Axar.az
یوخاری
18 یانوار 2018


گۆلۆش دوْداغيندا، يومدو گؤزلرین...شعر

آنا صحیفه کولت
12 Punto 14 Punto 16 Punto 18 Punto

کولت. آذ گونئی‌لی شاعر حبیب ساسانییانین فریدون ایبراهیمینین خاطره‌سینه اتحاف ائتدیی "دار آغاجی" شعرینی سیزه تقدیم ائدیر.

چاغيردی دوستاغين گؤزَتچی لری

قارانلیق محبس دَه یاتان بیر اَری.

بو گۆن آزادلیغین گۆنۆدۆر سنە

اَل گؤتۆر بو ايشدن، گيريشمە يئنە

عاییله ن قاپیدا سنی گؤزلَه ییر

گَل قانون قارشیندا سوْن دؤنه اَییل

بوراخ بو بوْشونا موباریزه نی

یوْخسا یوْخ ائده ریک بیر آن دا، سنی

ایکی یوْل اؤنۆندە، سئچيم سنينلە

سوْنون بو يوْللارين بيز دييە ك، دينلە

هَن دئە سن بو آن دا آزاد اوْلورسان

یوْخ دئسن سارالیب بو گۆن سوْلورسان.

ائشيكدە عاییله ن اینتیظاردادی

یوْخسا بو آخشاما باشین داردادی

اوْ سینماز ایگیدین دوْداغی قاچدی

بیر آز دویغولانیب، سوْنرا سؤز آچدی

دئدی: بو قانون یوْخ، بۆتۆن ظۆلۆمدۆ

بو ظۆلمە باش اَی مك، منە اؤلۆمدۆ

ایکی شرطیم واردی هَن دییه م سیزه

اینامیم اوغروندا چؤکه رَم دیزه.

بیرینجی تَر-تمیز گئیینَم گرک

سیزدن قورتارماغا چیرپینیر اۆرك

سوْن دؤنه ائلیمین شانلی بایراغین

بیر آن، دار آیغیندا کؤکسۆمە تاخين

گئديم دار آیغینا اۆرك دؤیۆنسۆن

من تؤوبه ائیلَه ییم، جللاد سؤیۆنسۆن!

بيردە بير قيزيل گۆل سانجيم ياخاما

او‌نو ايتحاف ائدیم عزیز آناما.

بو سؤزۆ حاکیمه تئز یئتیردیلر

اوْنون ایسته یینه بوْیون اَیدیلر

گئییندی داماد تک پئنجک شالوارین

تاخدی سین- سینه، شانلی بایراغین

ویقارلا یوْللاندی دارین دیبینه

اَللرین اوزاتدی دارین ایپینه

اؤپه رَک دار ایپین بوْینونا سالدی

جللاد دا، حاکیم دَه بۆتۆن مات قالدی

دئدی؛ من اؤله رک دیری قالیرام

ائلیمین شرفین ساتین آلیرام

کؤکسۆمدە بايراغيم داردا اَسَرم

وارليغين دانانين كؤکۆن كَسَرم

بايراغيم اوْلاراق اَسَرم بو آن

سن ائی ظالیم جللاد، من اَسدیکجه یان.

بایراقلا ویقارلی او‌ْ دالغالاندی

گۆلۆشۆ سمايە بير آن جالاندی

گۆلۆش دوْداغيندا، يومدو گؤزلرین

قوْووشدو تاریخه، دئدی سؤزلرین

سن ائی گؤزل یوردوم، ائی آزربایجان

یئنیلمز بایراغین، جان سنه قوربان

«یاکاموْز» یازدیقجا، اۆرك داغلاردی

اؤلۆمدن( فريدون*) بئلە باج آلدی.

*فریدون ابراهیمی متولد۲۹ آبان ۱۲۹۷ هجری شمسی آستارا، شهادت اوّل خرداد ۱۳۲۶ هجری شمسی تبریز.

دادستان کُلّ حکومت ملی آزربایجان به ریاست مرحوم سیّد جعفر پيشه وری.

حبیب ساسانیان «یاکاموز»

تاریخ
2017.11.27 / 20:06
مولف
الشاد یاقوبلو
شرح لر
دیگر خبرلر

سئوگیلی اوچون زامان - جاویدان

۲۰ مینلیک قوشون خوجالینی آزاد ائدیب - مممدزاده

دوستلارا حدسیز اینانما، دوشمن لردن... - روبرت قرین

آشیق ووقارین زولفییه ایله ائفیره گئتمه‌یه‌ن سون دوئتی - ویدئو

اونو شاعر یازمیر، الله یازدیریر...شعر

موسکوادا بو باغا ماقومایئوین آدی وئریلدی

آنجاق دوز-چؤریی ایتیرمه، اوغلوم...شعر

اؤوریشته بئله بیشیریلیر - رئسئپت

آذربایجان فیلمی بین الخالق موکافات قازاندی

خودایا، بس بو مهببت‌سیز نئجه اؤمر ائیلر اینسانلار…شعر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla