Axar.az
یوخاری
17 اوکتیابر 2018


سن تانری ایله دانیشا بیلیرسن دئییرلر - کدرلی شعر...

آنا صحیفه کولت
12 Punto 14 Punto 16 Punto 18 Punto

کولت. آذ شاعر هابیل رضانورون "سورییادان مکتوب" شعرینی تقدیم ائدیر:

سلام شاعر عمی...
باغیشلا کی، سنه آتشلی سلام یوللایا بیلمیرم.
بوتون آتشلر بوردا مشغولدو.
دوزو من ده چوخ مشغولام...

باجیم کوکلاسینین قولونو ایتیریب، آغلاییر.
...ساکیتلش‌دیره بیلمیرم
هله اؤز آیاقیندان خبری یوخدو،
اونودا بیراز اولار ایتیریب.

دئمیشم پیشیک آپاریب
منه چؤرکین عطرینی یوللایا بیلمرسیز؟
داریخمیشام.
اللی ناغیل بوننان قاباق آنامی دا دمیر لئیلکلر آپاردی.

اوندان دا چؤرک عطری گلیردی.
آتامی آخیرینجی دفعه گؤره‌ن‌ده اؤز ساققالینین ایچینده یوخا چیخدی.
بیر ده سیزده یاغیشلار وار دئییرلر قورغوشونسوز یاغیشلار...
سویوندان باریت ایگی گلمه‌یه‌ن یاغیشلاری دئییرم.

وارسا اوندان دا یوللایارسیز
یوخ یوخ اؤزومچون دئمیرم....باجیم ایستییر...
من کیشییم! قورخمورام!
سیزین جیرتدانا دا دئیین کی، بورداکی دیولر ۶۰ تون آغیرلیغیندادی.
اؤزو ده هر گولنده بیر دمیر دیشی چیخیب بیر ائوی ییخیر...

سسلری‌ده قریبه‌دی،
ائله بیل جننتله جهنم بیر بیرینه چیغیریر!
هه بیر ده کی، بوردا گوللر ده چوخ ادبلیدی بؤیوکلو، کیچیکلی، کیمی گؤرسلر گؤروشورلر...
نه ایسه شاعر عمی...

سن تانری ایله دانیشا بیلیرسن دئییرلر.
اونا دئیه بیلرسن باجیمین آیاقینی قایتاریب وئرسین؟
اؤزوم گوجله آیاقدا دایانمیشام،
آرتیق باجیمی قوللاریمدا توتا بیلمیرم...

میننت کیمی چیخماسین
سحر اذان سسینه اویانمیشام.
آخشامدی، بومبا سسیندن یاتا بیلمیرم!

جاواب گؤزلییرم...

تاریخ
2017.11.10 / 18:31
مولف
آیتاج آراز
شرح لر
دیگر خبرلر

"سنی دئییرلر" ماهنی‌سینین ایفاچی‌سی باکییا گلدی - ویدئو

آذری یا زبان باستان آذربایجان (جوابیه) کیتابی ایشیق اوزو گؤردو - فوتو

اومید نجارینین "دیوارلارین او تایی" کیتابی ایشیق اوزو گؤردو - تبریزده

طیاره‌نی ایلدیریم ووردو: شاهزاده و آروادی اؤلومدن دؤندو

اؤتن گونلر - ممد آراز

او داش آلتدا ممد آراز یاشاییر

آلمانییادا طلبه هارادا و نئجه یاخشی یاشایا بیلر؟

تبریزلی یازیچینین "دیوارلارین اوتایی" شعیر توپلوسو کیتابی نشر اولوندو

گونئی‌ده دیلیمیزه تحفه: بو جیزگی فیلمی دوبلیاژ ائدیلدی – ویدئو

گؤرمه پروبلمی ایله اوزلشن مشهور رساملار...

خبر خطّی
 
Axar.az'da reklam Bağla
Reklam
Bize yazin Bağla