Axar.az
یوخاری
22 اییول 2018


بیر قیزدیر، آدینی بیلمیرم... - محمد چالغین

آنا صحیفه کولت
12 Punto 14 Punto 16 Punto 18 Punto

تانینمیش گونئیلی شاعر محمد چالغین ۱۹۷۷-جی ایل مارتین ۲۱-ده تبریزده آنادان اولوب. شعیرلری تورکدیللی اؤلکه‌لرده مونتظم اولاراق درج اولونور.

کولت. آذ محمد چالغینین یئنی شعیرلرینی تقدیم ائدیر:

یوخولاریما یاپیشیر

عطرینی یورغانیما سپیر

اؤزونو پالتاریندان چیخاردیب اوستومه آتیر

اوچوقلادیر دوداقلاریمی

بیر قیزدیر، آدینی بیلمیرم.

آینا

ساعت

اللی بئش، اوتوز ایکی دقیقه، اون بیر ثانییه

او چیراغی سؤندورون لطفاً

ایشیق بارماقلارینی گؤزومه سوخور.

آلنیمین ساغ طرفینه باخیرام...

ساچلاریم سول طرفدن تؤکولوب، دئیه‌سن.

سول اووردوما باخیرام

اوزومون ساغ طرفی چؤکولوب، دئیه‌سن.

ساغ الیم‌ده سیگارام

ینی،

سول الیم‌ده

بارماغیمی اوزادیرام سول گؤزومه

یعنی

ساغ گؤزوم سوخولور بارماغیما

من، بوردایام هله

ائویمین ایچین‌ده

ساغی سول گؤروره‌م

آینادا.

یوخسوللوق

کیشی،

زیبیل خانالاردان ییغدیغی اشیالارلا ائوه دؤندوکده

سن،

اونلاری آییرارسان

نئجه کی، آییریر سنی...

تلیسلره دولدورارسان سونرا

نئجه کی، اوشاقلارینین جیبلرینه دولدورورسان...

صاباحا یاوانلیق دا یوخدور، بیلیرسن

ساتارسان اونلاری

نئجه کی، ساتیر(سن)آرخا کوچه‌لرده...

سونرا بو شعیرده

بوش یئرلره یازا بیلرسن

یوخسوللوق.

سن‌دن گؤزل

هر گون

بیرازجا سلام

بیرازجا نئجه‌سه‌ن

بیرازدان...

هله‌لیک!

بو معامیله اوزون سورجک، آلچا گؤزلوم!

منی کاریخدیرما!

او قوماشین آلتیندا کؤلگه‌لنه‌ن لیمونلار

منیم آغزی‌می سولان‌دیرمادان

نئجه قورویا بیلرلر؟

اینینده‌کی کؤینیینی چیخارتسان

گؤررسن کی، سنده‌کی گؤزللیکلر

سن‌دن گؤزلدیر

صحبتین سونو

بیر مئساژ یاز...

تاریخ
2017.11.01 / 20:13
مولف
آیتاج آراز
شرح لر
دیگر خبرلر

بو سئوگی منیم طالعیم‌ ایمیش...شعر

آذربایجان‌لی آکتیور هالیوودا دعوت اولوندو

ویسوتسکینین بیرینجی آروادی اؤلدو

او أل‌چاتماز بوداق‌لارداکی یارپاق‌لارین ماهنیسی کیمی...

یوخسول‌لوق گوندوزو «دوشونجه‌سیز» گئجه‌یه چاتدیرماق دیر...

گونش نه دانیشسا، اونو قار بیلَر...شعر

امیر تیمورون حیران قالدیغی آذربایجان‌لی کیم ایدی؟

یاتما بو یوللاردا، یولچو قارداشیم...شعر

میللتلشمکده دیل و دین

قان سال یارالی اؤلکه میزه، قان جالا بابک...شعر

خبر خطّی
 
Axar.az'da reklam Bağla
Reklam
Bize yazin Bağla