Axar.az
یوخاری
18 نویابر 2017


بایراغیمیز حاقین‌دا آز آدامین بیلدیی فاکتلار - ۵ ماده‌

آنا صحیفه کولت
12 Punto 14 Punto 16 Punto 18 Punto

آذربایجانین دؤولت بایراغی حاقین‌دا ایندییه قدر بیر چوخ معلوماتلار وئریلیب، یازیلیب. اونونون رنگلرینین نه معنایا گلدیینی، اوزرینده‌کی سیمووللارین آنلاملارینی بیلمه‌یه‌ن اینسان چوخ آز اولار.

کولت. آذ چوخ آز آدامین بیلدیی معلوماتلاری سیزینله پایلاشاجاغیق:

۱. آذربایجانین دؤولت بایراغی ایلک دفعه آدر (آذربایجان دموکراتیک رسپوبلیکاسی) طرفیندن ایونون ۲۱-i ۱۹۱۸-جی ایلده شکیلده گؤردویونوز کیمی تاسیس اولونموشدو.

لاکین آذربایجانین بیر دؤولت کیمی تانینماسیندا رسمی راضی‌لیقلار الده ائتمک اوچون اؤلکه خاریجینه یوللانمیش دؤولت رسمیلریمیزه او واخت اینگیلیسلر بو بایراغین تورک بایراغینا چوخ اوخشادیغی ایرادینی بیلدیرمیش، بونونلا علاقدار اولاراق دا بایراقدا معین دییشیکلیکلر آپاریلاراق ایندیکی وضعیتینه سالینمیشدیر. اینگیلیسلرین ایراد توتدوغو بو بایراق حقیقتا ده عثمانلی ایمپراتورلوغونون ۱۸-جی عصرین سونوندان ۱۹-جو عصرین ۵۰-جی ایللریندک مؤوجود اولموش دؤولت بایراغی ایدی.

۲. یئنی بایراق‌دا یاشیل رنگ بیرینجی گلیردی، سونرا ایسه محمد امین رسولزاده تورکییه‌ده اولدوغو مدتده بونو یئنی‌دن دیزاین ائد‌رک یاشیل رنگین یئرینی دییشدی.

۳. ۱۹۲۰-جی ایللرده آذربایجانا سوویت حاکمیتی گلندن سونرا بای‌راقلا باغلی قانونوئریجیلیکده دوز ۸ دفعه بعضی دییشیک‌لیک ائدیله‌رک ۱۹۸۱-جی ایله قدر بو فورمادا اولموشدور:

۱۹۸۱-جی ایلده قبول اولونان یئنی قانونلا، بای‌راق حاقین‌دا اساسنامه‌یه علاوه‌ده آذربایجان سسر دؤولت بایراغینین عکس طرفینین رسمی تصدیق اولونموشدو، بورادان اوراق، چکیج و اولدوز تصویرلری چیخاریلمیشدی.

۴. آتاتورکون محمد امین رسولزادنین قالدیردیغی بایراق حاقیندا دئدیکلری:

»محمد امین بی، من دونیایا سندن اوچ سنه ائرکن گؤز آچمیشام. آنجاق بوتون تورک عالمینده تورکون ایستیقلال بایراغینی سن قالدیرمیسان و بایراق ائنمه‌سین دئیه، من سنین الیندن آلیب تورکییه اوزرینده دالغالاندیرمیشام. ائنمز دئمیسن بو بایراق، ائنمه‌یه‌جکدیر!» - بو سؤزلر اصلینده هئچ واخت دئییلمه‌ییب. قیدیاتا آلینمیش هئچ بیر آتاتورک نیطقینده بو سؤزلره راست گلینمیر.

آنجاق بو جمله‌لره راست گلینیر: »اینگیلیسلره نؤکرجیلیک ائتمکدن زؤوق آلان موساوات حکومتی و بو حکومتین آغالارینین تحریکی ایله شوبهه یوخدور کی، گورجولرین و ارمنیلرینده ایشتیراکییلا بولشویک اوردوسونون تامامی ایله گئریسینه دوشن گنجه بؤلگه‌سینده بیر ایرتیجا ووجودا گتیریلمیش‌دیر».

۵. خان شوشینسکینین سوویت دؤورونونون جدی رپرسییاسی شرایطینده بایراغا وئردیی گیزلی مئساژ:

"شوشانین داغلاری باشی دومانلی، شوشانین داغلاری باشی دومانلی، قیرمیزی قوفتالی، یاشیل تومانلی، دردیندن اؤلمه‌یه چوخدو گومانیم." ۲۰-جی عصرده یاشامیش آذربایجانین بؤیوک خاننده‌سی خان شوشینسکی شوشایا حصر ائتدیی بو ماهنیدا داغلارین باشی دومانلی دئمکله، ماوی سمایا، قیرمیزی قوفتالی دئمکله داغین دؤشونه، یاشیل تومانلی دئمکله ایسه داغین یاماجلارینا ایشاره ائد‌رک آذربایجان بایراغینین سیموولیک تصویرینی یارادیردی.

تاریخ
2017.11.10 / 11:14
مولف
آیتاج آراز
شرح لر
دیگر خبرلر

قیزاردیر یاناغی سازاقلار ایندی...شعر

پاییزین تبریز سفری - فوتو

من سندن اينجيديم گئتديم...شعر

نادیر شاهین تورکلرله باغلی پلانی: یئنی میللت یاراتماق و...

سنه آچاجاغام سؤز ياواش- ياواش...شعیر

علامه جعفری - شرقین عرفان سماسیندا پارلاق گونشی / فوتو

دا وینچینین «۶۰ دوللارلیق» اثری ۴۵۰ میلیونا ساتیل‌دی

‎تورکون آلینماز قالاسی - سولدوز (نقده)

بؤلونن يوردو اويات، قويما ياتا...شعیر

داها مندن سئوگی اومما، عزیزیم…شعر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla