Axar.az
یوخاری
20 نویابر 2018


ایچیمیزده هر آن بیر فیرتینا قوپماقدادیر...- محمد رحمانی فرد

آنا صحیفه کولت
12 Punto 14 Punto 16 Punto 18 Punto

کولت. آذ گونی‌لی یازار و آراشدیریجی محمد رحمانی فرد ین یازیسینی تقدیم ائدیر:

آذربایجان ژورنالیستیکاسینین عین حالدا آذربایجان مودئرن نثرینین گؤرکملی اؤنجولو ساییلان جلیل محمد قولوزاده عؤمرونون سون چاغ‌لاریندا یاشاییش یولداشینا بیر مکتوب یازاراق، بیر نوع اونا دیل-آغیز ائتمه‌یه چالیشیر. یازینین عین سؤزلرینی اونوتموش اولسام دا، او یازیدا بئله سؤزلرین یازیلماسینی خاطیرلاییرام: "بیلیرم کی من سیزی چوخ اینجیتمیشم. بیلیرم کی سیزین ایسته‌دییینیز بیر حیاتی سیزین اوچون قورا بیلمه‌میشم. آما بیلیرسینیز می؟ اصلینده من درویش سایاغی بیر آدام ایدیم. من بو یاشاییش اوچون یارانمامیشدیم".

جلیل محمد قولواده‌نین بیر چوخ یازی‌لاری کیمی، بو یازیسی دا منه چوخ دوغما گلیر. سانکی، او بورادا منیم دیلیمجه دانیشمیش! یاییملانمیش بیتیک‌لریمین بیر-ایکیسینی خانیمیم‌لا قیزیمین آدینا سونموش اولدوغوما باخمایاراق، بئله ایش‌لرله اونلارا اولان بورجومو اؤده‌یه بیلمه‌دیییمه ده اینانیرام.

شهریارلا بیرلیکده اؤزگه‌لشمکدن اؤزلشمه‌یه دوغرو آدلی بیتیک-یمی یازدیغیمدا اونلار چوخ چتین‌لیک‌لر چکدیلر. ساعات‌لارجا اؤزومو بالاجا بیر اوتاقدا دوستاق ائده‌رک باشیمی اوخویوب یازماغا قاتاردیم. آنجاق، اؤزل‌لیک‌له یازی یازدیغیم زامان، اونلار تام سوسمالییدیلار. گئجه یئمه‌یینین چاغیندان ساعات‌لار کئچسه ایدی ده، منی یئمه‌یه چاغیرمامالییدیلار. چای ایچمک ایسته‌سه ایدیم ده، اؤزوم ایسته‌دیییم زامان اؤزومه چای سوزمه‌لی ایدیم. اونلار منه چای گتیرمه‌مه‌لیییدیلر.

وورغولادیغیم بیتیک-ین سایقی‌لاما بؤلومونده، جلیل محمد قولوزاده سایاغی، من ده اونلارا بئله دیل‌آغیز ائله‌میشم: "حیات یولداشیم صدیقه سرخوش‌لا سئوگیلی قیزیم آیسل چوخلو ایستک‌لریندن گؤز یوماراق بیر یازیچی‌نین عاییله‌سی اولدوغونا دؤزوب، منه بو آغیر ایشده دایاق دوردولار. منجه بیز یازیچی‌لارلا یاشاماق اَن چتین ایش‌لرین بیریسی‌دیر. بونلار ایسه بو چتین ایشی باشاردیلار."

بونا باخمایاراق، بونلارین ساده‌جه سؤز اولدوقلارینی یاخشی بیلیرم. یوخسا بیز یازیچی‌لار اوزاقدان نه قدر ماراقلاندیریجی نه قدر چکیجی گؤرونسک ده، یاخیندان ائله او قدر اینجیدیجی ائله او قدر دؤزولمز آدام‌لاریق. بیز اوزاقدان سس‌سیز-سمیرسیز گؤرونسک ده، ایچیمیزده هر آن بیر فیرتینا قوپماقدادیر...

اوستاد شهریارین لاپ یاخین یولداشی ساییلان بؤیوک نیک اندیش دئییر: " شهریار ایله یولداشلیق ائتمک او قدر چتین ایدی کی،سانکی، آغ شالوار گئیمیش بیرi یوک ماشینینین آلتینا گیریب آغ شالوارینی لکه‌له‌مه‌دن ماشینین یاغینی ده‌ییشملی‌دیر.

یاشاسین آدلاری هئچ یئرده یازیلمایان آما یازیچی‌لاریمیزا، شاعیرلریمیزه، صنعت آدام‌لاریمیزا دایاق دوران دؤزوملو عاییله‌لر.

تاریخ
2018.06.12 / 14:43
مولف
الشاد یاقوبلو
شرح لر
دیگر خبرلر

اوزئییر حاجیبیلینین خاطره‌سی یاد اولوناجاق

میلیونلارین سئوگی‌سینی قازانمیش افسانوی خواننده-- ویدئو

گونئی‌لی فوتبول‌چولار «قاراباغ»ی خورلا اوخودو - ویدئو

نووروز نووروزلو وفات ائتدی- ویدئو

موسکوادا نسیمینین بوستو آچیلدی - فوتو

عیسی موغاننانین ۹۰ ایللیی قید ائدیله‌جک

مرحوم ناظرین نوه‌سیندن محتشم پئرفورمانس – ویدئو

خرم سلطانین نوه‌سی پاریسده تاپیلدی - فوتو

پیکاسونون اوغورلانمیش رسم اثری تاپیلدی - فوتو

نوبلی سون آندا ایتیرن آذربایجان‌لی: دونیانین ۱۲-جی داهیسی...

خبر خطّی
 
Axar.az'da reklam Bağla
Reklam
Bize yazin Bağla