Axar.az
یوخاری
21 آپرئل 2018


بولاق دیلی ایله اعتیراض فریادی... شعر

آنا صحیفه کولت
12 Punto 14 Punto 16 Punto 18 Punto

کولت. آذ گونئی‌لی شاعر وحید ملکین "قازیرام کؤلگه می" آدلی شعرینی سیزه تقدیم ائدیر.

کافه دن ائویمه اولان یولدا
تانیمادیغیم یوزلرجه آدام
هامیسیندا بیر سلام قدر دوستلوغوم
قالین بیر رومان قدر ایسه سوکوتوم وار
چیلپاق
چیلپاق
قورخودان دیکلمیش آغاجلاردا
قارغالارین بئینینده
ایل‌لرجه اٶنجه‌لریمیز اونودولار
سن کی هئچ، واریمیشسان بونو کیمسه دانا بیلمز
سانکی هئچ، یوخوموشسان بونو کیمسه اینانا بیلمز
بونلار بیر اولایدا ساییلماز، قارغالارین بئینینده
بیز قارغا سئویشمه‌سیدیک آتاوین ڰٶزونده
آنانان اوچون بیر دونیا فاجعه سی
من ایسه لال بیر داغین، بولاق دیلی ایله اعتیراض فریادی
ایندیسه بیز هاراداییق؟
نه سن وارسان اٶز یانیندا نه من
نه من وارام اٶز یانیمدا نه سن
بیزی کیم آپاریب، گئری قایتارمادی اٶزوموزه؟
بیزی هانچی رومانچی باشلاییب
اونودوب آردیمیزی یازمادی؟
بو کافه، بو یول، بو قارغا، بو آغاج
ندن واردی یئرینده بیز یوخ اولموش کن؟
بیز نئچه یوز ایلدی یوخوق بیر الله کیمی بلکه
آرخامدا گونش دایانیب، اٶنومده کٶلگه
دیرناقلاریملا قازیرام کٶلگه‌می
بو کیچیک قارانلیغین دیبی یوخ
بو کیچیک قارانلیغین سسی یوخ
بو کیچیک کٶلگه‌نین ندنی...
بو کیچیک
بو آغاج
بو قارغا
بو یول
بو کٶلگه
هامیسی منم
آما بیر تکجه اٶزوم یوخ

تاریخ
2017.11.19 / 21:30
مولف
Axar.az
شرح لر
دیگر خبرلر

شاه عباسین محتشم تاکتیکاسی: اینگیلیس اوردوسونا قارشی... - ویدئو

اوردا آذربایجان تورپاغی واردیر...شعر

ساز توتوب، سؤز قوشوب یادا سال، منی...شعر

تورکلره حیرانلیغیندان "تورک مارشی"نی بسته‌له‌ین غربلی داهی - ویدئو

تورک فیلمینین سلطانی آغیر دورومدا

دونیا دردلریندن اینجیک دوشنده...شعیر

گونئی آذربایجانین فاجعه‌سی - گیزله‌دیلن تاریخ

تاتلیسسین ۱۵۰ مینه گلدیی تویون ناراضی‌لیق - ویدئوسو

شاه عباس آراکانلیلاری بئله خلاص ائتدی - محتشم تاکتیکا

رونالدینیو و فیقو یئنیدن فوتبولدا - افسانه‌لر قاییدیر

خبر خطّی
 
Axar.az'da reklam Bağla
Reklam
Bize yazin Bağla