Axar.az
یوخاری
22 اوکتیابر 2018


او دونیادا دیریلن خانیم سولار، گلین سولار...

آنا صحیفه کولت
12 Punto 14 Punto 16 Punto 18 Punto

کولت. آذ شاعر توفیق نورلینین شعرلرینی تقدیم ائدیر:

سولار

بو دونیادان چیرکلی گئدیب

او دونیادان تمیز گلن

خانیم سولار،

گلین سولار...

بو دونیادان سوچلو گئدیب،

بو دونیادا پوچ اولوب گئدیب

او دونیادا دیریلن سولار

خانیم سولار،

گلین سولار...

هر ایکی دونیانی گؤره‌ن

اول سولار، آخیر سولار...

بو دونیادان او دونیایا،

او دونیادان بو دونیایا

آخان سولار،

آخار سولار—

خانیم سولار،

گلین سولار..،

منی ده یولداش گؤتورون!

چیرکین-پاسین اووجوندایام،

دؤرد یانیمی بورج بورویوب—

گؤر نلرین بورجوندایام؟!

ویجداندان بورج خرجلمیشم!

من بختی ووردوم توپ کیمی،

ووردوغوم یئره دوشمدی.

ایلاهینین ایشیقلاری

دوردوغوم یئره دوشمدی.

اینسان آدینا نه وارسا

منیمچون هامی‌سی سینیب.

ایچیم‌ده گؤز-گؤزو گؤرمور -

ایچیمین شاملاری سؤنوب.

زامانین بو پاراسین‌دا

هر یان یاش‌دی، قورو یوخدو...

اوستون‌ده دوردوغوم واختین

هئچ بیر یاندان نورو یوخدو...

چیرک‌لی گئدیب پاک قاییدان،

جود گئدیب ایپک قایی‌دان

خانیم سولار،

گلین سولار

منی ده یولداش گؤتورون

دالینیزجا گلیم،سولار.

بیرجه دفعه محلت اولسون،

دؤنر اولسون گئدر یولوم.

ایلاهی، روسختین وارمی

گئدیم-گلیم اینسان اولوم؟!

قیش قایغی‌سی

یازدا توخوم کیمی زوغ آتیب چیخیب

یارپاق آچاجاغام گول آچاجاغام

بو کهنه دیلیمی قویوب بیر یانا

اینان کی، تزه‌دن دیل آچاجاغام

بو قیشی بیرتهر کئچیره بیلسم...

سازاق ایلییمه ایشله‌یه‌ن زامان-

بیر ایستی میصراعیا توتسام الی‌می-

تله‌سه-تله‌سه گلن دومان‌دان

قیروو باغلایان‌دا داش دا چؤر-چؤپ ده...

قفیل ییخیلماسام بو اؤته-اؤتده...

بو قیشی بیرتهر کئچیره بیلسم...

چووغوندان یئرله گؤی سئچیلمه‌ینده،

باشین ایتیرنده تامام چؤل-باییر،

دومنادان تؤکولن یانار پولادتک

گؤررسن دیلیمده سؤز پاریلداییر

بو قیشی بیرتهر کئچیره بیلسم...

بو دا بیر ایستک‌دیر دوشوب کؤنلومه

من یاز وورغونو دا دئییلم، دوزو،

بورویور قلبیمی شاعرانه‌لیک

پاییزا دؤننده دونیانین اوزو.

بابا داغی

(تاهیر معلمه مکتوب)

آی معلم، بابا داغی نئجه‌دی؟

کللر گدیکلردن آشیرمی گؤره‌ن؟

گئجه‌لر دونیانی لیسان دؤینده

سئللر دره‌لردن داشیرمی گؤره‌ن؟

قایاسین‌دا چوخ لاچینلار قووموشام،

یوواسین‌دان گؤیرچینلر قووموشام،

غیرت اوتوران بیلدیرچینلر قووموشام—

بیری گوناهیمدان کئچیرمی گؤره‌ن؟

ایلک سؤزومو شیمشکلره یازمیشدیم—

هئچ بیلمیرم نئچه کره یازمیشدیم...

صینفیمیزده بختوره یازمیشدیم

او آغی قارادان سئچیرمی گؤره‌ن؟

لیسانین‌دان توتوب گؤیه چیخاردیم—

لیسان منی دؤیه-دؤیه چیخاردیم...

هئچ بیلمیرم گؤیه نیه چیخاردیم—

لیسانلار بو سیرری آچارمی گؤرن؟

سئودیکلریم کؤچدو گئتدی دونیادان،

منه بیر عشق بورجلو گتدی دونیادان...

بو اوزوبوز،قوودو-قاچدی دونیادان

ایلک عشقین گؤزو سو ایچیرمی گؤره‌ن؟

من ده گلیب ائنیشلره چاتمیشام

ایلکین‌لییه دؤنوشلره چاتمیشام...

داغ قارتالی، من بیلمیرم، قارداشیم...

داغلاردان-داغلارا کؤچورمو گؤره‌ن؟

آی معلم، بابا داغی نئجه‌دی؟!

زیروه‌لرین آی چیراغی نئجه‌دی؟!

قارشی‌سین‌دا گناهلاریم نئچه‌دی

پیریم گناهلاری اؤلچورمو گؤره‌ن؟!

تاریخ
2017.07.10 / 11:28
مولف
Axar.az
شرح لر
دیگر خبرلر

هادی باهادوری ایستادیون‌دا مشهور شعری اوخودو – ویدئو

خیابانینین تحقیرآمیز وضعیتده اولان مزاری – ویدئو

مشروطه اینقیلابینین گؤرکم‌لی رهبری-ستار خان

باکی‌دا تورک اولدوزلارینین ایشتیراکی ایله قالا گئجه‌سی

میلان-قدیم اینسان مسکنی-ایتالییادا دئییل تبریزده

ایبراهیم علیزاده آخار. آذ-دا ژورنالیستلری آلداتدی – ویدئو

سن، قارانلیق گئجه‌مین شمعی---میلاد عزیزی

ایمپرییا ایداره ائد‌ن آذربایجان‌لی آریستوتل - تاریخ

بو گون آذربایجانین دؤولت موستقیل‌لیگی گونودور.

آرگنتینادا تدبیر: «ساری گلین» سسلندیریلدی - فوتو

خبر خطّی
 
Axar.az'da reklam Bağla
Reklam
Bize yazin Bağla