Axar.az
یوخاری
21 یانوار 2018


آذربایجاندا عادت: قبیر اوستونده سوفره، آش، کاباب... - ویدئو

آنا صحیفه کولت
12 Punto 14 Punto 16 Punto 18 Punto

آذربایجاندا یاشایان آزسایلی خالقلارین نماینده‌لرینین ماراقلی عادت-عنعنه‌لری و فرق‌لی مطبخی مؤوجوددور. بو خالقلاردان بیری ده آذربایجانین قاخ و زاقاتالا رایونلاری اراضی‌سینده یاشایان اینگیلویلاردیر. اونلار ایلده ایکی دفعه اؤلولری زیارتئتمه مراسیمینی قئید ائدیرلر.

ایسپوتنیک آذربایجان-این امکداشی قاخ رایونون‌دا اینگیلویلارین قئید ائتدیی اؤلولری زیارت ائتمه مراسیمینه قاتیلیب.

آذربایجان اراضی‌سین‌ده یاشایان اینگیلویلار خریستیان دینینه سیتاییش ائدیرلر. اونلارین دینی دوشونجه‌سینه گؤره، اینسانلار اؤلندن سونرا او بیری دونیایا کؤچورلر و اورادا بو دونیاداکی حیاتلارینی داوام ائتدیریرلر. بو سببدن ده، اونلار قبیروسته چیخما مراسیمینده، ائوده حاضرلانان یئمکلری، شیرنیاتلاری، میوه-تروزی، موختلیف شیره‌لری، آلکوقول‌لو ایچکیلری اؤزلری ایله آپاریب دوغمالارینین قبیرلرینین اوستونه دوزورلر.

داها چوخ دقت ائتدیکلری مقام اودور کی، قبیر اوستونه اؤلونون ان چوخ خوشلادیغی یئمیی آپارسینلار. ایستاندارت اولاراق، قبیر اوستونه هم ده پلوو، ایچلیی شوردان حاضرلانان گورزه (خمیر خؤریی – رئد.) و چاخیر آپاریلیر. اونلار دوشونورلر کی، اؤلو گلیب همین سوفره‌ده‌کی نعمتلرین دادینا باخیر و صاحبین‌دن راضی گئدیر.

مراسیمین باشلانغیجیندا قبرین اوستونده شاملار یاندیریلیر. سونرا نعمتلر قبرین اوستونه دوزولور و ساقمئل تؤکمه مراسی‌می اولور. ساقمل - شام آغاجینین اوزرینده‌کی یاپیشقان ماده‌دن حاضرلانیر. همین ساری رنگلی یاپیشقان ییغیلیر، قورودولور، اووولور و ایستیفاده اولونور. بو مراسیم ترجومه‌ده "اؤلونون آدینا دوز تؤکمه" مراسیمی آدلانیر.

همین ساقمل، عادتا چؤمچه‌ده‌کی کؤزون اوزرینه تؤکولور. ساقمل تؤکولدوکدن سونرا، مطلق اؤلونون کیشی قوهومو الینده چاخیر و یا آراقلا مراسیمین آچیلیشینی اعلان ائدیر. بون‌دان سونرا هامی اوتوروب یئییب-ایچیر و ائوینه قایی‌دیر.

قاخ رایون کؤتوک‌لو کند ساکینی تینا بابوجاشوی‌لی همین مراسیمله باغلی فیکیرلرینی ایسپوتنیک آذربایجان-این امکداشی ایله بؤلوشوب. "بو عادت-عنعنه بیزه بابالاریمیزدان قالیب. بیز باجاردیغیمیز قدر اؤز میللی و دینی عادت-عنعنه‌لریمیزی قوروماغا چالیشیریق" - او دئییب.

"بو مراسی‌می والیدئینلریمیزدن بیزه، بیزدن ده اؤولادلاریمیزا اؤتورجییمیز ان دیرلی سروت حساب ائدیریک. همین گون بوتون قوهوم-اقربا بیر یئره ییغیشیر، گؤروشور و اؤلولریمیزی یاد ائدیریک. اؤلولریمیزین روحونو، اونلارین خوشلادیقلاری کیمی سوفره آچیب آدلارینا دوز تؤکه‌رک شاد ائتدییمیزی دوشونوروک" - دئیه تینا بابوجاشوی‌لی بیلدیریب.

بو مراسیم‌ده ایشتیراک ائدرکه‌ن، هیسس ائتدیک کی، اینگیلویلار هله نئچه نسیل بو عادتلرینی قورویوب ساخلاماغا چالیشاجاقلار…

تاریخ
2017.09.13 / 15:50
مولف
Axar.az
شرح لر
دیگر خبرلر

تسللی تاپدیغیم شرابا گؤره....شعر

نوه‌سی ایستالینی بئله بیابیر ائدیر - فوتو

«بو شهرده»نین ایللر اؤنجه چکیلمیش - فوتوسو

سادلؤوه‌دن فای‌دالانماق اوچون... - "حاکمیتین ۴۸ قانونو"

چینیمه بیر یارپاق قونور آستاجا...شعر

سئوگیلی اوچون زامان - جاویدان

۲۰ مینلیک قوشون خوجالینی آزاد ائدیب - مممدزاده

دوستلارا حدسیز اینانما، دوشمن لردن... - روبرت قرین

آشیق ووقارین زولفییه ایله ائفیره گئتمه‌یه‌ن سون دوئتی - ویدئو

اونو شاعر یازمیر، الله یازدیریر...شعر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla