Axar.az
یوخاری
18 دکابر 2017


بین الخالق مدنیت فورومو باشا چاتدی

آنا صحیفه کولت
12 Punto 14 Punto 16 Punto 18 Punto

سانکت-پتربورگدا بین الخالق مدنیت فورومو اؤز ایشینی باشا چاتدیریب. فوروم چرچیوه‌سینده شهرین ۱۶۷ مکانیندا ۴۵۰ تدبیر کئچیریلیب.

روسییا-آذربایجان پارلامنتلراراسی دوستلوق قروپونون مطبوعات خیدمتیندن کولت .آذ-آ بیلدیریبلر کی، اوچ گون عرضینده یوزلرله گؤروش کئچیریلیب، خیلی بین الخالق سازیش ایمضالانیب. روسییا پرزیدنتی ولادیمیر پوتین فورومون آچیلیشیندا قئید ائدیب کی، مدنیت فورومونون خصوصی اهمیتی اینجه صنعتین سرحد تانیماغینی گؤسترمه یینده‌دیر. روسییا پرزیدنتی دئییب: «سیز هئچ بیر ترجومه طلب ائتمه‌یه‌ن اینجه صنعتین دیلینده دانیشیرسینیز. سیزین ایستعدادینیز، قلب گئنیشلیینیز، پئشه کارلیغینیز قوروب-یاراتماغا و خئییرخواهلیغا سؤوق ائدیر، دونیامیزا روح یوکسکلیگی بخش ائدیر، اونو نجیبلیکله و گوجلو منویاتلا زنگینلشدیریر. تصادفی دئییلدیر کی، اینجه صنعت خادیملری - رساملار، شاعرلر، آکتیورلار، موسیقیچی لر جمعیت‌ده بؤیوک نفوذ صاحیبیدیرلر». بوتون آکتوال مسئله‌لرین موذاکیره‌سینه شرایط یاراتماغین اهمیتینی وورغولایان پوتین فیکرینی بئله تاماملاییب: «بو مسئله‌لر سانکت-پتربورگدا بین الخالق مدنیت فورومون‌دا دا قالدیریلیب. امینم کی، بو فورومون ایشتیراکچی لاری اولان و مدنیت ساحه‌سینین بوتون پالیتراسینی عکس ائتدیره‌ن سیزلر معاصر دؤورون قارشیمیزا قویدوغو مسئله‌لره همین گؤروشلرده لاییقلی جاوابلار تاپا بیلجکسینیز».

روسییانین مدنیت ناظری ولادیمیر مدینسکینین سانکت-پتربورگ بین الخالق مدنیت فورومونون ایشی حاقیندا سؤزلری بین الخالق دیالوگ اوچون مدنیتین اهمیتینی بیر داها تصدیق ائدیب. ناظر دئییب: «بیز گؤروروک کی، فوروموموز ایشتیراک‌چیلارین و قوناقلارین سایینا گؤره لیدرلر سیراسیندادیر: ۳۵ مین ایشتیراکچی، ۱۰۰۰ اجنبی قوناق، یوزلرله مدنیت و ایشگوزار تدبیر. بوتون بونلار مدنیته طلباتین اولدوغونو، اونون هر بیر سانکسییا و مانعه‌نی آسانلیقلا دفع ائتدیینی گؤستریر».

سانکت-پتربورگ بین الخالق مدنیت فورومو آلتینجی دفعه کئچیریلیب، بو ایل قازاخیستانا و یاپونییایا قوناق اؤلکه‌لر ایستاتوسو وئریلیب.

فورومون روسییانین مدنیت پایتاختین‌دا کئچیریلمه‌سینی چوخ رمزی حال سایان آذربایجان نماینده هئیتینین عضوو، مدنیت و توریزم ناظیرلیینین علم، تحصیل و گنجلرله ایش شعبه‌سینین باش مصلحتچیسی ووقار باخیشوو دئییب: «سانکت-پتربورگ سادجه آچیق سما آلتیندا چوخ گؤزل موزئی‌دیر. ائله ایلک تسوراتلاریمیز چوخ یوکسک‌دیر. فورومون بئله بیر گؤزل شهرده کئچیریلمه‌سی اونون بوتون ایشتیراکچی لارینی داها دا روحلاندیریر، اونلارا موثبت انرژی بخش ائدیر. مقصدیمیز بیردیر - مدنیته خیدمت ائتمک. هر کس اؤز میللی مدنیتینه خیدمت ائدیر. هامیمیز بیرلیک‌ده ایسه دونیا مدنیتینه تؤحفه وئریریک. موختلیف خالقلارین و مدنیتلرین نماینده‌لرینین گؤروشمه‌سینه شرایط یاراتدیغینا گؤره روسییایا تشککور ائدیریک. من تکجه بو فوروم‌دان دئییل، مدنیت، گنجلر سیاستی و دیگر ساحه‌لرده روسییادا کئچیریله‌ن باشقا تدبیرلردن ده دانیشیرام. اینسانلاری بیر آرایا گتیرمک، اونلارا دینج یاناشی یاشاماغی، اینکیشاف ائتمه یی و یئنی-یئنی زیروه‌لر فتح ائتمه یی اؤیرتمک اوچون بوتون واسطه‌لری ایشه سالماق لازیم‌دیر».

سانکت-پتربورگ فورومونون معاصر جمعیت حاقیندا سورغویا رئال جاواب اولدوغونو وورغولایان دیگر آذربایجانلی نماینده، تانینمیش کینورژیسسور آیاز سالایئو دئییب: «بونا بنزر باشقا تدبیرلر کیمی، بو مدنیت فورومو دا ائله بیر درین تشویشین قانون اویغون نتیجه‌سیدیر کی، حاضردا دونیا عمومیتله معاصر مدنیتین وضعیتی، بشریتین دونیایا موناسیبتینین ایفاده اولونماسی فونک‌سییاسینی مدنیتین هئچ ده همیشه اؤز اوزرینه گؤتورمه دیی خوسوسون‌دا بونو حیس ائدیر. بشریت اؤزونون یاشادیغی دؤوره مدنیت واسطه‌سیله حؤکم وئریر. ایندی اونون یئرینه آلا-باباتلیق گلیر، شخصیت ایسه گئدیر. مدنیت فورومو آلا-باباتلیغا، سطحیلییه بیر جاواب‌دیر. نه یاخشی کی، اونونلا هئچ کس باریشماییب و بو دا چوخ گؤزل حال‌دیر».

روسییا دؤولت دوماسینین میلت وکیلی، روسییا-آذربایجان پارلامنتلراراسی دوستلوق قروپونون رهبری دمیتری ساولیئو بیلدیریب کی، سانکت-پتربورگ بین الخالق مدنیت فورومو موهوم دؤولتلراراسی کومونیکاسییا واسطه‌لریندن بیری‌دیر. او دئییب: «مدنی دیالوگ سیویل جمعیت‌ده موناسیبتلر قورماغین اساسی‌دیر. مثلاً، تاریخاً روسییا ایله آذربایجان آراسیندا چوخ مهریبان دوستلوق موناسیبتلری یارانیب، او جمله‌دن مدنی موبادیله زمینینده. روسییانین نه قدر مدنیت خادیمینین – یازیچیلارین، شاعرلرین، موسیقیچی لرین و رقاصلارین قافقاز، خصوصیله آذربایجان حاقیندا یئنی عصرلر یاراتماغا راهلاندیغینی، برکتلی آذربایجان تورپاغینین یئتیشدیردیی نه قدر ایستعدادلی اینسانین روسییا مدنیتینه بؤیوک تأثیر گؤستردیینی بیلیرسینیزمی؟ بو دیالوگ عصرلربویو داوام ائدیر، دؤولتلراراسی موناسیبتلر قورماق اوچون اعتبارلی زمین یارادیر. مدنیت فورومو بئله علاقه‌لری یادا سالماق، یئنی علاقه‌لر قورماق، بیر-بیرینی داها یاخیندان تانیماق و دئمه‌لی، اؤلکه‌لر آراسین‌دا قارشیلیقلی حؤرمت و مهریبان قونشولوق پرینسیپلری اساسیندا گلوبال موناسیبتلر قورماق اوچون گؤزل ایمکان‌دیر».

تاریخ
2017.11.20 / 23:00
مولف
Axar.az
شرح لر
دیگر خبرلر

آذربایجانلی رقاص هر کسی واله ائتدی - ویدئو

دنیز سنین اولسون چای منه قال‌سین...شعر

آذربایجانلی اوغلانلار تورکلری حیران ائتدی – ویدئو

منی دوشون، شهره هر یاغمور یاغدیغیندا...شعر

بیر سلاما دیمه‌یه‌ن عشقه اؤلوم یاراشیر...شعیر

بو حسرت بوگئجه اؤلور...شعر

اوره یه آغیل وئر، آغیلا اورک...شعر

اونلار اللهلاریندان کؤمک ایستییردی، اونلارین اللهی دا بیزدن قورخوردو - ارمنی عسکری

بو ائولرین هانسی منم - شعر

ایچینیزده یاتان اخلاق‌سیز بیر گون اویانسا...

خبر خطّی
 
  
  
  
  
Axar.az'da reklam Bağla
Reklam
Bize yazin Bağla