Axar.az
یوخاری
21 اوکتیابر 2018


حسن دمیرچی باکی‌دا بئله آنیلدی - فوتو

آنا صحیفه کولت
12 Punto 14 Punto 16 Punto 18 Punto

باکی‌دا آذربایجاندا یاشایان گونئیلی مهاجیرلرین تشببوسو و تشکیلاتچی‌لیغی ایله تانینمیش موسیقی‌چی، اجتماعی خادیم حسن دمیرچینین آنیم مراسی‌می کئچیریلیب.

کولت. آذ خبر وئریر کی، بین الخالق مطبوعات مرکزینده باش توتان تدبیری دونیا آذربایجانلیلاری کنگرسینین (داک) گونئی آذربایجان نومایندلیینین رهبری بابک موغانلی آچیب. حسن دمیرچینین حیات و یارادیجیلیغی باره‌ده معلومات وئرن ناطیق بیلدیریب کی، دمیرچی گونئی آذربایجان تورکلرینین میللی حاقلارینین تعمین اولونماسی اوغروندا همیشه مدنی و سیویل فورمادا موباریزه آپاریب.

تدبیرده چیخیش ائد‌ن وطنداش همرای‌لیگی پارتییاسینین صدری، خالق شاعری صابیر روستمخانلی حسن دمیرچینین اؤلومونون آرازین هر ایکی تایینداکی آذربایجانلیلار اوچون بؤیوک ایتکی اولدوغونو بیلدیریب:

«گونئی آذربایجانین سسی، بؤیوک ضیالی‌سی اولان حسن بی میللی فعالیتی، یاراتدیغی اثرلری ایله دایما یاشایاجاق. او، گونئی آذربایجانین میللی حاقلاری، آنا دیلی طلبینه گؤره دفعه‌لرله زیندان حیاتی یاشاییب، ائو حبسین‌ده اولوب، تعقیب و تزیقلره معروض قالیب. یولوندان و عقیده‌سیندن دؤنمه‌ییب».

تدبیرده همچینین آمئا-نین امکداشلاری - پروفسور بایرام صمدزاده، یاسمن قاراقویونلو، گونی آذربایجان کنگرئ‌سینین (گاک) صدری عبدالله امیر هاشمی جوانشیر، گونیلی یازی‌چی سایمان آروز، «بورچالی» جمعیتینین ایداره هئیتینین عضوو روفعت مورادلی چیخیش ائد‌رک مرهوم اوستادلا باغلی خاطرلرینی بؤلوشوبلر.

سوندا حسن دمیرچی ایله باغلی حاضیرلانمیش فیلم نوماییش ائتدیریلیب.

قید ائدک کی، دمیرچی (حسن آذربایجان) ۱۹۴۱-جی ایلده تبریزده آنادان اولوب. او، شاعر، یازیچی و موسیقی اوستادی کیمی بوتون عؤمرونو وطنی آذربایجان، اونون موسیقی‌سی و اجتماعی-سیاسی مسئله‌لرینه حصر ائدیب. آذربایجان خالقی بو خیدمتلرینه گؤره اونا «حسن آذربایجان» لقبی وئریب. آذربایجانین کلاسسیک و موغام موسیقیسی اوزره ان تانینمیش اینجه صنعت خادیملریندن بیری اولوب. او، آذربایجان موغامی باره‌ده بیر نئچه، او جمله‌دن «موغام: اؤیرنجیلر اوچون» کیتابین مؤلفی‌دیر.

دمیرچی بو ایل ایونون ۲۴-ده تبریزین «عالی نصب» خسته خاناسیندا وفات ائدیب.

تاریخ
2018.06.28 / 20:44
مولف
الشاد یاقوبلو
شرح لر
دیگر خبرلر

هادی باهادوری ایستادیون‌دا مشهور شعری اوخودو – ویدئو

خیابانینین تحقیرآمیز وضعیتده اولان مزاری – ویدئو

مشروطه اینقیلابینین گؤرکم‌لی رهبری-ستار خان

باکی‌دا تورک اولدوزلارینین ایشتیراکی ایله قالا گئجه‌سی

میلان-قدیم اینسان مسکنی-ایتالییادا دئییل تبریزده

ایبراهیم علیزاده آخار. آذ-دا ژورنالیستلری آلداتدی – ویدئو

سن، قارانلیق گئجه‌مین شمعی---میلاد عزیزی

ایمپرییا ایداره ائد‌ن آذربایجان‌لی آریستوتل - تاریخ

بو گون آذربایجانین دؤولت موستقیل‌لیگی گونودور.

آرگنتینادا تدبیر: «ساری گلین» سسلندیریلدی - فوتو

خبر خطّی
 
Axar.az'da reklam Bağla
Reklam
Bize yazin Bağla