Axar.az
یوخاری
21 نویابر 2018


شیرین لای لا چالان آنا دیلیمدی...شعر

آنا صحیفه کولت
12 Punto 14 Punto 16 Punto 18 Punto

کولت. آذ گونئی‌لی شاعر صییاد زیادپورون "توخونما سؤزومه" شعرینی سیزه تقدیم ائدیر.

قیلینجدان کسرلی دئیبلر سؤزو
توخونما سؤزومه توخونما منیم!
دؤیوشه من سؤزله چیخیرام دوزو
توخونما سؤزومه توخونما منیم!

سؤزوم سطیر- سطیر، واراق- واراقدی
هر واراق اؤزو بیر سیردی، سوراقدی
مندن سونرالاردا هئی قالاجاقدی
توخونما سؤزومه توخونما منیم!

بابالاردان قالان ایرثیمدی منیم
ادبیم، کامالیم، درسیمدی منیم
آجیغیم، غضبیم، حیرصیمدی منیم
توخونما سؤزومه توخونما منیم!

های وورسام دلی‌لر تؤکولر گلر
باغلی بند- بره‌لر سؤکولر گلر
پاشالارین بئلی بوکولر گلر
توخونما سؤزومه توخونما منیم

پرده لر قوینوندا گزن الیمدی
کؤنول‌لر اوخشایان اینجه تئلیمدی
شیرین لای لا چالان آنا دیلیمدی
توخونما سؤزومه توخونما منیم!

کرمی، دیلقمی‌چالان سازیمدی
عشقیم، محببتیم آلین یازیمدی
عؤمرومه، گونومه هر آن لازیمدی
توخونما سؤزومه توخونما منیم!

هاردا قولو اولدوم سؤزلو دونیامین
اوردا شیرین دویدوم عؤمرومون تامین
«صیاد»ییام حقدن گلن ایلهامین
توخونما سؤزومه توخونما منیم!

تاریخ
2017.11.15 / 19:09
مولف
الشاد یاقوبلو
شرح لر
دیگر خبرلر

قارا قارایئوین ۱۰۰ ایللیی موناسیبتیله کونسرت کئچیریلیب

گنج تاماشاچیلار تئاتری تبریزده بین الخالق فستیوال‌دا

آذربایجان‌لی رژیسور یداله صمدینین آنیم مراسیمی کئچیریلیب

اوزئییر حاجیبیلینین خاطره‌سی یاد اولوناجاق

میلیونلارین سئوگی‌سینی قازانمیش افسانوی خواننده-- ویدئو

گونئی‌لی فوتبول‌چولار «قاراباغ»ی خورلا اوخودو - ویدئو

نووروز نووروزلو وفات ائتدی- ویدئو

موسکوادا نسیمینین بوستو آچیلدی - فوتو

عیسی موغاننانین ۹۰ ایللیی قید ائدیله‌جک

مرحوم ناظرین نوه‌سیندن محتشم پئرفورمانس – ویدئو

خبر خطّی
 
Axar.az'da reklam Bağla
Reklam
Bize yazin Bağla