Axar.az
یوخاری
19 نویابر 2017


دونیانین ان خوشبختی اودور، اؤلومومو گؤرمه‌یه‌جک - موسی یاقوب

آنا صحیفه کولت
12 Punto 14 Punto 16 Punto 18 Punto

تانینمیش شاعر موسا یاقوبون صحتین‌ده پروبلئملر یارانیب. بیر نئچه ایلدیر معالیجه آلان شاعرین سون گونلر وضعیتی داها دا آغیرلاشیب. هم شاعره باش چکمک، هم ده صحبت ائتمک اوچون یاشادیغی عنوانا یوللاندیق. شاعرین دورومونو نظره آلیب، اونو چوخ یورماق ایستمدیک.

- موسی عمی، صحتینیز نتهردیر؟

- هئچ تهریم یوخدور. بئلده ییرتیق، عصب، بؤیرکده داش، تضییق ده بیر یاندان. اینه-درمان...

- «بو دونیانین قارا داشی گؤیرمز» دئییردینیز، بلکه، او داشدیر دوشوب بؤیریینیزه؟

- بلکه ده او داشلاردیر، گؤیرمه‌یه گلیب. اؤز شعیریمه چئویریلیرم. بلکه ده یازا بیلمدییم سؤزلرین آغریسیدیر، دوشوب جانیما.

- حیات یولداشینیزا «منی بو پاییزین ایچیندن کئچیرت» دئییردینیز... او دا یوخدور داها. نئجه کئچیرسینیز بو پاییزی؟

- گاه قلمدن توتوب گئدیرم، گاه اومیددن. بو پاییز، دئیه‌سن، واخت صاحبیدیر، منی ده اؤزونه قوشوب آپاریر...

- «داغ کلی» بئله آسان تسلیم اولمامالی ایدی آخی...

- هه، او واخت داغ کلینه بنزدیردیلر منی. ائشیتدیم کی، باباداغدا بیر دلی داغ کئچی‌سی قالیب. دلی اولوب دوشوب داغلارا... تزه شعیر ده یازمیشام او حاقدا. بیری بوینوزون آپاردی، بیری اتین قوپاردی...

- سیزی باکی‌دا – بو دؤرد دیوار آراسیندا گؤرمک بنؤوشه‌نی دیبچه‌یه اکمک کیمی‌دیر.

- یاش او یاش دئییل داها. آغریلار الده‌ن سالیر آدامی. هه، بورا بالاجادیر. اوست-اوسته یاتیریق ائله. بوینوزو (ایسماییل‌لیدا کند – رئد.) یادا سالیب قالیرام بوردا.

- آیب-دن سیزه نیه ائو وئرمه‌دیلر؟

- کیم‌دیر منه ائو وئره‌ن. گرک یازاسان، ایسته‌یه‌سه‌ن...

- یازایدینیز دا...

- باجارمیرام آخی...

- آیب-نین اوزووسونوز ده؟ اونلار نه عجب کؤمک ائتمه‌دیلر؟ نه ائو مسئله‌سین‌ده، نه خالق شاعری آدی اوچون...

- آیب عضوویم. ۷۰-لردن. بوینوزدا معلم ایشلییردیم. اوندا آیب-ده میرزا ایبراهیمبیوو ایدی صدر شعیرلریم درج اولونوردو. گلدیم باکییا. بیر ارمنینین ائوینده کیرایه قالیردیم ۵۰ ماناتا. بیر گون علی اغا کورچایلی دئدی کی، سن آیب-نین عضووسن آرتیق. بیر-ایکی گون سونرا ایش وئردیلر. کاغیذلا تأمینات، تئکنیکی ایشلر. سونرا ادبیاتین تبلیغی بوروسون‌دا ایشلدیم. بیر آز سونرا «آذربایجان» ژورنالینا شعبه مودیری کئچدیم. بئش ایل قالیب ایسماییل‌لییا قاییتدیم. قشه‌م آسلانوو - او واختکی کاتیب - ساغ اولسون، «زهمتکئش» قزئتین‌ده رئداکتور تعیین ائتدی منی.

فخری آد اولماسا دا اولار. هئچ گیلئییم ده یوخ‌دور، گؤزلمیرم ده. نیه لازیم‌دیر؟ نه دییشه‌جک؟

- دئپوتات دوستلاردان آراییب-آختاران وار ایندی؟ گلن-گئدن اولور؟

- او دئپوتاتلیق دا بیر قریبه اولدو. ائله دئدیلر، سن ده نامیزدلیینی وئر... گلن-گئدن دئیه‌ن‌ده کی، هامی‌دان راضییام، جانلاری ساغ اولسون. دوستلار وار اولسون.

- کورسوده ایلهام پریلری باشقا اولور، هه؟ قالستوکلو، اوتولو... او بئشیللیک‌ده‌کی شعیرلرینیزین ایستیخییاسینا تأثیر ائتمه‌دی کی کورسو؟

- من بیطرف ایدیم. هئچ واخت پارتییا اولاراق موخالیفت اولمامیشام. یارادیجیلیق ائله موخالیفتدیر ده. هله دئپوتات اولمامیش‌دان «واللاه بمت-لیک دئییل بو دونیا» شعیرینی یازمیشدیم. کورسوده ده راحت دئییلدیم. یازمیشدیم کی، بوراخ منی، بوراخ گئدیم آزادلیغا... بیلیرسن، عمر، سویتی دنیزه چاتدی آزاددیر، جئیرانی-جویورو قوو دنیزه، اؤلجک، بیته‌جک آزادلیغی. جویورون آزادلیغی قاچماغیندادیر. منی دنیزده بوغماق ایستییردیلر...

- ائوده اومو-کوسو ائتمیرلر کی؟ مثلاً، او بیری شاعرلر کیمی ماشینینیز، ویللانیز، پول-پارانیز اولا بیلردی، یوخ‌دور...

- قتییه‌ن. هئچ اینتیزاریم، گیلئی-گوزاریم یوخ‌دور عائله‌دن. ساغ اولسونلار. همیشه دستک اولوبلار. آسان دئییل ائ... من او واخت اؤز-اؤزومه دئییردیم، باشینی سال آشاغی ایشله ده. اما اولمورموش.

- بیر شئیرینیز واردی: «و باشقالاری...». اولور بزه‌ن، هامینین آدینی چکیرلر، سنه نؤوبه چاتان‌دا دئییرلر کی، «و باشقالاری...» بو شئیرده اؤزونوزو نظرده توتموشدونوز؟

- دوزو، بو شئیری چوخ‌دان یازمیشام، هئچ اؤزومو ده نظرده توتمامیشدیم شئیرده، اما تالئ ائله گتیردی کی، دؤن‌دو دی‌دی اؤزومه. چئویریل‌دی منیم تالئییمه او شئیر.

- جننته اینانیرسینیز؟

- البته... اومید ائدیره‌م کی، او دونیا وار، روحا اینانیرام. بئله تئز بیتمز یاشاماق... موطلق وار...

- کیمین اوچون داریخیرسینیز، شاعر؟

- عؤمور یولداشیم اوچون... او، چوخ خوشبخت‌دیر ایندی:

«سنی پوزان کیم‌دی، منی یازان کیم،

ایندی آغ دون‌لو بیر آغ ملک‌سه‌ن...

دونیانین ان خوشبخت آدامی‌سان کی،

منیم اؤلمیی‌می گؤرمه‌یه‌جک‌سه‌ن...»

فوتولار ائلچین مورادا مخصوص‌دور.

تاریخ
2017.11.14 / 17:15
مولف
Axar.az
شرح لر
دیگر خبرلر

قیزاردیر یاناغی سازاقلار ایندی...شعر

پاییزین تبریز سفری - فوتو

من سندن اينجيديم گئتديم...شعر

نادیر شاهین تورکلرله باغلی پلانی: یئنی میللت یاراتماق و...

سنه آچاجاغام سؤز ياواش- ياواش...شعیر

علامه جعفری - شرقین عرفان سماسیندا پارلاق گونشی / فوتو

دا وینچینین «۶۰ دوللارلیق» اثری ۴۵۰ میلیونا ساتیل‌دی

‎تورکون آلینماز قالاسی - سولدوز (نقده)

بؤلونن يوردو اويات، قويما ياتا...شعیر

داها مندن سئوگی اومما، عزیزیم…شعر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla