Axar.az
یوخاری
24 یانوار 2018


خالق گؤزل سسی اولان هر ایفاچینی قبول ائتمیر – خالق آرتیستی

آنا صحیفه کولت
12 Punto 14 Punto 16 Punto 18 Punto

هامینین مجنون کیمی سئودیی گؤرکه‌ملی صنعتکاریمیز منصوم ابراهیموو صنعتده تکرارولونماز ایزلر قویماقلا یاناشی، یئنی خواننده‌لر ده یئتیشدیریر. او، اوزون مدتدیر ماراقلا ایزله‌نیلن و حیدر علیئو فوندونون دسته یی، آذربایجان مدنیت فوندونون لاییحه‌سی اساسیندا کئچیریلن «موغام تلویزییا موسابیقه‌سی»نده مونصیف‌دیر.

خالق آرتیستی، موغام اوستاسی منصوم ابراهیموو کولت. آز-آ موصاحیبه‌سینده ائله سؤزوگئدن موسابیقه حاقدا ماراقلی معلوماتلار وئردی.

- منصوم بی، جمعیتده بو واختا قدر کئچیریلن «موغام تلویزییا موسابیقه‌سی»نین ان یاخشی ایفاچیلارینین ۱-جی و ۲-جی موسابیقه‌نین ایشتیراکچی لاری اولدوغو فیکری فورمالاشیب. داها سونرا تشکیل ائدیلن موسابیقه‌لرده ایشتیراک ائد‌ن ایفاچیلار نیه ایلک موسابیقه‌نین ایشتیراکچی لاری کیمی تانینمادی؟ بونا سبب ندیر؟

- راضییام کی، سونراکی موسابیقه‌لرده ایشتیراک ائد‌ن ایفاچیلار ۱-جی و ۲-جی موسابیقه‌ده اولانلار قدر گوج‌لو دئییل. چونکی هر بیر ایشین بیرینجیسی سس گتیرن، چوخ گوجلو اولور. همین موسابیقه آذربایجاندا ایلک دفعه کئچیریلن «موغام تلویزییا موسابیقه‌سی» ایدی. اونا گؤره ده سئچیلن ان گؤزل سسلر او موسابیقه‌ده بیر یئره توپلاندی. همین موسابیقه‌ده‌کی ۲۰-لیین دئمک اولار، هامیسی گؤزل سسلر ایدی. حاضردا دا همین خواننده‌لرین هامیسی صنعتده‌دیر، آرتیق او اوشاقلارین فخری آدلاری وار. اونلارین هر بیری خالقیمیز طرفیندن تانینیر و سئویلیر. اوندان سونرا کئچیریلن موسابیقه‌لرده ده یاخشی سسی اولان ایفاچیلار وار ایدی. بئله ایشتیراکچی لارین اولمادیغینی دئسک، بو، سهو اولار. آنجاق تام ۲۰-لیین هامیسی حاقیندا بونو دئمک اولماز. هر موسابیقه‌ده ان آزی ۲-۳ نفر خالقا تانیدیلیب. ۱-جی موسابیقه‌دن تییار، بابک، ایلکین، بییم خانیم، آرزو، آیتن، ۲-جی موسابیقه‌دن گوللو، علم الدین خالقین سئویملی‌سینه چئوریلیب. بو سایی، طبیعی کی، آرتیرماق اولار. بو ایل کئچیریلمیش ۶-جی موسابیقه‌ده ده گؤزل سسه مالیک ایفاچیلار وار ایدی. بزن بیز تنقیدلره معروض قالیریق کی، موسابیقه تئز-تئز کئچیریلیر. اما بو ایل کئچیریلن «موغام تلویزییا موسابیقه‌سی» آذربایجان خالقینین پوتئنسیالینین بؤیوک اولدوغونو گؤستردی. آلماخانیم، پرویز قاسیموو، روانه، سما، نورلان، والید اؤز ایفالاری ایله بونو ثبوت ائتدی. سئویندیریجی حالدیر کی، بو ایلکی موسابیقه‌ده بیر نفر ده گونئی آذربایجاندان اولان ایفاچیمیز مجید عصری اولدو. فیکریمجه، هر موسابیقه‌ده ۲-۳ نفر سئچیلیرسه، بو، بیزیم اوغوروموزدور. چونکی بو عهده‌لیک دئییل، پلان دئییل. بونو دا نظره آلمالیییق کی، هر گؤزل سسی اولان ایفاچینی دا خالق قبول ائتمیر. خالقین سئوگیسینی قازانماق اؤزو ده بیر باجاریقدیر.

- نؤوبتی موغام موسابیقه‌لری کئچیریله‌جکمی؟ موسابیقه‌ده داها پارلاق ایفاچیلارین سئچیلمه‌سی اوچون هانسی دییشیکلیک لر ائتمه یی نظرده توتورسونوز؟

- بو، حیدر علیئو فوندونون لاییحه‌سی‌دیر. بونا رهبرلیگی آذربایجانین ۱-جی ویتسئ-پرزیدنتی مئهریبان خانیم علیئوا ائدیر. لاییحه‌نین اساس مقصدی اؤلکه‌میزده اولان ایستعدادلی گنجلری، گؤزل سسلری اوزه چیخارماق، صنعته، تحصیله جلب ائتمک و خالقا تانیتماقدیر. کئچیریلمیش ۶ «موغام تلویزییا موسابیقه‌سی»نده آرتیق ۱۲۰ ایفاچی خالقا تقدیم ائدیلیب. نؤوبتی ایللرده ده بئله موسابیقه‌لرین کئچیریلمه‌سینی نظرده توتوروق. داها گؤزل سسلری اوزه چیخارماق اوچون بؤلگه‌لرده، حتی اوجقار داغ کندلرینده بئله ایلکین سئچیم مرحله‌سینی حیاتا کئچیریریک. داها سونراکی مرحله‌لرده ایسه بوتون سسلره قولاق آسدیقدان سونرا یاخشیلارین یاخشیسینی قالیب اعلان ائدیریک. مونصیف لریمیزین قراری چوخ اوبیئکتیو شکیل‌ده وئردیکلرینی دوشونورم. چونکی مونصیف لر هئیتینین ترکیبینده اولان شخصلر آذربایجانین بؤیوک صنعتکارلاری‌دیر. مونصیف لر خالق آرتیستلری علیبابا مممدوو، عاریف بابایئو، سکینه عسماییلووا، من، بسته کارلار اتفاقینین کاتیبی، امکدار اینجه صنعت خادیمی سردار فرجوو، یازیچی لار بیرلیینین کاتیبی ایلقار فهمی و «مدنیت» تلکانالینین دیرئکتور موعاوینی، امکدار اینجه صنعت خادیمی نادیر آخوندوودور. بو لاییحه‌نی تشکیل ائد‌ن هر کسین مقصدی یاخشی ایفاچینی خالقا تقدیم ائتمک، صنعتیمیزده یئنی لئیلی لری، مجنونلاری گؤرمکدیر. منی ان چوخ سئویندیرن بودور.

- بس موغام موسابیقه‌لریندن کناردا دا پارلاق ایفاچیلارا دستک اولورسونوزمو؟

- البته کی، موغام صنعتینین اینکیشافی اوچون بیز ده الیمیزدن گلنی ائتمه‌یه چالیشیریق. تارزن ائلچین هشیموو و کامان ایفاچیسی ائلنور احمدوولا بیرلیکده «گنجلشن موغام» لاییحه‌سی تشکیل ائدیریک. بیزیم بو لاییحه‌ده اساس مقصدیمیز موسابیقه‌دن چیخان، یئر توتا بیلمه‌ین، موسابیقه‌ده عمومیتله ایشتیراک ائتمه‌ین گنجلری بو صنعته گتیرمکدیر. بیز بو لاییحه چرچیوه‌سینده هم ده تار و کامانچا ایفاچیلارینا دستک اولوروق. لاییحه چرچیوه‌سینده هم گنجلریمیزی تاماشاچیلارا تقدیم ائدیریک، هم ده تانینمیش خواننده‌لرین کومپوزی‌سییا شکلینده او ایفاچیلارلا بیرلشیب موغاملاریمیزدان کومپوزیسییالار قوروروق. ایندییه قدر حیدر علیئو ساراییندا ۶ لاییحه‌میز کئچیریلیب. هر لاییحه چرچیوه‌سینده ایسه ۴۰-۵۰ ایفاچینین خالقا تانینماسینا شرایط یاراتمیشیق.

تاریخ
2017.09.08 / 10:13
مولف
Axar.az
شرح لر
دیگر خبرلر

بیر معنا وار یاشاماقدا...شعر

باشیندا قارلی داغلارا دانیشدیم آیریلیق سوزون...شعر

شوارنادزه بو آذربایجانلییا «بؤیوک آکتیور» دئمیشدی - آخار تی وی

الویداع دئیرم سنه، آی سما...شعر

دوداقلارینین دادیندا یاد آدامین قوخوسونو حیس ائد‌جکسن... - میلوراد پاویچ

هیتلر اوچون اوینایان آگنت امینه - فوتو

منظوم حکایه

تسللی تاپدیغیم شرابا گؤره....شعر

نوه‌سی ایستالینی بئله بیابیر ائدیر - فوتو

«بو شهرده»نین ایللر اؤنجه چکیلمیش - فوتوسو

خبر خطّی
 
  
  
  
  
Axar.az'da reklam Bağla
Reklam
Bize yazin Bağla