Axar.az
یوخاری
23 اوکتیابر 2018


هیجران قورخوسویلا گؤینتمه منی...شعر

آنا صحیفه کولت
12 Punto 14 Punto 16 Punto 18 Punto

کولت. آذ موسی یعقوبون "اؤیرتمه اؤزونه، اؤیرتمه منی" شعرینی تقدیم ائدیر:

طالعین قیسمتی راست سالدی بیزی.
یولوموز هاراداسا قیریلاجاقسا،
ایتیرجییکسه، بیر-بیریمیزی،
خاطیرم یادیندا قالمایاجاق‌سا،
بو اللر منیمکی اولمایاجاقسا،
بو تلر منیمکی اولمایاجاقسا،
گل منی، اؤزونه اؤیرتمه منی،
هیجران قورخوسویلا گؤینتمه منی.

الیمی ساچیما اؤیرتمه بئله،
گؤزومو گؤزونه اؤیرتمه بئله،
اوزومو اوزونه اؤیرتمه بئله،

من بیر آز باهارلی بوداق کیمییه‌م،
بیر آز دا سادلؤوه اوشاق کیمییه‌م.
بالا آتاسینا قوووشان کیمی،
لیلک یوواسینا یوووشان کیمی،
آری گول-چیچیه اویوشان کیمی،
ائه، من ده آداما تز یوووشانام،
سئوگی آتشینده تئز آلیشانام.
اما کی، سؤنمییم چوخ چتین اولور،
سئوگیدن دؤنمییم چوخ چتین اولور،
اؤیرتمه اؤزونه، اؤیرتمه منی.

بلکه گؤزله‌میردیک بو خوش گؤروشو،
یامان قریبه‌دیر دونیانین ایشی؛
هئچ واخت یوللارین‌دا دایانمادیغین،
هئچ هندورین‌ده دولانمادیغین
گلیب بیردن سنه نه شیرین اولور!
عؤمرونون ایچینده عؤمور دوغولور.
بو شیرینیم آجی اولاجاق ایسه،
بیر قیسمت چیچییم سولاجاق ایسه،
اؤیرتمه اؤزونه، اؤیرتمه منی.
کؤنلومده یئرین وار، قوپماز یئریندن،
بیر اکیز لچیی، هاچا بوداغی
آییرماق اولمورسا بیری-بیریندن،
منی ده آییرماق چتیندیر، آخی
اؤیرتمه اؤزونه، اؤیرتمه منی.

یوخ بونا طاقتیم، یوخ بونا تابیم،
الیمی الین‌دن اوزمک عذابیم،
سونرا بو عذابا دؤزمک عذابیم…
یوخسا دا، کؤنلومون سینیقلاری وار-
هیجرانین کؤز باسمیش یانیقلاری وار
منیم دردلریمین آیاقلاری وار-
هاردا اولسا، گلیب تاپاجاق منی.
یانیب یاندیراجاق بو آلوو سنی
گل منی اؤزونه اؤیرتمه بئله،
الی‌می الینه اؤیرتمه بئله،
گؤزومو گؤزونه اؤیرتمه بئله…

تاریخ
2018.01.13 / 18:21
مولف
الشاد یاقوبلو
شرح لر
دیگر خبرلر

گؤرکملی بستکاریمیزین ۱۰۰ ایللیی آستانادا قئید اولوناجاق

میللی کیتابخانانین ایلک تریزلی باش‌چی‌سی

هادی باهادوری ایستادیون‌دا مشهور شعری اوخودو – ویدئو

خیابانینین تحقیرآمیز وضعیتده اولان مزاری – ویدئو

مشروطه اینقیلابینین گؤرکم‌لی رهبری-ستار خان

باکی‌دا تورک اولدوزلارینین ایشتیراکی ایله قالا گئجه‌سی

میلان-قدیم اینسان مسکنی-ایتالییادا دئییل تبریزده

ایبراهیم علیزاده آخار. آذ-دا ژورنالیستلری آلداتدی – ویدئو

سن، قارانلیق گئجه‌مین شمعی---میلاد عزیزی

ایمپرییا ایداره ائد‌ن آذربایجان‌لی آریستوتل - تاریخ

خبر خطّی
 
Axar.az'da reklam Bağla
Reklam
Bize yazin Bağla