Axar.az
یوخاری
11 دکابر 2017


آذربایجان اینجه صنعتینین رمزی - بوتا

آنا صحیفه کولت
12 Punto 14 Punto 16 Punto 18 Punto

وارلیغین یاخشی‌سینا ساریلیب یامانیندان قاچار اولان اینسان یاخشیلیغی ایشیقلیقدا، دوشمن‌سیزلیکده، دینجلیک‌ده بیلرک او یاخشی‌لیغی یاشایشینین هر بیر یانینا، هر بیر آجیسینا داشیماغی دوشونوب.
دوشوندویو دوشونجه‌نیده ابدیلشدیریب نسیلدن-نسیله، سویدان-سویا داشیماق ایسته‌مه‌سی اونو موختلیف ایشلره، اساساً ال ایشلرینه یؤنلدیب.
«آیدینلیق بوتا دوغدو!»

یاخشی‌لیقلار دامغاسی اولان بوتا گؤرونوش باخیمیندان «بادام» فورماسیندادیر.

اینانجلار باخیمیندان «بوتا»

-بوتا تانرینین اینسانا باغیشلادیغی ان گؤزل خصوصیتلرین نیشانه‌سیدیر.
«تانریدان آلدیغین بوتا اولسون!»

-بوتا اینجه صنت دونیامیزین زیروه‌سیدیر. هاردا اینجه صنعت وار، اورادا بوتا بیرینجیدیر.
«بوتادا قیزیل ساخلایارلار»
«بوتا اینجه‌لیک ایستییر»
«بوتانی اینجه صنعتده گؤر»

-بوتا تورک ائللرینین هر بیرینین مدنیتینی اساساً آذربایجان مدنیتینین داشییجیسیدیر.
«آذربایجان خالچاسی بوتا ایله تانینار»
«بوتانین جانی موغاماتدیر»
«میللی گئییمین قؤنچه‌سینده بوتا، گولوده بوتادیر»

-بوتا قدیم تورک اینانجلارینین نیشانه‌سیدیر.
« بوتا ایشیق دامغاسیدیر»
«یاخشیلیقلار بوتادا آنیلار»
«آنامین شالی بوتاسیز اولمازدی!»

-بوتا دونیایا گلنینده،دونیادان گئدنینده یاخشیلیغا یؤنه‌لیک اولماسینا، مقدس ایستکله و آرزودور.

*گونو بو گونده یئنی دوغولان اوشاغی بوتاسی اولان چولقا ایله چولقاقلایارلار.
بؤیوک ننه ایلک نوه‌سینه بوتالی چولقا آلمالی‌دیر»

*دونیاسینی دییشه‌نین اوستونه بوتالی اؤرتوک چکییرلر!

بو ایش دونیادان کؤچه‌نین راحت کؤچه‌مه‌سی آرزوسو ایله یئرینه یئتیریلیر.

*یاس یئرینه گئدن هر بیر کس ائل آراسین‌دا سایغین ساییلان«آغ یاخا»هر بیر کس بوتالی گئییم گئیینرمیش.
«آغ یاخا بوتاسیز گؤرونمز»

-گونو بو گونده قاراداغین کندلرینده جومعه آخشامی قبیر اوستونه گئدن آنالار بوتالی شال اؤرتوب بوتالی جیللیقالارین ایینلرینه گئیینرلر.

«شالی بوتالیلار قبریمه سو تؤکسون!»

-یازیلی و شیفاهی ادبیاتیمیزدا بوتا سئوه‌نله سئویله‌نین آراسیندا اولان سئوگی باغیدیر!
«سئوگیمیز بوتا ایله آنیلسین»

*محبت ناغیللاریمیزدا سئچیلمیشلره یوخودا دده قورقودون یا یاشلی بیر قوجانین الی ایله بوتا وئریلیر.
«پیریم یوخوما گلیب منه بوتا هدییه ائتدی»

*میللی دوشونجه لر اوزریده یارانان ناغیللاردا «عشق شربتی» بوتادا وئریلیر.
«بوتادا وئریله‌ن ایچکی آدامین گؤزون آچار»
«بوتا ایچکیسی کؤنول قاپیسینین آچاریدیر»

- اوغلانا بلی سؤیلین قیز، اونا بوتالی دستمال تیکرمیش.
«سئودیمه بوتالی دستمال تیکدیره بیلسیدیم اؤلمزدیم»

-ایکی سئویب-سئویله‌نین آراسینا هردن بیر اغ ساققال یا بیر ائل آشیغی گیریب اونلارین اللرینی بیر-بیرینه وئره‌رک سؤیلیرمیش:
«سیزی بوتا ائتدیم»

قدیم زامانلاردا بوتا یاشاییشین بیر چوخ مقاملاریندا ایشلنرمیش! اصلینده بوتا نئچه چئشیدلیدیر. ائل آراسیندا اینجه صنعت اوستادلاری، اساساً خالچا نقاشلیغینین اوستادلاری دئیرلر.
«هر ایشین بیر بوتاسی»

بوتانین چئشیدلری

دونیا گؤرموش آتا-آنالارین بویوردوقلارینا اساسلاناراق بوتالار بونلاردیر

۱.»گیز» بوتالاری (رمز بوتالاری)
بو جور بوتالار بؤیوک اینسانلارین آراسیندا اولان اؤزل سؤزلرین داشیییجیسی اولوبلار!
خالچا نقاشلارینین دئدیکلرینه گؤره «گیز» بوتالاری بونلاردیر.
«یازیلی بوتا، له-له بوتا، کوسولو بوتا، جیققا بوتا، قووشقان بوتا»

۲. خالچا بوتالاری.
تبریز نقاشلارینین سؤیلدیکلرینه گؤره خالچا بوتالاری بونلاردیر.
«تبریز بوتا، گنجه بوتا، قاراداغ بوتا، شیروان بوتا، موغان بوتا، خیلا بوتا، ساراب بوتا»

۳. اوجاق بوتالاری و یا ائو بوتاسی.
«اود بوتا، بالا بوتا، بالالی بوتا، هومای بوتا، ائولی بوتا»

۴. ال ایشلری اوزرینده یاراشیق اوچون ایشلنن بوتالار.
«قوتازلی بوتا،یانار بوتا،چیچک‌لی بوتا،قیوریم بوتا»

«بوتا ثروتیمیزدیر، ثروتیمیز صاحبیندن اولماسین!»

رامین جبرائیلی

تاریخ
2017.12.04 / 12:30
مولف
الشاد یاقوبلو
شرح لر
دیگر خبرلر

رؤیا تورکییه‌ده نفوذلو موکافات آلدی - فوتو

تانینمیش آذربایجانلی آشیق وفات ائتدی - ویدئو

یئنه بیر قادین جسدی -حکایه

آوروویزییا غالیبینه اورک کؤچورولدو

باش‌دان پاپاق آلیب قاچان دونیادی...شعر

قودسو آزاد ائد‌ن، ۳ لیدری دیز چؤکدورن آذربایجانلی

یوخو فیلمی - ویدئو

آذر آیی – شاعر آیی

آنادان واز کئچمک اولارمی؟

نازینا چاتاندا فیرچادان ال چک...شعر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla