Axar.az
یوخاری
22 اوکتیابر 2018


بو گون اؤلن مشهورون - شوک وصیعتی

آنا صحیفه کولت
12 Punto 14 Punto 16 Punto 18 Punto

جسدیمی پاکتله تورپاغا باسدیریب، اوزرینده آغاج اکیلمه‌سینی ایستییرم. باش داشی فیلان ایستمیرم. مزاریم اوزرینده آدیم دا قید ائدیلمسین.

کولت. آذ خبر وئریر کی، بو سؤزلر بو گون دونیاسینی دییلشمیش تورکییه‌نین مشهور موغننی‌سی هارون کولچاکین وصیعتینده یئر آلیب. اولدوقجا ماراقلا قارشیلانان وصیعتی اولدوغو کیمی تقدیم ائدیریک:

«بوتون اورقانلاریمی باغیشلادیغیم اوچون بؤیوک احتیماللا اؤلندن سونرا منی سیزه پاکت‌ده وئرجکلر. اونا گؤره ده او پاکتی قوردالامایین. نه جنازمده، نه ده اوندان سونرا ۳، ۷، ۴۰ کیمی مراسیملری بهانه ائدیب، یئمک-فیلان وئرمیین. «هارون بونو سئویردی، اونو سئویردی» دئیه بهانه گتیریب قارنینیزی شیشیرتمیین. سیزین اتلی پیده یئمیینیز اوچون اؤلممیشم. منیم جانیم اوچون یئدیینیز هر لوقما بوغازینیزدا قالاجاق. بونو بیلین.

آرخامدان یاخشیلیغیم اوچون دعا-فیلان ائتمیین. یاشادیغیم واخت ائتمدیینیز دعانی اؤلندن سونرا ائتمه‌یه چالیشمایین. مطلق بیریلری اوچون یئمک وئرمک ایستییرسینیزسه، بونو کوچه حیوانلارینا وئرین. بو، ان دقیق ایستییمدیر.

منیم مالیم قیمتلیدیر، اونا گؤره ده هئچ بیر اشیامی هئچ بیر تانیشیما وئرمیین. گئییملریمی سوسیال خیدمتلره، یا دا کاسیبلارا وئرین. دیگر اشیالاریمی ایسه آتین، یا دا یاندیرین. مندن گئرییه هئچ بیر شئی قالماسین.

منی تانییانلار یاخشی بیلیر کی، بیر آز آچیق سؤزلویم. اونا گؤره ده ایستییرم کی، هامیدان اؤنجه اؤلوم. سونلارا قالیب، کیمسه‌نین اؤلوسو ایله اؤزومو مشغول ائتمک ایستمیرم. آرخامدان ایستدیینیز قدر دانیشین، غیبت ائدین. راحت اولون. سیزینله مشغول اولماغا حالیم یوخدور، گول کیمی اؤلموشم.

و… بلی. حیوانلاری اینسانلاردان داها چوخ سئویرم. بو دا سیزه سون سؤزوم اولسون».

قید ائدک کی، اوزون مدت خرچنگدن اذیت چکن تورکییه‌نین مشهور موغننیلریندن هارون قولچاک ۶۲ یاشیندا وفات ائدیب. اوزون معالیجه‌لردن سونرا یئنیدن خسته خانایا یئرلشدیریلرک عملیات اولونان موغننی خسته‌لییه غالیب گله بیلمه‌ییب. او، عملیاتدان سونرا گئجه ساعتلاریندا دونیاسینی دییشیب.

هارون قولچاک تورکییه‌ده ۹۰-جی ایللرین مشهور پوپ ایفاچیلاریندان ساییلیر. او، همچینین بستکار و گیتارا ایفاچیسی کیمی ده مشهور ایدی.

تاریخ
2017.07.20 / 17:02
مولف
Axar.az
شرح لر
دیگر خبرلر

هادی باهادوری ایستادیون‌دا مشهور شعری اوخودو – ویدئو

خیابانینین تحقیرآمیز وضعیتده اولان مزاری – ویدئو

مشروطه اینقیلابینین گؤرکم‌لی رهبری-ستار خان

باکی‌دا تورک اولدوزلارینین ایشتیراکی ایله قالا گئجه‌سی

میلان-قدیم اینسان مسکنی-ایتالییادا دئییل تبریزده

ایبراهیم علیزاده آخار. آذ-دا ژورنالیستلری آلداتدی – ویدئو

سن، قارانلیق گئجه‌مین شمعی---میلاد عزیزی

ایمپرییا ایداره ائد‌ن آذربایجان‌لی آریستوتل - تاریخ

بو گون آذربایجانین دؤولت موستقیل‌لیگی گونودور.

آرگنتینادا تدبیر: «ساری گلین» سسلندیریلدی - فوتو

خبر خطّی
 
Axar.az'da reklam Bağla
Reklam
Bize yazin Bağla