Axar.az
یوخاری
19 نویابر 2017


ژیرینووسکینین موسلمان قادینلاری تحقیرینه - اعتراض

آنا صحیفه کولت
12 Punto 14 Punto 16 Punto 18 Punto

روسییا دوماسینین عضوو، روسییا لیبئرال دموکرات پارتییاسینین صدری ولادیمیر ژیرینووسکی بو دفعه موسلمان قادینلارینی تحقیر ائدیب. میلت وکیلی پلانئتده دئموقرافییا و ارزاق پروبلئملری باره‌ده آپاریلان دانیشیقلار زامانی بونلاری دئییب:

«بوتون دونیا خالقلارینا دقت یئتیرسک، گؤرریک کی، موسلمان قادینلاری هامیدان فرق‌لنیر. موسلمان قادینلاری چوخلو اوشاق دونیایا گتیریرلر. بو پلانت‌ده آرتیق اینسانلار وار. اگر یومشاق دئسک، اونلاردان پیس قوخولار گلیر. بو، موسلمان قادینلاریدیر».

کولت. آذ روسییالی میلت وکیلینین بو سؤزلرینه تانینمیش یازارلاریمیزین موناسیبتینی اؤیرنیب:

شاعر اکبر قوشالی: «قادینین قوخوسو اونون دین منسوبیتی ایله مویینلشمیر. ژیرینووسکایا سویادلی بیرین‌دن نه ای گلدیینی، مثلاً، آیی پیی قوخویوب-قوخومادیغینی ایسه آدینی چکدیینیز نفر اؤزو داها یاخشی بیلر».

یازار خالید کاظیملی: «دونیادا دینین‌دن، ایرقیندن، میللیتیندن آسیلی اولمایاراق، پینتی و تمیزکار اینسانلار وار. ایت ایگی وئره‌ن فرانسیز دا وار، آلمان دا، روس دا. عینی زاماندا گول ایگی وئرن نپاللی دا وار، تبریزلی ده، لیونلو دا. ای مسئله‌سینین میللته دخلی یوخدور. ژیرینووسکی همیشکی کیمی، اؤز دیلتانت و ایرقچی چیخیشلاریندان بیرینی ائدیب. بو آدام پسیخوپاتدیر. پسیخوپاتین دانیشدیقلارینی جدییه آلماق اولماز».

شاعر رامیز قوسارچایلی: «ژیرینووسکی غیری-جدی آدامدیر، اونون سؤزلرینین معنوی قوخوسو اولماییب، اونون سؤزلریندن تعلیمات‌لی سیاست اییی گلیب همیشه. قادین قوخوسونو - موسلمانیندان، روسوندان آسیلی اولمایاراق، ژیرینووسکی کیمی پراکنده عقل و قددار کؤنول صاحبلری دیرلندیره بیلمزلر».

تاریخ
2017.11.01 / 10:51
مولف
آیتاج آراز
شرح لر
دیگر خبرلر

قیزاردیر یاناغی سازاقلار ایندی...شعر

پاییزین تبریز سفری - فوتو

من سندن اينجيديم گئتديم...شعر

نادیر شاهین تورکلرله باغلی پلانی: یئنی میللت یاراتماق و...

سنه آچاجاغام سؤز ياواش- ياواش...شعیر

علامه جعفری - شرقین عرفان سماسیندا پارلاق گونشی / فوتو

دا وینچینین «۶۰ دوللارلیق» اثری ۴۵۰ میلیونا ساتیل‌دی

‎تورکون آلینماز قالاسی - سولدوز (نقده)

بؤلونن يوردو اويات، قويما ياتا...شعیر

داها مندن سئوگی اومما، عزیزیم…شعر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla