Axar.az
یوخاری
17 اوکتیابر 2018


ازل-آخیر دونیا تورکون دونیاسی...شعر

آنا صحیفه کولت
12 Punto 14 Punto 16 Punto 18 Punto

کولت. آز سئویله‌ن شاعر زلیمخان یاقوبون "دونیا بیزیم اولاجاق" شعرینی سیزه تقدیم ائدیر.

تنتیمیین، تلسمیین، چاشمایین،
یئرلی-یئرسیز حدینیزی آشمایین،
قازان گلیب قاینامادان داشمایین
سیرداشیمیز صبیر، دؤزوم اولاجاق،
ازل-آخیر دونیا بیزیم اولاجاق!
یول تبریزین، زامان ارکین دونیاسی،
یول تانرینی، حاقی درکین دونیاسی،
ازل-آخیر دونیا تورکون دونیاسی-
سیرداشیمیز صبیر، دؤزوم اولاجاق،
ازل-آخیر دونیا بیزیم اولاجاق!
دوشمه‌ن منی دوز دوشونمز، چاش آنلار،
حاق سؤزومو قایا دویار، داش آنلار،
قایی‌داجاق چین سددینی آشانلار-
موژده‌چیلر دوزوم-دوزوم اولاجاق،
ازل-آخیر دونیا بیزیم اولاجاق!
شهید وئرین، نفس وئرین، قان وئرین،
جان‌سیزلارا جانینیزدان جان وئرین،
گمی کیمی ساحللره یان وئرین-
موژده‌چیلر دوزوم-دوزوم اولاجاق،
ازل-آخیر دونیا بیزیم اولاجاق!
یئنی دونیا یئنی نیزام قوران‌دی،
ایلک آندیمیز، سون آندیمیز توران‌دی،
نیشان وئره‌ن پیغمبردی، قوران‌دی-
نه یوزول‌سا خئیره یوزوم اولاجاق،
ازل-آخیر دونیا بیزیم اولاجاق!
بیرلشه‌جک نئچه-نئچه بؤلگه‌لر،
چکیله‌جک قاران‌لیقلار، کؤلگه‌لر،
دیریله‌جک اوغوز خانلار، بیلگه‌لر-
تورکه سج‌ده، تورکه تزیم اولاجاق،
ازل-آخیر دونیا بیزیم اولاجاق!

تاریخ
2017.11.08 / 12:30
مولف
الشاد یاقوبلو
شرح لر
دیگر خبرلر

باکی‌دا آکسییا: گنجلر اللرینده کیتاب کوچه‌لرده... - ویدئو

گونئی و قوزئیین سئویملی موغننی‌سی: سیاستچیلردن خوشوم گلمیر

چوخ اؤلکه‌دن تکلیفلر آلماغا باشلامیشام - سنی دئییرلرین ایفاچیسی

"سنی دئییرلر" ماهنی‌سینین ایفاچی‌سی باکییا گلدی - ویدئو

آذری یا زبان باستان آذربایجان (جوابیه) کیتابی ایشیق اوزو گؤردو - فوتو

اومید نجارینین "دیوارلارین او تایی" کیتابی ایشیق اوزو گؤردو - تبریزده

طیاره‌نی ایلدیریم ووردو: شاهزاده و آروادی اؤلومدن دؤندو

اؤتن گونلر - ممد آراز

او داش آلتدا ممد آراز یاشاییر

آلمانییادا طلبه هارادا و نئجه یاخشی یاشایا بیلر؟

خبر خطّی
 
Axar.az'da reklam Bağla
Reklam
Bize yazin Bağla