Axar.az
یوخاری
18 نویابر 2017


رافیق حسینوو: طالعییمین ساری سیملری... – آخار تی وی

آنا صحیفه کولت
12 Punto 14 Punto 16 Punto 18 Punto

رافیق حسینوو ۱۹۴۶-جی ایل آوگوستون ۴-ده شوشادا دوغولسا دا، عمرونو پایتخت باکی‌دا – ایچریشهرده کئچیریب. اوشاقلیغی ماراقلی خاطره‌لرله دولودور: شوشادان ایچری شهره... یعنی او قالادان بو قالایا... آدینین قاباغینا خالق آرتیستی، مشهور دیکتور، گؤزل ایفاچی یازماق دا اولار، اما رافیق حسینوو او کسلردندیر کی، بیرجه آدی بئله تیتولدور.

آتاسی اؤلن‌ده رافیقین ۱۵، باجیسی رفیقه‌نین ۱۷ یاشی وار ایدی. چتین گونلر باشلامیشدی: ایشسیز آنا، ایکی یئنی‌یئتمه اؤولاد...

ایراده‌لی آنا حیات یولداشینی ایتیره‌ندن سونرا پداقوژی فعالیتینه داوام ائدیر. رافیقی ایشله‌مه‌یه قویمور. اوشاقلاری اوخوسون دئیه، یورولمادان، گئجه-گوندوز ایشلییر.

رافیق حسینوو عینی زامان‌دا تار مکتبینده ده اوخویوردو. تلویزورا ایلک دفعه تارزن کیمی موسیقی مکتبی شاگیردلرینین کونسرتینده چیخیب. «چاهارگاه» چالدیغی یئرده تارین ساری سیمی قیریلیب. رافیق حسینوو او حادثه حاقیندا بئله دئییر:

«اوردا وضعیتدن چیخدیم، اما هئچ آغلیما دا گلمزدی کی، بو، بیر ایشاره‌دیر، سونرادان اکران طالعییم‌ده چوخ قیریلاجاق ساری سیملر دفعه‌لرله تکرار اولوناجاق».

بیر دفعه کینویا دا دعوت ائدیبلر اونو، «اؤگی آنا» فیلمینه. جئیهون میرزیئوله بیر صینیف‌ده اوخویوب، رئژیسسور جئیهونو سئچه‌ن‌ده اونو دا سئچیب کینو اوچون، اما آتاسی ایجازه وئرمه‌ییب.

حربی خیدمت واختی چاتان‌دا گنج رافیق تحصیلینی یاریمچیق قویماق تهلوکه‌سی ایله اوز-اوزه قالیر. همین واخت باجی‌سی رفیقه تئلئویزییادا ایشلییرمیش. اونون کمکی ایله بیرباشا کادرلار شعبه‌سینه گئدیب. سوروشوبلار کی، نیه تلویزییادا ایشله‌مک ایستییرسن؟ او دا مجبور اولوب ایشین خاطرینه یالان دانیشیب، دئییب کی، چوخدانکی آرزومدور، بو ایشی چوخ سئویرم، طالعیی‌می تلویزییا ایله باغلاماق ایستییرم.

رافیق حسینوو خالق آرتیستی اولاندان سونرا بو خاطره حاقدا دانیشیب: «بو یالانی او قدر مهارتله دانیشدیم کی، سونرادان حقیقته چئوریلدی».

داها اطرافلی آخار تی وی-نین تقدیم ائتدیی سوژئتده:

تاریخ
2017.11.01 / 11:10
مولف
الشاد یاقوبلو
شرح لر
دیگر خبرلر

قیزاردیر یاناغی سازاقلار ایندی...شعر

پاییزین تبریز سفری - فوتو

من سندن اينجيديم گئتديم...شعر

نادیر شاهین تورکلرله باغلی پلانی: یئنی میللت یاراتماق و...

سنه آچاجاغام سؤز ياواش- ياواش...شعیر

علامه جعفری - شرقین عرفان سماسیندا پارلاق گونشی / فوتو

دا وینچینین «۶۰ دوللارلیق» اثری ۴۵۰ میلیونا ساتیل‌دی

‎تورکون آلینماز قالاسی - سولدوز (نقده)

بؤلونن يوردو اويات، قويما ياتا...شعیر

داها مندن سئوگی اومما، عزیزیم…شعر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla