Axar.az
یوخاری
17 اوکتیابر 2017


قانلا یازیلان شعیر و قاتیل قیرمیزی شال - فاجعه

آنا صحیفه کولت
12 Punto 14 Punto 16 Punto 18 Punto

مشهور روس شاعری سرگی یسنین ۱۸۹۵-جی ایل اوکتیابرین ۳-ده روسییانین ریازان بؤلگه‌سین‌ده آنادان اولوب. یارادیجیلیغا ۹ یاشیندا باشلایان سرگئی ۱۹۱۲-جی ایلده نشریات طرفیندن موسکوایا گؤندریلیب. نؤوبتی ایل ایسه مسکوا دؤولت اونیورسیتئتینه داخیل اولوب و بورادا ایل یاریم ایشله‌ییب. یسنین ۱۹۲۴-۱۹۲۵-جی ایللرده بیر مدت باکیدا اولوب، یارادیجیلیغینین ان محصولدار دؤورونو ده دئمک اولار کی، باکیدا یاشاییب.

آخار. آذ ۲۰-جی عصرین ان بؤیوک شاعرلریندن سرگی یسنین و اونون حیات یولداشی آمریکالی بالرینا آیسدورا دونکان حاقدا یازینی تقدیم ائدیر:

سرگی یسنین ۱-جی دونیا محاربه‌سین‌دن سونرا اینقیلابین داها گؤزل حیات یاراداجاغینا اینانیب و اوکتیابر اینقیلابینی دستکله‌ییب. لاکین بولشئویزمین قایدالارینی تنقید ائد‌رک، شعیرلرینده اؤز مؤوقعیینی عکس ائتدیریب. ۱۹۱۷-جی ایلده رایخ ایله عائله حیاتی قورسا دا، ۱۹۱۸-جی ایلده اوندان آیریلیب. ۱۹۲۱-جی ایلین سونلارین‌دا ایسه مشهور رقاصه ۴۴ یاش‌لی آیسئدورا دونکانلا ائولنیب. لاکین ائولی‌لیکلری اوزون سورمه‌ییب. شاعر ۱۹۲۳-جو ایلین مایین‌دا دونکان‌دان آیریلاراق موسکوایا قاییدیب.

یسنین ایچکی آلوده‌چی‌سی اولوب. پسیخولوژی پروبلئملری اولان شاعر بیر مدت پسیخیاترییادا یاتیب. یئنی ایل اوچون بیر نئچه گونلوک خسته خانادان چیخاریلان سرگئیین ۱۹۲۵-جی ایل دکابرین ۲۸-ده هتل‌ده جسدی تاپیلیب. او اؤزونو آسمیشدی. جسدینین یانیندان اینتیحاریندان بیر نئچه گون اول بیلکلرینی کسرک، اؤز قانی ایله مایاکووسکییه یازدیغی شعیری تاپیلیب. موسکوانین واقانکووسکویئ مزارلیغیندا دفن ائدیلن یسنینین اثرلرینین بؤیوک بیر قیسمی ایستالین و خروششووون دؤورونده کرمل طرفیندن قاداغان ائدیلیب و یالنیز ۱۹۶۶-جی ایلده یئنیدن نشر اولونوب.

اونون اینتیحاریندان اول یازدیغی شعیری مرحوم یازیچی ایواز اللزوغلونون ترجومه‌سینده (۲۰۰۶) تقدیم ائدیریک:

الویدا، دوستوم، الویدا...

الویدا، ای دوستوم، الویدا آرتیق!

یئرین وار، عزیزیم، باغریم باشیندا.

تالعیین جیزدیغی قفیل آیریلیق

گؤروش ده وعد ائدیر بیزه قارشیدا.

الوی‌دا! هله‌لیک! السیز، کلمه‌سیز

نه قاشلارینی چات، نه درده اییل.

یئنی ها گؤرموروک اؤلوملری بیز،

یاشاماق اؤزو ده یئنیلیک دئییل.

****

اونون حیات یولداشی، آمریکالی بالرینا آیسدورا دونکانین دا حیاتی فاجیعوی شکیلده سونا چاتیب. او، گتدیی هر یئرده بولشویزمین رمزی اولان اوزون قیرمیزی شالینی تاخاراق اس اس ار ای-یه تعریفلر یاغدیریردی. هر دفعه صحنه‌ده رقصینی باشا ووردوقدان سونرا شالینی الینه آلیب یئللییر و قیشقیراراق دئییردی:

"بودور قیرمیزی! من ده ائلیهم! حیاتین و گوجون رنگی بودور! سیز ده بیر واختلار وحشی ایدینیز! سیزی اهلیلشدیرمکلرینه ایزن وئرمیین!"

اونون کمونیزم تبلیغاتی آپارماسی آمریکالیلاری غضبلندیریب. و بوندان سونرا سرگئی ایله دونکان روسییایا گئری دؤنوب. یسنین اینتیحار ائتدیی زامان آیسدورا پاریس‌ده اولوب و اؤلوم خبرینی چوخ سویوققان‌لی قارشیلاییب. پول‌سوزدو و حیاتی بورج ایچینده داوام ائدیردی.

یسنین‌دن سونرا اونون دا حیاتی چوخ داوام ائتمییب و ۱۹۲۷-جی ایلده سئویملی قیرمیزی شالینین قوربانی اولوب. دونکان آوتومبیل ایداره ائدرکن بوینوندان نادیر حاللاردا چیخاردیغی قیرمیزی ایپک شالی آوتومبیلین سوکانینا دولاشیب و اونون بوینونو قیریب. حادثه یئرینده‌جه کئچینن ۵۰ یاشلی آیسدورانین حیات حکایه‌سی ۱۹۶۸-جی ایلده "آیسدورا" آدلی فیلمه مؤوضوع اولوب.

تاریخ
2017.10.13 / 16:55
مولف
آیتاج قدیراوا
شرح لر
دیگر خبرلر

آروادی ارمنی آکتیورو اؤلدورمک ایستدی - میراث

صمد وورغونون میر جعفره محتشم جاوابی

گئجه ساعت ۳-ده نه باش وئره‌جک؟ -لعنتلی گون

ایسوچدن شوک: «ویکینگلر ایسلاما اعتیقاد ائدیبلر»

سنه آلقیش، یاغ آی یاغیش - شعر

دوشمن مکرلیدیر، سویداشلاریمیزا دئدیم کی...

اوکراینانین مشهور تورک موغنی‌سی سفیر اولدو

بنالیقدان میلیونچولوغا…

صفویلر سلاله‌سینین حاکمیتینه سون قویان شاه / ویدئو

تیکمه‌داشلی حاق آشیغی خسته قاسیم

خبر خطّی
 
Axar.az'da reklam Bağla
Reklam
Bize yazin Bağla