Axar.az
یوخاری
18 نویابر 2017


مممد آراز:مندن اؤتدو، قارداشیما دیدی - ویدئو

آنا صحیفه کولت
12 Punto 14 Punto 16 Punto 18 Punto

آذربایجانین خالق شاعری مممد آراز ۱۹۳۳-جو ایل اوکتیابر آیینین ۱۴-ده شاهبوز رایونونون نورسو کندینده آنادان اولوب. ۱۹۵۹-۱۹۶۱-جی ایللرده مسکوادا یازی‌چیلار اتفاقی نزدینده‌کی عالی ادبیات کورسلارینین مداویمی اولوب. سونرا «اولدوز» ژورنالینین مسئول کاتیبی، «ادبیات و اینجه صنعت» قزئتینده، آذربایجان دؤولت نشریاتیندا باش رداکتورون معاوینی وظیفه‌سینده چالیشیب. ۲۰۰۴-جو ایلین ۱ دکابرین‌دا باکیدا وفات ائدیب و فخری خیاباندا دفن اولونوب.

آخار. آذ شاعرین «مندن اؤتدو، قارداشیما دیدی» شعرینی تقدیم ائدیر:

ای داشلاشان، تورپاقلاشان
اولو بابام!
بو گونومدن دوننیمه اوزاقلاشان
اولو بابام!
کولکلشن، دومانلاشان روحونلا سن
آیاغا دور، سنینله‌یم!
سس گئتمه‌ین،
ال یئتمه‌ین
قدیم تاریخ دره‌سیندن
سس وئر منیم سسیمه سن:
سنه گلن، سندن اؤتن
نیدی بئله؟ -
سندن اؤتوب قارداشینا دیدی بئله؟
بونونلامی نئچه دفعه
آتا-اوغول، قارداش حیسی هاچالاندی،
بیر شهرین
بئش قارداشین خانلیغینا پارچالاندی؟
او زامان‌می بیتدی بیزیم
دیلیمیزین
«سنین»، «منیم» قاباری دا؟
او زامانمی بیتدی بیزیم
دیلیمیزین
«هارالیسان» داماری دا؟..

سنینله‌یم، اولو بابام!
بو مثلی کیمدی یازان؟
هانسی سویسوز آتا ایدی
آتالارین ایمضاسینی
چکیب، اونا مؤهور باسان؟!

آدینیزی داستانلاردان اوغرایارام،
روحونوزو قییما-قییما دوغرایارام
قارا چوبان،
دلی دومرول.
ای خان ایواز،
گیزیر اوغلو مصطفی بی،
اگر کی، سیز
بو مثله قول چکدینیز!

سونرا، سونرا هانسینیزسا
خالقا گلن بیر قضادان
اؤز باشینی یانا ایدی.
او قضا بیر توپا دؤنوب
ستارخانین تیفاقینا
یامان دیدی،
مندن اؤتدو!...
من‌دن اؤتدو!..
سئوینجه باخ، قیرته باخ!
بونو یازان خیلقته باخ!
مندن اؤتدو!..

قولاغیم‌دان گئتمیر بو سس،
ضربه‌لری قارداشینا،
سیرداشینا اؤتورن کس
ائله بیل کی، باخ بو گئجه
قولاغیمین دیبینده‌جه
ختاینین سقوطونا
قه-قه چکدی.
سونرا، سونرا
سحره‌جان باشینا یوز قدح چکدی.
او قهقهه نین دالغاسیندان،
او مست لیین باش فیرلادان
هاواسیندان
قوپان داشدی -
آذربایجان تورپاغیندا
آراز بویدا شیریم آچدی.
مندن اؤتدو...
بونو دئدی شکی خانی.
بونو دئدی باکی خانی،
بونو دئدی ایبراهیم خان،
فتحعلی خان، کلبعلی خان...
قضا اؤتسون مندن، - دئدی،
اؤتن کیمی "من-من" دئدی:
"من-من" دئدی بیر اؤلکه‌ده
نه قدر خان.
اونلار "من-من" دئین یئرده
سن اولمادین، آذربایجان!

سنی سندن آلیب بئله
یوز ایللرله اویوتدولار.
سنی سن‌ده اله دیلر،
سنی سن‌ده اویوتدولر.
دیبک اولدون اؤز دوزونلا،
اؤز داشینلا.
اؤگئی اولدون
دوغما، ائکیز قارداشینلا -
مندن اؤتدو دئیه‌نلرین قیرتیندن،
ناموسونو یئیه‌نلرین قیرتیندن!
مندن اؤتدو... مندن اؤتدو!
ای داشلاشان، تورپاقلاشان،
اولو بابام!
بو گونومدن دونه‌نیمه اوزاقلاشان
اولو بابام!
آیاغا دور!
دفن ائتدییم مسئله نین
باش داشینا
بیر تأسف خاطره‌سی یازیب، یوندور:
سندن اؤتن منه دیدی،
مندن اؤتن سنه دیدی.
سندن، مندن اؤتن ضربه
وطن، وطن، سنه دیدی...

تاریخ
2017.02.15 / 16:27
مولف
Axar.az
شرح لر
دیگر خبرلر

پاییزین تبریز سفری - فوتو

من سندن اينجيديم گئتديم...شعر

نادیر شاهین تورکلرله باغلی پلانی: یئنی میللت یاراتماق و...

سنه آچاجاغام سؤز ياواش- ياواش...شعیر

علامه جعفری - شرقین عرفان سماسیندا پارلاق گونشی / فوتو

دا وینچینین «۶۰ دوللارلیق» اثری ۴۵۰ میلیونا ساتیل‌دی

‎تورکون آلینماز قالاسی - سولدوز (نقده)

بؤلونن يوردو اويات، قويما ياتا...شعیر

داها مندن سئوگی اومما، عزیزیم…شعر

ستارخانی آغلادان قادین مجاهد

خبر خطّی
 
  
  
  
  
Axar.az'da reklam Bağla
Reklam
Bize yazin Bağla