Axar.az
یوخاری
19 نویابر 2017


بؤلونن يوردو اويات، قويما ياتا...شعیر

آنا صحیفه کولت
12 Punto 14 Punto 16 Punto 18 Punto

کولت. آذ گونئی‌لی شاعر حبیب ساسانییانین "ساوالان" شعرینی سیزه تقدیم ائدیر.

ساوالان، گؤیده بولوتدان باج آلان

هر سحر، ساچلی گۆنش دَن، تاج آلان.

سن بو یوردون اَن اوجا زیروه سی سن

ائليمين شانلي داغې، گۆر سسې سن.

اَتە ييندە، قوْجامان ائل ياشايير

بال كيمي، اينجە گؤزل دیل یاشاییر.

آت گؤلۆندن قارا قاشقا* سو ايچيب

بابكين، شانلي يوْلو سندَە سئچيب.

سندە قارتال داشی، مئحراب داشی وار

بو ائلین سنده، بؤیۆك سيرداشې وار.

زيروە دَن بوْيلانيسان تۆرك ائلينە

يارديم اوْل اَللريني وئر اَليمە.

سن سهندين اوجا بوْی قارداشیسان

کَپَزین*، آغری داغین* دیلداشی سان.

سرئیین (سرعین) - سرداوا، سندن جان آلیر

گؤی خزر، فیرتیناسین سندن آلیر.

اورمونون غملی گؤلۆن غم بۆرۆيۆب

بو سبب دن باشيني چن بۆرۆيۆب.

پۆسگۆر اوْ كؤکسۆدە كي فيرتيناني

بسدي غفلت، اوْ کئچن غیرت هانی؟

هانی تۆرك ائل لَرينين قان داماري؟

وئر جاواب سن منە، سن بيل اوْ تارې.

سن دئنَن ؛ بیزده بو غفلت هاردان؟

نئجه قورتارماق اوْلار، بو داردان؟

بؤلۆنن يوردو اوْيات، قوْيما ياتا

قوْيما ساتقينلاري، آماجه چاتا.

قوْیما بو میللتی، دانسین اؤزۆنۆ

سن ديل اوْل ميللتە، قيشقير سؤزۆنۆ.

دئە گيلن گنج لَرە، كئچميشدن

دئە ظفردن، دئه اوغورلو ایشدن.

دئه؛ داغیستانداکی قارداشلاردان

دئه؛ قاراباغدا آخان، قان یاشدان.

دئه ؛ پارام پارچا اوْلان توْپراق دان

دئە؛ بيزە، سوسما، دئە آل' بایراقدان.

سن دئدیکجه، یاکاموْز دیرچلسین

سَسینه سَس وئره، اوچسون گلسین.

ساوالان، گؤیده بولوتدان باج آلان

هر سحر، ساچلی گۆنش دَن، تاج آلان.

سن بو یوردون اَن اوجا زیروه سی سن

ائليمين شانلي داغې، گۆر سسې سن.

اَتە ييندە، قوْجامان ائل ياشايير

بال كيمي، اينجە گؤزل دیل یاشاییر.

آت گؤلۆندن قارا قاشقا* سو ايچيب

بابكين، شانلي يوْلو سندَە سئچيب.

سندە قارتال داشی، مئحراب داشی وار

بو ائلین سنده، بؤیۆك سيرداشې وار.

زيروە دَن بوْيلانيسان تۆرك ائلينە

يارديم اوْل اَللريني وئر اَليمە.

سن سهندين اوجا بوْی قارداشیسان

کَپَزین*، آغری داغین* دیلداشی سان.

سَرئیین (سرعین) - سرداوا، سندن جان آلیر

گؤی خزر، فیرتیناسین بوردان آلیر.

اَته یینده قوْجامان اردبیلین

دوم - دورو چئشمه لَرین، سلسبیلین.

ائلاتین یایلاغی، قوتسال داغی سان

آغزیمین داد- دوزو، بال بارداغی سان.

سنه یوْخ فرقی خیاوین - موغانین

سنی سسلیر، سارایین -خان چوبانین.

سنده چوْخلو قالالار وار، سیر وار

قوْچ کوْر اوْغلو، نبی لَر مین بیر وار.

اَسكې شهرین، بابالاردان قالمیش

شاعیرین، ایلهامی سندن آلمیش.

گؤز-گؤزه قارشیدا باغرو* داغلار

حئیرانی -آستارانی، آل؛ گئری آل.

زنگانی قوْیما دۆشە ياد اَلينە

قوْيما خوْر باخسين اوشاق اؤز دیلینه.

سن آزربایجانیمین لنگری سن

روسلارا قارشی دوران سنگری سن.

سنده تاریخ تمددون یارانیب

اَر ایگیدلیک ائله، سندن جالانیب

باشدا فیروزه سایاق گؤی گؤل وار

قوزئيين گؤی گؤلۆنۆ يادە سالار.

اوْ قوْبوستاندا قازيلميش داشلار

سندە شيروان درە سين آلقیشلار.

قوْجامان تبریزه بیزدن دئه سالام

همدان دان نییه من آیری قالام؟

اراکی - تئهرانی- قزوینی - قومو

سال یادا، قاشقایی قارداش قوْهومو.

ناخجیوان آيری دۆشندن مَلَە يير

جان آتیر بیرلَشه، بیرلیک دیلَه ییر.

زنگه زوْر، زوْرلا گئدیبدی اَلدن

شوشا یوْل گؤزلَه ییر ایندی ائلدن.

یاشاسین آزریبایجان، یاشاسین

دیشی آصلانلاری، زینب پاشاسین.

دَدَه قورقوت دان اؤیۆد آلمالییق

آرازا کؤرپۆ گرك سالمالييق.

داش ماكي - سولدوزو تاپشيرما يادا

اَمَه ییم یوْخسا گئدر اوْردا بادا.

گؤزلَریم آز قالیری، قانلا دوْلا

خالخالی قیی ما اَسالیمسیز اوْلا.

اورمونون غملی گؤلۆن غم بۆرۆيۆب

بو سبب دن باشيني چن بۆرۆيۆب.

بوْرچالی - اییراوانی، دربندی

وئرمیشیک یادلارا، بیر چوْخ کَندی!

پۆسگۆر اوْل كؤکسۆدە كي فيرتيناني

بسدي غفلت، اوْ کئچن غیرت هانی؟

هانی تۆرك ائل لَرينين قان داماري؟

وئر جاواب سن منە، سن بيل اوْ تارې.

سن دئنَن ؛ بیزده بو غفلت هاردان؟

نئجه قورتارماق اوْلار، بو داردان؟

بؤلۆنن يوردو اوْيات، قوْيما ياتا

قوْيما ساتقينلاري، آماجه چاتا.

قوْیما بو میللتی، دانسین اؤزۆنۆ

سن ديل اوْل ميللتە، قيشقير سؤزۆنۆ.

دئە گيلن گنج لَرە، كئچميشدن

دئە ظفردن، دئه اوغورلو ایشدن.

دئه؛ داغیستانداکی قارداشلاردان

دئه؛ قاراباغدا آخان، قان یاشدان.

دئه ؛ پارام پارچا اوْلان توْپراق دان

دئە؛ بيزە، سوسما، دئە آل بایراقدان.

سن دئدیکجه، یاکاموْز دیرچلسین

سَسینه سَس وئره، اوچسون گلسین.

*قارا قاشقا - آتا بابکین آتینین آدی.

کَپَز - قوزئی آزربایجانین بؤیۆك داغلاريندان دې.

تاریخ
2017.11.16 / 14:24
مولف
الشاد یاقوبلو
شرح لر
دیگر خبرلر

قیزاردیر یاناغی سازاقلار ایندی...شعر

پاییزین تبریز سفری - فوتو

من سندن اينجيديم گئتديم...شعر

نادیر شاهین تورکلرله باغلی پلانی: یئنی میللت یاراتماق و...

سنه آچاجاغام سؤز ياواش- ياواش...شعیر

علامه جعفری - شرقین عرفان سماسیندا پارلاق گونشی / فوتو

دا وینچینین «۶۰ دوللارلیق» اثری ۴۵۰ میلیونا ساتیل‌دی

‎تورکون آلینماز قالاسی - سولدوز (نقده)

داها مندن سئوگی اومما، عزیزیم…شعر

ستارخانی آغلادان قادین مجاهد

خبر خطّی
 
  
  
  
  
Axar.az'da reklam Bağla
Reklam
Bize yazin Bağla