Axar.az
یوخاری
21 اییول 2018


هر کسه شیرین اولار، اؤز یئری، اؤز داغلاری...بایاتیلار

آنا صحیفه کولت
12 Punto 14 Punto 16 Punto 18 Punto

کولت. آذ "وطن- غوربت" حاقیندا اولان بایاتیلارین بیر نئچه نومونه‌سینی سیزه تقدیم ائدیر.

یاغی گلدی یانیما،
سوسامیشدی قانیما،
دؤندوم غوربت ائللردن،
قوت گلدی جانیما.

کم باختی سؤنه‌ن غریب،
غوربت اؤلن غریب،
بختور گونه دوشدو،
وطنه دؤنه‌ن غریب.

سؤز قالدی ائل گلنه،
چیرماندی سئل گلنه،
گؤزل بیر باغ سالمیشام.
ائل گله گؤلگه‌لنه.

عزیزییه‌م دیله‌ن گز،
باغدا گوله دیله‌ن گز،
غوربتده خان اولونجا،
وطنینده دیله‌ن گز.

یول وئرمه یادا، تبریز،
ائل گئدر بادا، تبریز،
سنین حسرتینده‌یم،
جان سنه فدا، تبریز.

عزیزیم سنی، تبریز،
ائل سئور سنی، تبریز،
آل قوینونا عزیزله،
آنا تک منی، تبریز.

ککلییه‌م، فره‌م سنسیز،
دوشوبدور پره‌ن سنسیز،
یاد ائلده، یاد اؤلکه‌ده،
اینان، گولمورم سنسیز.

پاییز قیشدان ازلدی،
یارپاق تؤکه‌ن خزلدی،
وطن ویران دا اولسا،
او، جنت‌دن گؤزلدی.

عزیزیم کتان یاخشی،
کئیمه‌یه کتان یاخشی،
غوربت یئر جنت اولسا،
یئنه ده وطن یاخشی.

سو گلر آرخا، هارای!
تؤکولر چارخا، هارای!
ایگید غوربته دوشسه،
چاغیرار آرخا، هارای!

بئله‌دیمی غوربت ائل،
ایگید اوغول، غوربت ائل،
آدامی تئز قوجالدار،
غریب اؤلکه، غوربت ائل.

عزیزیم سؤزه قالدی،
بیر شیرین سؤزه قالدی.
یاد قووولدو داغلاردان،
ائل-اوبا بیزه قالدی.

یئتدی آرخا دولاندی،
سولار چارخا دولاندی،
دوشمن ائلین گوجوندن،
قورخا-قورخا دولاندی.

گزرم سوز داغلاری،
باغلاییب بوز داغلاری،
هر کسه شیرین اولار،
اؤز یئری، اؤز داغلاری.

تبریزیم، جان تبریزیم،
سنه قوربان تبریزیم،
دوشمنه بویون ایمه،
مرد اول، دایان، تبریزیم.

دون تیکسن آغی بیزدن،
بئلینین باغی بیزدن،
قویمایین یاد ائللینی،
آلماغا باغی بیزدن.

بوردا یولوم اولدو تن،
وارمی بو یولدان اؤتن،
بو دونیایا شیرین شئی،
بیر آنادیر، بیر وطن.

قولوندا وار قوتین،
آرزوم وار اولسون متین،
ائل یولوندا باش قویان،
قازانار ائل حؤرمتین.

دورنا سانیننان کئچر،
اؤتر، سانیننان کئچر،
ایگید وطن یولوندا،
اؤلر جانیننان کئچر.

تاریخ
2017.11.28 / 21:41
مولف
الشاد یاقوبلو
شرح لر
دیگر خبرلر

آذربایجان‌لی آکتیور هالیوودا دعوت اولوندو

ویسوتسکینین بیرینجی آروادی اؤلدو

او أل‌چاتماز بوداق‌لارداکی یارپاق‌لارین ماهنیسی کیمی...

یوخسول‌لوق گوندوزو «دوشونجه‌سیز» گئجه‌یه چاتدیرماق دیر...

گونش نه دانیشسا، اونو قار بیلَر...شعر

امیر تیمورون حیران قالدیغی آذربایجان‌لی کیم ایدی؟

یاتما بو یوللاردا، یولچو قارداشیم...شعر

میللتلشمکده دیل و دین

قان سال یارالی اؤلکه میزه، قان جالا بابک...شعر

دؤولت بایراقلارین‌دا نه اوچون بنؤوشیی رنگ یوخدور؟

خبر خطّی
 
Axar.az'da reklam Bağla
Reklam
Bize yazin Bağla