Axar.az
یوخاری
23 اوکتیابر 2018


یازیرام کی، باغیشلا...-شعیر

آنا صحیفه کولت
12 Punto 14 Punto 16 Punto 18 Punto

گنج شاعر آقشین یئنی‌سئیین "سنه مکتوب یازیرام" شعیرینی تقدیم ائدیریک.

سنه مکتوب یازیرام
یازیرام کی، باغیشلا...
بوردا هاوا پیس کئچیر
آرا وئرمیر یاغیشلار.

تک یاتیب تک دورماق‌دان
بئزدیرمیشه‌م اوتاغی
بیلیرسن.. پینتی اولور
یالقیزلارین یاتاغی.

یالقیزلار آز یویونور
گلیر یالقیزلاردان ای
چایلاری سویوق اولور
یئمکلری آلاچی.

چیرک‌لی آیاققابیلار...
دیبی یانمیش قازانچا...
بیر قیریق دا اومید وار
...قایی‌داجاق هاچان‌سا...

یالقیز صاباحا باخمیر
آرزولاییر کئچمیشی
چوخ میسکین منزره‌دیر
ائو ییغیش‌دیران کیشی.

هله بونون گئجه‌لر
ایچیب آغلاماغی وار،
ساچین داراماماغی
ساققال ساخلاماغی وار.

اوستگل پنجره‌دن
گؤزونو یولا دیکمک
گلمیینی گؤزله‌مک
قادین هسرتی چکمک.

درد آغیر، هاوا دا پیس.
آرا وئرمیر یاغیشلار.
سنه مکتوب یازیرام
یازیرام کی،
باغیشلا...

تاریخ
2017.11.08 / 22:29
مولف
Axar.az
شرح لر
دیگر خبرلر

هادی باهادوری ایستادیون‌دا مشهور شعری اوخودو – ویدئو

خیابانینین تحقیرآمیز وضعیتده اولان مزاری – ویدئو

مشروطه اینقیلابینین گؤرکم‌لی رهبری-ستار خان

باکی‌دا تورک اولدوزلارینین ایشتیراکی ایله قالا گئجه‌سی

میلان-قدیم اینسان مسکنی-ایتالییادا دئییل تبریزده

ایبراهیم علیزاده آخار. آذ-دا ژورنالیستلری آلداتدی – ویدئو

سن، قارانلیق گئجه‌مین شمعی---میلاد عزیزی

ایمپرییا ایداره ائد‌ن آذربایجان‌لی آریستوتل - تاریخ

بو گون آذربایجانین دؤولت موستقیل‌لیگی گونودور.

آرگنتینادا تدبیر: «ساری گلین» سسلندیریلدی - فوتو

خبر خطّی
 
Axar.az'da reklam Bağla
Reklam
Bize yazin Bağla