Axar.az
یوخاری
16 اییول 2018


ایلک شهید قادین ژورنالیست - سالاتین عسگرووا

آنا صحیفه کولت
12 Punto 14 Punto 16 Punto 18 Punto

بو گون آذربایجانین ایلک شهید قادین ژورنالیستی سالاتین عسگرووانین آنیم گونودور.

کولت. آذ خبر وئریر کی، سالاتین عسگرووا ۱۶ دکابر ۱۹۶۱-جی ایلده باکی شهرینده ضیالی عائله‌سینده آنادان اولوب. ۱۹۷۹-جو ایلده باکی شهرینده میکاییل موشفیق آدینا ۱۸ سایلی اورتا مکتبی اعلا قیمتلره باشا ووران سالاتین، همین ایل آذربایجان نفت و کیمیا اینستیتوتونا داخیل اولور.
۱۹۸۴-جو ایلده گوفیزیکا اختصاصی اوزره مهندیس دیپلومو آلان سالاتین عسگرووا ژورنالیستیکا ساحه‌سینه بؤیوک ماراق گؤستریر و نتیجه‌ده ۱۹۸۴-جو ایلده موقاویله ایله "باکی" قزئتین‌ده، ۴ ایل سونرا ایسه "مولودیوژ آذربایجانا" قزئتلرینه ایش دوزلیر.
اونون توخوندوغو اساس مسئله‌لر آذربایجان تورپاقلارینین بوتؤولویو ایله باغلی ایدی. او، تئز-تئز جبهه خطینه گئدیر، قاینار نقطه‌لردن اوپئراتیو ماتئریاللار حاضیرلایاردی.
او، ۱۹۹۱-جی ایلین یانوارین ۸-دن ۹-نا کئچه‌ن گئجه حربی فورما گئیینیب باکی‌دان شوشایا، ۵ ایل باتالیونا رهبرلیک ائتمیش و ۱۹۹۰-جی ایلین یازیندا قازاخین باغانیس آیریم کندینی ارمنیلرین هوجوملاریندان قوروموش باتالیون کوماندیری سیبیرلی پودپولکوونیک اولئق لاریونووون یانینا یولا دوشور. ارمنیلرین باشینا ۱۰ مین روبللوق موکافات قویودوغو لاریونوو هم ده قازاخدا سالاتین عسگرووانی اؤلومدن خلاص ائتمیش بیری ایدی.
۱۹۹۱-جی ایل یانوارین ۹-دا یئولاخ-لاچین یولونون ۱۴۱ کیلومترلیینده قالادره‌سی کندی یاخینلیغیندا پوسقودا دورموش ارمنی ترورچولاری، حربی ماشینی آتشه توتورلار. ارمنیلر حربی ماشینی هم آوتوماتدان، هم ده سنایپر توفنگیندن قاباقدان، آرخادان و سولدان گولللییر. حربی ماشینین سوروجوسو — سرژانت İ.قویئک، مایور ایگور ایوانوو حادثه یئرینده‌جه اؤلورلر.
پودپولکوونیک اولئق لاریونوو ایسه ارمنیلره آوتوماتدان آتش آچماغا ایمکان تاپیر. او، بئش گوله یاراسی آلماسینا باخمایاراق ماشیندان یئره دوشه بیلیر و یولو کئچیب ارمنیلرله سلاحینداکی پاترونلار قورتارانا قدر دؤیوشور. سوندا او یئره ییخیلیر و ارمنیلر اونا یاخینلاشیب یئرینده‌جه گولللییرلر. داها سونرا ارمنی سلاحلیلاری ماشینین قاپیسینی آچیب، یارالی سالاتین عسگرووانی دایانمادان گوللییب شهید ائدیرلر. سونرادان حادثه یئرینه گلنلر ماشیندا ۱۱۳ گیلیز تاپیرلار.
اؤلوموندن سونرا بین الخالق ژورنالیستلر اتفاقی کونفدراسییاسینین لاورئاتی آدینا لاییق گؤرولور. سالاتین عسگرووانین یاخینلیغیندا هلاک اولدوغو کنده سالاتینکند آدی وئریلیر. اونون باکیدا یاشادیغی بینایا دا خاطره‌سینی ابدیلشدیرمک اوچون لؤجه وورولور. باکی‌داکی کوچه‌لردن بیری، باکی بوختاسینداکی گزینتی گمیسی و قادینلار ایجتیمایی بیرلیینین تاسیس ائتدیی موکافات محض اونون آدینی داشیییر.

تاریخ
2018.01.09 / 15:02
مولف
الشاد یاقوبلو
شرح لر
دیگر خبرلر

میللی حرکات لیدرلری نارسیزم مفکوره‌سی دوچار اولسالار…

آذربایجان دیلین‌ده قدیم الیازمانین صورتی الده ائدیلدی

ناثریمیز روسییا یازیچیلار اتفاقینین عضوو اولدو - فوتو

ایران آذربایجانی بئله بیتیرمک ایستییر - ۲ مین ایللیک پلان

ائوین‌ده شیر ساخلایان مشهور باکی‌لی قادین وفات ائتدی - فوتو

بو اولایا درحال آدکوات جاواب وئریلمه‌لیدیر - خالق آرتیستی

«نسیمی» فیلمینین چکیلدیی قدیم مکانلار - ۴۵ ایل سونرا

افیرده دالاشان شوومن «آشیق»لار... – ویدئو

مشهور آکتیور آدام دؤیمک‌ده اتهام اولونور

اینجیرلیک روسییایا وئریله بیلرمی؟ - آچیقلاما

خبر خطّی
 
Axar.az'da reklam Bağla
Reklam
Bize yazin Bağla