Axar.az
یوخاری
29 اییون 2017


«علی کریم دئدی کی، من کرمله قایتارمامیشام» - الزا

آنا صحیفه کولت
12 Punto 14 Punto 16 Punto 18 Punto

بو گون مرحوم آذربایجان شاعری علی کریمین دوغوم گونودور.

کولت. آذ خاتیرلادیر کی، او، ۱۹۳۱-جی ایل مارتین ۱۸-ده آذربایجانین گؤیچای شهرینده آنادان اولوب. ۱۹۴۸-جی ایلده آذربایجان دؤولت اونیوئرسیتئتینین فیلولوگییا فاکولته‌سینه داخیل اولان علی بورادا احتیاجی اولدوغو یاتاقخانا اولمادیغیندان تئاتر اینستیتوتونون تئاترشناسلیق فاکولته‌سینه کئچیر.

۳-جو کورسدان مسکوادا، م. قورکی آدینا دونیا ادبیاتی اینستیتوتوندا تحصیلینی داوام ائتدیریر و ۱۹۵۵-جی ایلده اورانی فرقلنمه دیپلمو ایله بیتیریر. باکییا قاییتدیقدان سونرا «آذربایجان» ژورنالینین رئداکسییاسیندا ایشلییر، شعیر شعبه‌سینین مدیری اولور.

۱۹۵۷-جی ایلده مسکوادا کئچیریلن طلبه‌لرین ۶-جی عمومدونیا فئستیوالین‌دا علی کریمین «ایلک سیمفونییا» پوئماسی موکافاتا لاییق گؤرولور.

شاعرین «ایکی سئوگی» (۱۹۶۰)، «همیشه سفرده» (۱۹۶۳)، «قیزیل قاناد» (۱۹۶۵)، «قایتار آنا بورجونو» (۱۹۷۰)، «اوشاقلار و اولدوزلار» (۱۹۷۱) «سفردن سونرا» (۱۹۷۲)، «قاییت» (۱۹۸۳)، «پیلله‌لر» (۱۹۸۷) و باشقا کیتابلاری بو گون ده آذربایجان پوئزییاسینین دیرلی اینجیلرین‌دن‌دیر.

علی کریم گؤزل شاعر اولماقلا یاناشی، یوکسک یومور حسینه مالیک ایدی. حیات یولداشی ائلزا خانیم اونونلا باغلی خاطره‌لرینین بیرین‌ده دئییر:

«بیر گون علی عثمان ساریوللینین شعیرینی ایتیریر. عثمان ساریوللینین شعیری ایتدیینه گؤره یازیچیلار بیرلیینده ریاست هئیتی توپلانیلیر. رسول رضا دا اورادا ایشتیراک ائدیردی. بوندان قاباق دا اونلار - علی کریم، عثمان ساریوللی، رسول رضا مسکوادا دئکادادا اولوبلار. کرئمل‌ده خروششوو بونلارا قوناقلیق وئریب. اورادا کیملرینسه ساغلیغینا ایچیردیلر. عثمان دا ایچن آدام دئییل‌دی. اما قورخوسوندان بوتون ساغلیقلاری ایچیر. اولور لول-قنبر و یئدیکلرینی کرئملده قایتاریر. علی بونو آلیب دالینا قالدیقلاری یئره گتیریب. ایندی یازیچیلار اتفاقیندا همین شعیر ایتکیسینه گؤره ریاست هئیتی ییغیلاندا علی سؤز آلان کیمی بونو دئییب: «عثمان معلم، من هله «باکسووئت»ا قایتارمامیشام، اما سن کرئمله قایتارمیسان». رسول رضایا بو لذت ائدیب، دئییب کی، عثمان، دی جاواب وئر! بونونلا دا ریاست هئیتی داغیلیب. مسئله باغلانیب».

«ائه! بو گون نه قدر خیالا دالدیم،

ائه! قلبیم نه قدر آلیش‌دی، دیندی.

سن منیم قدری‌می بیله‌سه‌ن دئیه

بو جاوان یاشیمدا اؤلوممو ایندی؟»- دئین علی کریم ۱۹۶۹-جو ایلده ۳۸ یاشیندا وفات ائدیب.

تاریخ
2017.03.18 / 22:19
مولف
Axar.az
شرح لر
دیگر خبرلر

دونیانی سیلکه‌له‌ین مکتوب: مایکل جکسون اؤلدورولوب؟

خان ساراییندا پالیاک و ماجار موسیقیلری - فوتو

باکی‌دا مشهور بوللیوود اولدوزو ایله گؤروش کئچیریلدی - فوتو

کونول خاسییئوا یئنیدن صحنه‌ده – ویدئو

قنداب قولیئوا دفن اولوندو - فوتو

قنداب قولیئوا وفات ائتدی

خالق آرتیستینین اوغلون‌دان اینسانی سارسی‌دان سؤزلر

آزادلیق حرکاتینین لیدری ائلچی بی

خالق آرتیستینین وضعیتی آغیردیر

عملیات اولونان فلورا خانیم‌دان سون خبر

خبر خطّی
 
Axar.az'da reklam Bağla
Reklam
Bize yazin Bağla