایسترسدن چیخارماق اوچون ان یاخشی واسطه‌دیر. اویونون شرطلری چوخ ساده‌دیر: ۲-۶ نفردن عبارت کوماندا یارادیلیر. بورادا دقتلی اولماق و ایستنیله‌ن دورومدا تئز وضعیتدن چیخماق لازیمدیر. اویونچو قاپالی اوتاقدا اولور و آغلی، درراکه‌سی سایه‌سینده اورادان چیخماغا چالیشیر. قالیب اولماق اوچون ایسه بیر ساعت عرضین‌ده اوتاقدان چیخماق گرکدیر. بو اویونو اویناماق اوچون قیمت ۱۲-۱۶ مانات آراسیندا دییشیر.

۳. پینت بول

بو اویون دا کومان‌دا شکلین‌ده حیاتا کئچیریلیر. پیت نبول هوسکارلاری "اولدوز" متروسو یاخینلیغیندا یئرلشن میدانچایا یوللانا بیلرلر. بو اویون اوچون کوماندا ان آزی ۱۰ نفردن عبارت اولمالی‌دیر. آدامین بیری ۱۰ مانات‌دیر (بو قیمته ۱۰۰ گوله، گئییم و اویونون سونوندا پولسوز چای داخیلدیر).

۴. بوولینگ

اوجوز استراحت دئینده یادیمیزا بوولینگ اویونو دا گلیر. پایتاختین اکثر ایلنجه مرکزلرینده بوولینگ زاللارینا راست گلمک مومکون‌دور. بو ایدمان نؤوو ده اولدوقجا ایله‌نجه‌لی‌دیر. عائله عضولرینیزله و دوستلارینیزلا گؤزل هفته سونو کئچیرمک ایستییرسینیزه، موطلق بوولینگ سالنونا یوللانین. آدام باشینا ۱۰ مانات خرجله‌مه‌لی اولاجاقسینیز.

۵. تئاترلار

یوخ، اگر سیز روح آدامیسینیزسا، معنوی دینجلیک ایستییرسینیزسه، تئاترا یوللانین. باکی‌دا یئنی تاماشالار صحنه لشدیریلن تئاترلار کیفایت قدردیر. پایتاخت تئاترلاریندا هر بودجه‌یه اویغون تاماشا تاپماق مومکوندور. کوکلا تئاتریندا بیلئتین قیمتی جمعی-جوملتانی ۳ مانات تشکیل ائدیر.

۶. «۵۰ قپیک» چای ائوی

"۲۸ مای" متروستانسییاسی یاخینلیغیندا، سلیمان رستم کوچه‌سینده یئرلشن "۵۰ قپیک" آدلی چای ائوی وار. بورادا بیر فینچان چایین قیمتی ۵۰ قپیک‌دیر. بو چای ائوینده سویوق قیش گونلرینده دوستلارینیزلا اوتوروب، ایستی چای ایچیب، قیزینا بیلرسینیز.

۷. کافه لر

باکیدا همچینین چوخ سایدا کافه لر وار کی، بورادا آدام باشینا ۱۰ مانات خرجله‌مکله، استراحت ائتمک مومکوندور.

۸. بوز میدانچاسی

واختی ایله‌نجه‌لی کئچیرمک اوچون بوز میدانچالارینا دا گئتمک اولار. باکی‌دا کونکی سورمک اوچون "آیس" و "مئگافون"آ یوللانماق لازیمدیر.

قیمتلر:

ایس بوز مئیدانچاسین‌دا ۱۵ دقیقه ۵ مانات، ۳۰ دقیقه — ۸ مانات، ۱ ساعت — ۱۵ مانات‌دیر.

"مئگافون"دا ۱۰ دقیقه ۵ مانات، ۳۰ دقیقه — ۱۰ مانات، ۱ ساعت — ۱۵ مانات‌دیر.

۹. "سویوق اللر، ایستی اورک" قیش یارمارکاسی (ساتیش سرگیسی)

آرتیق بیر نئچه ایلدیر کی، فانتانلار میدانیندا عنعنوی "سویوق اللر، ایستی اورک" خئیرییه یارمارکاسی کئچیریلیر. باخ بو یارمارکادا ساده‌جه، گزمک اولار. بورادا گزن زامان آدام اؤزونو سانکی ناغیللار عالمینه دوشموش کیمی حس ائدیر. یارمارکادا عمللی-باشلی یئنی ایل آب-هاواسی حس اولونور.

۱۰. موزه یلر

گونونوزو و یا هفته سونونوزو خوش کئچیرمک مقصدیله سیز پایتاختدا یئرلشن موزه یلره ده یوللانا بیلرسینیز. بونون اوچون ایسه ۲ مانات خرجلیجکسینیز.

تاریخ
2017.02.11 / 10:58
مولف
Axar.az
شرح لر
دیگر خبرلر

تهماسیب و سلطانی سلیمان قانونی آراسیندا - دئییشمه

سورو: اردبیلین الموت لو لیلی سی - ویدئو

بیر دؤورون اولی و سونو – اردبیل خانلیغی

تاریخی دییشن، ۱۳ یاشیندا تاختا چیخان اردبیللی شاه - ویدئو

۵۰۰۰ ایللیک تاریخی اولان اردبیلی بیر ده بئله گؤرون - ویدئو

خاطرلره «سلیمانی» کیمی گئری دؤنن میللی رقص – ویدئو

خالق آرتیستی خرچنگه توتولدو

شاهی گؤزللیگی ایله دیز چؤکدورن آذربایجانلی قادین - فوتو/ویدئو

اوغلوم، منیم دیلیمنده یاز کی، من ده باشا دوشوم

آزادلیق‌دیر منه ملحم، سنه درمان، آذربایجان

خبر خطّی
 
Axar.az'da reklam Bağla
Reklam
Bize yazin Bağla