Axar.az
یوخاری
17 اوکتیابر 2018


هرسی بیر یانا اوز توتوب گئتدی ...-شعیر

آنا صحیفه کولت
12 Punto 14 Punto 16 Punto 18 Punto

رامیز روشن "سون گؤروش" شعیرینی تقدیم ائدیریک.

بو واختسیز سئوگینین عجلی یئتدی
بویدو قیسمتیمیز یا تئز یا دا گئج.
هره اؤز دردینی آپاردی گئتدی
بس نیه دردیمیز آزالمادی هئچ؟
دونیا داغیلمادی بیز آیریلاندا،
گؤیلر بیراز یاغیش چیلدی آنجاق.
من سنه خوشبختلیک دیلدیم اوندا،
سن منه راحتلیق دیلدین آنجاق.
راحتلیق دیلدین ائو ائشییمه،کؤرپه‌مین بئشیینه،
نوه‌سی دیزی اوسته چیخان آتاما — آناما دا.
بیر واخت سندن اؤنجه راستیما چیخان،
سنی مندن آلان قادینیما دا...
ایستدیم سون دفعه باسیم باغریما
دئدین — «نیه لازیم، یوخ یاخشی دئییل.
» آغلادین دئدیم کی، «کیری آغلاما»
دئدین کی، «یاغیشدی گؤز یاشیم دئییل...»
بو گؤروش سونونجو گؤروشدو داها
«بو گون آیریلیریق» دئییب گلمیشدین
بس نیه منیمله سون آیریلیغا
ان گؤزل دونونو گئییب گلمیشدین؟
بس نیه او جوره گؤزلدین اوندا؟
ایندی بونو نئجه یوزوم بیلمیرم.
بلکه ده سون دفعه منیم یادیمدا
گؤزل قالماق ایدی آرزون، بیلمیرم.
بیر سئوگی یاریمچیق قیریلدی او گون
یاغیش دا کسیلدی بولود دا گئتدی
بیر قیزلا بیر کیشی آیریلدی او گون
هره‌سی بیر یانا اوز توتوب گئتدی .
او قیزدان گؤزل قیز تاپیلماز داها
داها او کیشیدن ایگیدی یوخدور.
اما بو دونیادا خوشبخت اولماغا
داها هئچ بیرینین اومیدی یوخدور.

تاریخ
2017.11.08 / 20:33
مولف
Axar.az
شرح لر
دیگر خبرلر

باکی‌دا آکسییا: گنجلر اللرینده کیتاب کوچه‌لرده... - ویدئو

گونئی و قوزئیین سئویملی موغننی‌سی: سیاستچیلردن خوشوم گلمیر

چوخ اؤلکه‌دن تکلیفلر آلماغا باشلامیشام - سنی دئییرلرین ایفاچیسی

"سنی دئییرلر" ماهنی‌سینین ایفاچی‌سی باکییا گلدی - ویدئو

آذری یا زبان باستان آذربایجان (جوابیه) کیتابی ایشیق اوزو گؤردو - فوتو

اومید نجارینین "دیوارلارین او تایی" کیتابی ایشیق اوزو گؤردو - تبریزده

طیاره‌نی ایلدیریم ووردو: شاهزاده و آروادی اؤلومدن دؤندو

اؤتن گونلر - ممد آراز

او داش آلتدا ممد آراز یاشاییر

آلمانییادا طلبه هارادا و نئجه یاخشی یاشایا بیلر؟

خبر خطّی
 
Axar.az'da reklam Bağla
Reklam
Bize yazin Bağla