Axar.az
یوخاری
27 آپرئل 2018


فریدون ایبراهیمین قارداشی اوغلو: "خالقیمیزین شرف سالنامه‌سینی..."

آنا صحیفه کولت
12 Punto 14 Punto 16 Punto 18 Punto

فیریدون غنی اوغلو ایبراهیمی ۱۹۱۹-جو ایل نویابرین ۲۰-ده آستارا چایینین ساغ ساحلینده، بو گونکو ایران ایسلام رسپوبلیکاسینین آستارا شهرینده کاسیب بیر عائله‌ده آنادان اولوب.

کولت. آذ اؤز دؤورونون باش پروکورورو فیرودون ایبراهیمینین قارداشی اوغلونون عمیسی حاقین‌دا اولان فیکیرلرینی تقدیم ائدیر:

من، عمیم فیریدون ایبراهیمینین آدینی، سویادینی داشیییرام. بو ایسمی منه آتام - حاق، عدالت اوغروندا موباریز، انوشیروان غنی اوغلو وئریب. گؤزومو دونیایا آچاندان ائویمیزده زنگین کیتابخانا، قالاق-قالاق قزئتلر، ژورناللار گؤرموشم. آتام آغلیم کسندن بابامدان - غنی کیشی‌دن ده دانیشیب، اما عمیم باره‌ده صحبتلری بیتیب - توکه‌نمییب. اوندا بیلمیشم کی، خالقیمیزین شرف سالنامه‌سینی یارادانلار سیراسیندا اولان بیر نسله منصوبام.

آذربایجان میللی حکومتی جمعی بیر ایل عؤمور سوروب. اما اونون بوتون شرق خالقلارینا هر ساحه‌ده نومونه اولا بیله‌جک قانونلار توپلوسو مزمونونا، دولغونلوغونا گؤره، ان اساسی جمعیتده یاشیندان، وظیفه‌سیندن، میللیتیندن آسیلی اولمایاراق هر بیر شخصین حقوق و دموکراتیک آزادلیقلارینی اساس گؤتورمه‌سی ایله یادداشلاردا قالیب. همین قانونلار اینسان منافعینه، شرف و لیاقتینین قورونماسینا، ریفاه حالینین یاخشیلاشدیریلماسینا، ایش و اجتماعی فایدالی زحمتین تأمیناتینا، وطنین اقتصادی ترققیسینه یؤنه‌لن هر جور خصوصی مولکیت حقوقونون مدافعه‌سینه ایستیقامتلنمیشدی.

میللی حکومتین جیلد-جیلد حقوقی بازاسی هم ده سید جعفر پیشورینین رهبرلیگی آلتیندا چالیشانلارین، خصوصیله حقوقشوناسلارین بونلاری حاصیله گتیرمک اوچون نئجه هوسله، گرگین ایشلدیکلرینی، بوتون بیلیک و باجاریقلارینی یئنی جمعیتین اینکیشافینا، محکملندیریلمه‌سینه صرف ائتدیکلرینی گؤسترمکده‌دیر. ایبراهی‌می «آذربایجان» قزئتینده یازیردی کی، بیز هامیمیز آذربایجان میللی حکومتینین یئنی دؤورده بیزیم اوچون یاراتمیش اولدوغو یئنی اجتماعی، اقتصادی، سیاسی شرایط‌دن لیاقتله ایستیفاده ائدیب، اؤز باجاریغیمیزی نیشان وئرملیگیک. بوندان سونرا قانونو پوزان و خالقین حقوقونا تجاووز ائد‌ن هر بیر شخص ان آغیر و رحیمسیز صورتده جزالاناجاقدیر...

ایبراهیمی اؤزو زینداندا اولارکن یوزلرله گوناهسیز اینسانین آمانسیزجاسینا جزالاندیریلدیغینی گؤرموشدو. اؤزونو مدافعه ائد‌ن محبوسلارین ۱۰۰ نفریندن چوخونون دؤرد ایل عرضینده محکمه قراری اولمادان حبسده قالدیغینی موشاهیده ائتمیشدی. میللی حکومتین باش پروکورورو تعیین ائدیلن کیمی اونلارین هامیسی آزادلیغا چیخدی. بئله‌لیکله ده بوتون یاغلی وعدلری رد ائد‌رک قانونون و شخصیتینین عالیلیینی ایانی صورتده گؤسترمیشدی.

او واخت اکثریتین گومانینا بئله گلمزدی کی، دؤردونجو اوستانین باشچیسی، اورمییه‌ده‌کی قوشون حیصه‌سینین کوماندیری، کسدیی باشلارا گؤره هئچ واخت سورغو-سوالا توتولمایان پولکوونیک احمد زنگه‌نه باره‌ده کیمسه اؤلوم حکمو چیخارماغا جسارت ائده بیلر. باش پروکورور ایسه جانینین خواهیشینه گلنلره سرت شکیلده بیلدیرمیشدی کی، آغیر سلاحلار، تانکلار واسطه‌سیله قوجالاری، اوشاقلاری، الیالین اینسانلاری آمانسیزجاسینا اؤلدورن بیریسینین حیاتدا یاشاماغا حاقی یوخدور. «چونکی بیز خالقین تالعیی ایله مؤحتکیرلیک ائد‌ن آلیش-وئریشچیلر دئییلیک، اونون آزادلیغی یولوندا موباریزه‌یه قالخمیش سربازلاریق. اؤلوم بیزی قورخوتمور».

بلی، او، آذربایجان میللی مجلیسینین و میللی حکومتینین خالقین مالینی، جانینی، امنیتینی، آزادلیغینی خالق دوشمه‌نلریندن قورویوب ساخلاماق حاقینداکی عدالتلی قانونلارین حقیقی مدافعه‌چی‌سی ایدی.

فیریدون ایبراهیمی،

«ایرانلی موهاجیرلر جمعیتی» اجتماعی بیرلیگی

صدرینین بیرینجی معاوینی

تاریخ
2017.11.21 / 11:52
مولف
آیتاج آراز
شرح لر
دیگر خبرلر

شهر یئری: مادی-مدنی وارلیغیمیز- فوتو

بن اؤزگئیه گؤنول وئرمدیم، آ دوست!...شعر

روس کوماندیردن ارمنی قتل عامینا رئاکسییا – فوتو

ترازو و یئر کوره‌سینی الینده توتان قادین - فوتو

خالق ماهنیلاریمیزا دوغرو آددیم-آددیم…

هایاندان تاپیم،‌هارامی؟/ شعر

روس آرخیوی آچیلدی: «ارمنی سویقیریمی» ایله باغلی - شوک سند

آذربایجان کلاسسیک موسیقی‌سی تاریخی اونلاردان باشلاییر - ویدئو

...آذربایجان شعری ناظیم حکمتین یولونا گئتسه‌یدی

آغ و قارا سؤزو تاریخاً هانسی معنالاری احتیوا ائدیب؟

خبر خطّی
 
Axar.az'da reklam Bağla
Reklam
Bize yazin Bağla