Axar.az
یوخاری
23 اییول 2018


قیسا عؤمور یاشامیش تبریزلی شاعره - پروین اعتصامی

آنا صحیفه کولت
12 Punto 14 Punto 16 Punto 18 Punto

۲۰-جی عصرین اورتالاریندا ایران‌دا هم کلاسسیک ژانردا هم ده یئنی شعیر اصلوبوندا یازان بیر چوخ شاعره‌لر وار ایدی. بونلارین ایچینده ان مشهورو ایسه میللیتجه آذربایجان تورکو اولان پروین اعتصامی ایدی.

آخار. آذ خاتیرلادیر کی، تبریزده آنادان اولان شاعره‌نین آتاسی هم ادبیات شناس، هم مشهور ناشیر، هم ده گؤزل شاعر اولوب. قیزینین ادبیاتلا مشغول اولماسینین علیهینه اولان آتا پروینه عائله قوردوقدان سونرا شعیرلرینین چاپ اولونماسینا اجازه وئریر. یاخین قوهومو ایله قوردوغو عائله حیاتی ۳ آی سونرا بیتیر.
کلاسسیک اوسلوبدا یازان شاعره داها چوخ اجتماعی بربرسیزلییه، دینی و فلسفی مؤوضوعلارا مراجعت ائدیردی. کیچیک یاشلاریندان اینگیلیس، فرانسیز دیللرینه ییه‌لنن پروین ، ازوپون، لافونتنین تمثیللرینی فارس دیلینه ترجمه ائدیب، ترجمه‌لردن یئنی بیر اثرلر اورتایا چیخاریردی.
شاعره‌نین دیوانینا اؤن سؤزونو یازان مشهور ایران یازیچی‌سی ملک الشعرا بهار پروینین بیرجه «سفر اشک» شعیری ایله آدینین ایران ادبیات تاریخینه قیزیل حرفلرله یازیلاجاغینی بیلدیریب.
مطالعه ائتمیی چوخ سئون شاعره نی ایران شاهی اؤولادلارینین تحصیلی اوچون سارایا دعوت ائدیر ، لاکین او بو تکلیفه رد جاوابی وئریر .
«پروین» لقبینی آتاسی اونا وئرنده دئییر «اولدوزلار گؤیلری ایشیقلاندیردیغی کیمی سن ده اینسانلارین تصورونده اولان وحدتی ایشیقلاندیر».
آغیر خسته‌لیکدن اذیت چکن شاعره عمرونون گنج چاغیندا، ۳۳ یاشیندا دونیادان کؤچور. هر ایل ایراندا پروینین آدینا حصر ائدیلمیش بایرام، کینوفستیوال، ادبی مسابیقه‌لر کئچیریلیر.
بئله قیسا عؤمور یاشاماسینا باخمایاراق دیوانی ان چوخ نشر ائدیلن دیوانلار سیراسیندادیر.

تاریخ
2017.09.28 / 13:26
مولف
ائلشاد یاقوب‌لو
شرح لر
دیگر خبرلر

بو سئوگی منیم طالعیم‌ ایمیش...شعر

آذربایجان‌لی آکتیور هالیوودا دعوت اولوندو

ویسوتسکینین بیرینجی آروادی اؤلدو

او أل‌چاتماز بوداق‌لارداکی یارپاق‌لارین ماهنیسی کیمی...

یوخسول‌لوق گوندوزو «دوشونجه‌سیز» گئجه‌یه چاتدیرماق دیر...

گونش نه دانیشسا، اونو قار بیلَر...شعر

امیر تیمورون حیران قالدیغی آذربایجان‌لی کیم ایدی؟

یاتما بو یوللاردا، یولچو قارداشیم...شعر

میللتلشمکده دیل و دین

قان سال یارالی اؤلکه میزه، قان جالا بابک...شعر

خبر خطّی
 
Axar.az'da reklam Bağla
Reklam
Bize yazin Bağla