Axar.az
یوخاری
17 اییول 2018


تاریخی قارانلیق شهر...زنجان

آنا صحیفه کولت
12 Punto 14 Punto 16 Punto 18 Punto

زنجان و یا زنگان - آذربایجانین ان بؤیوک محللاریندان بیری اولان خمسه محالینین مرکز شهریدیر. بو شهر اولدوقجا الوئریشلی جغرافی شرایطه مالیکدیر و دنیز سوییه‌سیندن ۱۶۰۰ م هوندورده یئرلشیر .بونا گؤره ده شهرین قیشی نیسبتا سویوق اولماقلا برابر، هم ده اوزون اولور.

کولت. آذ خبر وئریر کی ، زنجانین اطرافیندا میس، قیزیل، جیوه و. س قیمتلی یاتاقلارین اولماسی دیگر طرفدن یاخین، هابئله اورتا شرقله موهوم تیجارت یوللارینین اوستونده یئرلشمه‌سی اونون تاریخاً اجتماعی-اقتصادی یوکسلیشینه شرایط یارادیبدیر. منبعینی سلطانییه داغلاریندان آلان قیزیل اوزن چایی ایله بیرلشن زنجان چایی خمسه محالینی بول سو ایله تعمین ائدیر. زنجاندا اولان اکین یئرلری، باغ و بوستان ساحه‌لری بو چایدان باشقا بیر نئچه کیچیک چای واسیطسیله ده سوواریلیر. زنجان اراضی‌سی قدیم دؤورلردن اؤزونون گنیش چمن اراضیلری و اوتلاقلاری ایله مشهوردور. اولدوقجا بؤیوک یئرآلتی و یئر اوستو ثروتلره مالیک اولان بو یئرده، یاشاییش اوچون لازیم اولان بوتون نعمتلر کیفایت قدر مؤوجوددور. زنجان اطرافین‌دا بوغدا، آرپا، دویو و دیگر دنلی بیتکیلرله بیرلیکده موختلیف نؤوعلو، هابئله اولدوقجا کئیفیتلی میوه‌لر ده یئتیشدیریلیر.

زنجان شهرینین اینشا ائدیلمه‌سی تاریخی هله‌لیک دقیق دئییل. ایران عالیملری شهرین تاریخینی ایندییه‌نه قدر آراشدیرماییب . لاکین بیر سیرا یازیلی منبع‌لرده بو شهرین قدیم آدینا تصادف اولونور. بئله کی، پتولومی آتروپاتنا اراضی‌سینده اولان بیر سیرا قدیم شهرلرله (قازاکا، فرااسپا، فاناسپا) یاناشی آقنازانا شهرینین ده آدینی چکیر. آقنازانا زنجان شهرینین قدیم آدیدیر. شهر آتروپاتنانین موستقیللیگی، همچینین پارفییا و ساسانیلر دؤولتیندن آسی‌لیلیق دؤورونده آذربایجانین گؤرکملی شهرلریندن اولوب.

زنجان شهری عرب ایشغالی دؤورونده ده اؤز ایستراتژی اهمیتینی ساخلایا بیلیب. شهرین آبادلیغی و آکتیو تیجارت حیاتی حاقیندا عرب منبع‌لری قیمتلی معلوماتلار وئریرلر.

تاریخ
2017.11.02 / 20:06
مولف
الشاد یاقوبلو
شرح لر
دیگر خبرلر

دؤولت بایراقلارین‌دا نه اوچون بنؤوشیی رنگ یوخدور؟

میللی حرکات لیدرلری نارسیزم مفکوره‌سی دوچار اولسالار…

آذربایجان دیلین‌ده قدیم الیازمانین صورتی الده ائدیلدی

ناثریمیز روسییا یازیچیلار اتفاقینین عضوو اولدو - فوتو

ایران آذربایجانی بئله بیتیرمک ایستییر - ۲ مین ایللیک پلان

ائوین‌ده شیر ساخلایان مشهور باکی‌لی قادین وفات ائتدی - فوتو

بو اولایا درحال آدکوات جاواب وئریلمه‌لیدیر - خالق آرتیستی

«نسیمی» فیلمینین چکیلدیی قدیم مکانلار - ۴۵ ایل سونرا

افیرده دالاشان شوومن «آشیق»لار... – ویدئو

مشهور آکتیور آدام دؤیمک‌ده اتهام اولونور

خبر خطّی
 
Axar.az'da reklam Bağla
Reklam
Bize yazin Bağla