Axar.az
یوخاری
23 آپرئل 2018


ایکی ایرانلی رژیسسورون فیلمی کان فستیوالیندا - سیاهی

آنا صحیفه کولت
12 Punto 14 Punto 16 Punto 18 Punto

۷۱-جی کان فستیوالینین تشکیلاتچیلاری اساس مسابیقه پروگرامین‌دا یاریشاجاق فیلملری آچیقلاییب.

کولت. آذ خبر وئریر کی، اساس مسابیقه پرورامینا ۱۸ فیلم داخیل ائدیلیب.

خبر وئریلدیی کیمی، فستیوال ایران رئژیسسورو عسگر فرهادینین «هامینین خبری وار» آدلانان پسیخولوژی تریللئری ایله آچیلاجاق. مشهور کینو اولدوزلاری خاویئر باردمین و پنلوپا کروزون چکیلدیی فیلمده آرگنتینالی عائله‌دن بحث ائدیر. اونلار بونوس-آیرسدن پنلوپانین پرسوناژینین وطنی اولان کیچیک ایسپان شهرینه یوللانیرلار. سفر بیر چوخ سیرلرین اوستونو آچان گؤزلنیلمز حادثه‌لرله مشایعت اولونور.
فستیوالین اساس پروگرامین‌دا ژان لیوک قودارین سایجا ۴۸-جی تاممئتراژلی فیل‌می اولان «شکیل‌لی کیتاب» ائکران اثری وار. کان فستیوالین‌دا ۸-جی دفعه ایشتیراک ائد‌ن رژیسورون بو فیلمینده خیالی عرب اؤلکه‌سینین شاهزاده‌سین‌دن بحث اولونور. نفت رسورلاری توکنمیش چاره‌سیز شاهزاده اینقیلاب تاماشاسی قوراشدیرماق قرارینا گلیر.

اساس موسابیقه پروگرامین‌دا روس رژیسسورو کیریل سربرننیکووون «یای» فیلمی ده یئر آلیب. فیلم مشهور «کینو» قروپونون یارادیجیسی ویکتور تسوی و «زووپارک» قروپونون لیدری مایک ناومنکو حاقیندا چکیلیب.
کان فستیوالینین دیرئکتورو فرمو مطبوعاتا آچیقلاماسیندا فیلمینی تقدیم ائتمک اوچون رژیسورو فستیوالا دعوت ائد‌جکلرینی سؤیله‌ییب. لاکین بونو نئجه حیاتا کئچیره‌جکلری هله ده قاران‌لیق قالیر. بئله کی، کیریل ل سربرئننیکوو بودجه وسایتلرینی منیمسه‌مک ایشی اوزره ائو حب‌سینده‌دیر.

اساس پروگرامدا داها بیر ایران رژیسسورو جعفر پناهینین اکران ایشی ده وار. بو، «اوچ سیما» آدلانان پسیخولوژی فیلمدیر. آرتیق بو ایکی رژیسسورون – کیریل سربرنیکوو و جعفر پناهی - فیلمینین سئچیلمه‌سینی سیاسی سئچیم سایان تنقیدچیلر ده وار.

اساس پروگرام‌دا نماییش اولوناجاق آمریکا رژیسورو ایسپایک لینین «قارا کلانچی» فیمی کو-کلوس-کلانا دوشه‌ن قارا دریلی پولیسدن بحث ائدیر.

فاووریتلر آراسیندا ایستفان بریزین اساس پروگرام‌دا یاریشاجاق «محاربه‌ده» فیلمی ده وار.
دئوید روبئرت میتچئلین «سیلوئر لئیک اوزرین‌ده» فیل‌می میلیاردئرین معمالی قتلینی آراشدیران سم آدلی گنجدن بحث ائدیر.

بون‌دان باشقا اساس پروگرام‌دا کریستوف اونورئنین «باغیشلا، ملک»، ریوسوکئ خاماقوتینین «آساکو ۱ و ۲»، یئوا هاسونون «گونش قیزی»، تسزیا چژانکئنین «کول رنگی ان تمیز آغدیر»، خیروکادزئ کورئدانین دوکان اوولاری»، ماتئو هارروننین «ایت دامی» پاوئل پاولیکووسکینین «سویوق محاربه»، آلیسا ریرواخرین «خوشبخت لازار»، شاوکئنین «یومددین»، نادین لاباکینین «کوپئرناوم» فیلملری وار.

مؤلف کینوسوندان باشقا بو ایل کانن فستیوالین‌دا کوتلوی کینو دا نوماییش اولوناجاق. «سولو. اولدوز محاربه‌لری: تاریخچه‌لر» فیلمی بو قبیلدندیر.

همچینین فستیوال‌دا ویم وندرسین یئنی فیلمی «فرانسیسک آتا. سؤز آدامی» خصوصی نوماییشی تشکیل اولوناجاق.

خاطیرلاداق کی، بو ایل فستیوالین ژوری صدرین‌ده آکتریسا کیت بلانشتت تمثیل اولوناجاق.»خصوصی باخیش» پروگرامین‌دا ایسه مونصیفلره بنیسیو دئل توررو رهبرلیک ائد‌جک.

«خصوصی باخیش» پروگرامیندا علی عباسینین «سرحد»، مریم بنبارکین «سوفییا»، لیوکا دونون «قیز»، آدیلخان اسسنبولاتووون «دونیانین یونگول لاقیدلیگی»، اولریک کؤلئرین «منیم اوتاغیمدا» فیلملری وار.

خاطیرلاداق کی، کانن فستیوالی مای آیینین ۸-اینده‌ن ۱۹-دک کئچیریلیر. اساس موکافاتی «قیزیل پالما بوداغی»دیر.

تاریخ
2018.04.13 / 13:27
مولف
آیتاج آراز
شرح لر
دیگر خبرلر

مشهور آکتیور وفات ائتدی

یئنی باش ناظریمیز «فرانسیز» فیلمینده - ویدئو

شاه عباسین محتشم تاکتیکاسی: اینگیلیس اوردوسونا قارشی... - ویدئو

اوردا آذربایجان تورپاغی واردیر...شعر

ساز توتوب، سؤز قوشوب یادا سال، منی...شعر

تورکلره حیرانلیغیندان "تورک مارشی"نی بسته‌له‌ین غربلی داهی - ویدئو

تورک فیلمینین سلطانی آغیر دورومدا

دونیا دردلریندن اینجیک دوشنده...شعیر

گونئی آذربایجانین فاجعه‌سی - گیزله‌دیلن تاریخ

تاتلیسسین ۱۵۰ مینه گلدیی تویون ناراضی‌لیق - ویدئوسو

خبر خطّی
 
Axar.az'da reklam Bağla
Reklam
Bize yazin Bağla