Axar.az
یوخاری
20 نویابر 2017


خالق شاعرینین آناسینا مکتوبو

آنا صحیفه کولت
12 Punto 14 Punto 16 Punto 18 Punto

کولت .آذ خالق شاعری صابیر روستمخانلی نین ۱۹۶۵-جی ایلده یازدیغی «آناما مکتوب» شعیرینی تقدیم ائدیر:

عزیز آنا، نه زامان کی

منیم ایشیم ترس گلردی –

منه یامان حیرصلنردین.

دئیردین کی، بیر قولاق آس،

سندن منه اوغول اولماز.

دوشونردیم: واخت اؤتوشر،

اوخویارام، یاشا دوللام.

آنام گؤرر بؤیویه‌نده

اونا نئجه اوغول اوللام…

ایللر کئچیب، بوی آتمیشام،

یئکلمیشم، عزیز آنا.

تای-توشومون آراسیندا

سؤزو اؤتن بیر جاوانام.

داها چاتمیر قولاغینا

کیمینله‌سه دالاشمیشام.

فیلان قیزی گؤروم دئیه

ائولرینین اطرافیندا

گئجه‌یه‌جن دولاشمیشام.

کیتابلارا باش قاریشیب

ایتیرمیشم قویونلاری.

داها چاتمیر قولاغینا

گونده یوز جور اویونلاریم.

مئشه‌لرده آزیب قالدی

دجللیین قوشونو دا.

یامان آتدیم

کیتابلارین داشینی دا.

مندن یئنه گیلئیلی‌سن،

آنا، بو گون ائشیتمیشم.

ایندی بیلدیم من اول لر

نئجه بؤیوک سهو ائتمیشم.

بیلمه میشم یاشا دولماق،

شاعر اولماق، عالیم اولماق

اوغول اولماق دئییل هله.

بؤیوکلر وار بیرجه گون ده

هئچ اوغوللوق ائتمه میشدیر

عالیملر وار آناسینین

دار گونونه یئتمه میشدیر.

ایندی بیلدیم نه ایستعداد

نه وظیفه، نه ده کی آد

اوغوللوغا بس دئییلمیش.

ایندی بیلدیم دئدیکلرین

ائله-بئله سؤز دئییلمیش.

خسته‌سنمی، یورغونسانمی،

آیدان-آیا بیلمه میشم.

دار گونونده، تک گونونده

کمکینه گلمه میشم.

دوز دئمیسن سن او سؤزو،

دوز دئمیسن، ایکی گؤزوم!

ائه، گؤرونور، ازل گوندن

آنالاردا بخت اولماییر.

قیزلار اوچون واخت تاپیرام،

سنین اوچون واخت اولماییر.

کینولارا، گؤروش لره،

مجلیسلره، چاغیریشلارا،

یوز غیبته، یوز صحبته

یاد ائللره سیاحته

واخت تاپیرام،

سنین اوچون واخت اولماییر.

طالعیه باخ اؤولاد کیمی

خیدمت اوچون واخت اولماییر.

ائه، گؤرونور، ازل گوندن

آنالاردا بخت اولماییر.

۱۹۶۵

تاریخ
2017.11.04 / 18:30
مولف
Axar.az
شرح لر
دیگر خبرلر

بیر حرفین بلاسی

سوروشسون باشيندان شال ياواش- ياواش...شعیر

بولاق دیلی ایله اعتیراض فریادی... شعر

قیزاردیر یاناغی سازاقلار ایندی...شعر

پاییزین تبریز سفری - فوتو

من سندن اينجيديم گئتديم...شعر

نادیر شاهین تورکلرله باغلی پلانی: یئنی میللت یاراتماق و...

سنه آچاجاغام سؤز ياواش- ياواش...شعیر

علامه جعفری - شرقین عرفان سماسیندا پارلاق گونشی / فوتو

دا وینچینین «۶۰ دوللارلیق» اثری ۴۵۰ میلیونا ساتیل‌دی

خبر خطّی
 
  
  
  
  
Axar.az'da reklam Bağla
Reklam
Bize yazin Bağla