Axar.az
یوخاری
17 آوقوست 2018


بیر دیب اوتاق وار ایچیمده...-کیان خیاو

آنا صحیفه کولت
12 Punto 14 Punto 16 Punto 18 Punto

کولت. آذ گونی‌لی شاعر کیان خیاواین شعیرینی تقدیم ائدیر:

بیر دیب اوتاق وار ایچیمده
آیری-آیری خاطیرلارام
اوردا کئچن هر ساعاتی، هر آنی.

بیر دیب اوتاق وارایچیمده
پنجره‌سیندن باخارام ساوالان اتکلرینه؛
دؤرد بیر یانی کونجود، قارا توت، و اومود.

بیر دیب اوتاق وار ایچیمده
«ژان پول سارتر»ین «بؤیوک فاجیعه»سی قَدر ماجرالی.

بیر دیب اوتاق وار ایچیمده
بیر سینما فیلمی کیمی
هر پلانیندا کیتاب اوخویان من
و کامفا توخویان سن.

بیر دیب اوتاق وار ایچیمده
بوتون زامان، مکان، و اشیا دیشیندا.
وارلیقدان اؤنجه یارانمیش
دونیادان اسکی، سانکی.

بیر دیب اوتاق وار ایچیمده
گوندوزلری، گؤزل-گؤزل گولومسه‌مه‌لردن راحات
گئجه‌لری، آلوو-آلوو اؤپوشمه‌لردن ایشیق.
سانکی چو…خ اوزاقدا بیر فوتوغراف
دؤرد بوجاغیندا اوچان عشق
یئددی ایقلیمینده اوچان،
یئنه عشق.

بیر دیب اوتاق وارایچیمده
هردن ایچینده کوسوروک بیر-بیریمیزدن
سونرا تئزده باریشیریق
ایکیمیزدن بیریمیز بیر سلام دئیرکن.

بیر دیب اوتاق وارایچیمده
هر نه آراسام اوندا وار.
چونکو هئچ بیر شئی یوخ اوندا
بیر سن وارسان، بیرده من.

بیر دیب اوتاق وارایچیمده
بیلمم آنجاق، گؤزه‌لیم
بیلمم آنجاق نه بیچیمده!…

تاریخ
2018.05.16 / 15:59
مولف
الشاد یاقوبلو
شرح لر
دیگر خبرلر

بو تورک اویونونو یاشاتماق گؤزل‌دیر – میللت وکیلی

من اینسان اولماسایدیم...شعر

قبریمین اوستونده مرمر قالاجاق...شعر

یوْخا چیخمیش ائتیمولوژیک اؤزه‌للیک‌لر

مؤولود مؤولودا حصر ائدیلن قیسا فیلم - ویدئو

بیر جوت-لنمیش چکمه ‌سی وار بورادا...شعر

بویوک تورکیه و یئنی چاناققالا ساواشی

ایران‌دا موغننیمیزه شوک: آیاق آلتینا آتدیلار... - ویدئو

اوزو چيچك كيمى سولان آنالار...شعر

«سون نفس‌ده» فیلمینه باخماق ایسته‌یه‌نلرین دقتینه

خبر خطّی
 
Axar.az'da reklam Bağla
Reklam
Bize yazin Bağla