Axar.az
یوخاری
11 دکابر 2017


چینگیز خان حاقدا ۱۰ ماراقلی - فاکت

آنا صحیفه کولت
12 Punto 14 Punto 16 Punto 18 Punto

تاریخه آدینی یازدیرمیش افسانوی مونغول ایمپراتورو و تاریخین ان گوجلو سرکرده‌سی چینگیز خانین گوجو، حاکمیتی معاصر دؤوروموزده ده بیر چوخ اینسانلارین دقت مرکزینده‌دیر.

کولت. آذ چینگیز خان حاقین‌دا بعضی ماراقلی معلوماتلاری تقدیم ائدیر:

مونغول ایمپراتورو چینگیز خانین اصل آدی تیموچیندیر. لیاقتلی، اولدوقجا گوجلو اوردوسو اولدوغو اوچون تاریخین ان قوتلی سرکرده‌سی حساب اولونور.

بو مؤوضوع تاریخچیلر آراسیندا موباهثلی اولسا دا، مونغول ایمپراتورلوغونون حیاتا کئچیردیی دؤیوشلرده دونیا اهالیسینین ۱۱ فایزینین اؤلدویو ادعا ائدیلیر. بو ایسه او دؤور اوچون ۴۰ میلیون اینسانا برابردیر. ایندیکی دؤورده بو رقم ۷۵۰ میلیون ائدیر.

«چینگیز خان قانونلاری» دئیه بیر آنلاییش وار. ایمپراتورلوقدا قیدسیز-شرط‌سیز بو قانونلارا بویون ایمک واجیب ایدی. بو قانونلارا گؤره، زینا ائد‌نلر، یالان دانیشانلار، سویو چیرکلندیرنلر، جاسوسلار اعدام ائدیلیردی.

مشقتلی بیر اوشاقلیق دؤورو اولان تیموچین ۱۰ یاشیندا اولارکن اوولادیقلاری حیوانی بؤلوشدورمکده راضیلیغا گله بیلمدیی اوچون اؤگی قارداشی بکتری اؤلدوروب.

تیموچین ۱۶ یاشیندا بؤرتی آدلی بیر قادینلا ائولنیب. داها سونرا بؤرتی مرکیتلر طرفیندن قاچیریلیب و بیر آدامین قادینی اولوب. خلاص ائدیلدیکدن ۹ آی سونرا ایسه دوغوش ائدیب. چینگیز خان اوغلونا مونغولجا «قوناق» معناسینی وئره‌ن «جوجی» آدینی قویوب. جوجینی هئچ واخت دیگر اوغوللاریندان آییرماییب.

تاریخه دامغاسینی وورموش بیر حکمدار اولماسینا باخمایاراق، اونون فیزیکی خصوصیتلری ایله باغلی تام معلومات یوخدور. بیر چوخ منبع‌ده او، اوزون، گور ساققاللی و ساچلی شخص کیمی تصویر ائدیلیر، دیگر قایناقلاردا ایسه قیزیل ساچی و یاشیل گؤزلری اولدوغو حاقدا یازیلارا راست گلینیر.

خیانتی هئچ بیر حالدا قبول ائتمه‌ییب. اؤز دوشمنی ده داخیل اولماقلا، خیانت ائد‌نلری اعدام ائتدیریب. چینگیز خان قارداشی جاموکا ایله لیدرلیک چکیشمه‌لری نتیجه‌سینده دوشمن اولموشدو. قاچاق حیاتی یاشایان جاموکانی آداملاری آلداداراق ایمپراتورون یانینا آپاریر. چینگیز خان ایسه همین شخصلری جاموکایا ائتدیکلری خیانت سببی ایله اعدام ائتدیریر.

دئییله‌نلره گؤره، فتح ائتدیی تورپاقلاردا قادینلاردان اؤولاد صاحبی اولورموش. بو معلوماتا اساسلاناراق آراشدیرماجیلار حاضردا دونیاداکی هر ۲۰۰ نفردن بیرینین چینگیز خانین سویونو داشیدیغینی ادعا ائدیر.

۱۲۲۷-جی ایلین ۱۸ آوقوستوندا اؤلن چینگیز خانین مزارینین هارادا اولدوغو بیلینمیر. باسدیریلدیقدان سونرا مزارین گیزلی ساخلانیلماسی اوچون بیر نئچه آت قبیرین اوستونده گزدیریلیب، بئله‌لیکله ده مزارین یئری سیلینیب. مزارین یئری بیلینمه‌سین دئیه جنازه‌یه قاتیلان هر کس اؤلدورولوب.

معاصر دؤوروموزده چینگیز خانین مزارینین آچیلاجاغی حالدا لعنت گتیرجیینه اینانیرلار و بونا گؤره ده مزارین یئری آختاریلمیر.

«من تانرینین جزاسییام. اگر هئچ بیر گوناهینیز اولماسایدی، تانری سیزی جزالاندیرماغیم اوچون منی گؤندرمزدی»، - چینگیز خانین بو سؤزلری تاریخه یازیلیب.

تاریخ
2017.07.10 / 09:34
مولف
Axar.az
شرح لر
دیگر خبرلر

رؤیا تورکییه‌ده نفوذلو موکافات آلدی - فوتو

تانینمیش آذربایجانلی آشیق وفات ائتدی - ویدئو

یئنه بیر قادین جسدی -حکایه

آوروویزییا غالیبینه اورک کؤچورولدو

باش‌دان پاپاق آلیب قاچان دونیادی...شعر

قودسو آزاد ائد‌ن، ۳ لیدری دیز چؤکدورن آذربایجانلی

یوخو فیلمی - ویدئو

آذر آیی – شاعر آیی

آنادان واز کئچمک اولارمی؟

نازینا چاتاندا فیرچادان ال چک...شعر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla