Axar.az
یوخاری
17 اییول 2018


ایران آذربایجانی بئله بیتیرمک ایستییر - ۲ مین ایللیک پلان

آنا صحیفه کولت
12 Punto 14 Punto 16 Punto 18 Punto

کولت. آز گونئی‌لی یازار حسن کریمزادنین «آذربایجانین یئنی‌لمه پسیخولوگییاسینین ایستیثمارچی‌سی» آدلی یازی‌سینی تقدیم ائدیر:

آذربایجانلا ایران تورانین بیر پارچاسیدیر. هر بیر آذربایجان تورکو نه واخت آذربایجانین قورتولوشو آدی ایله آیاغا قالخسا، کیچیک ظفریندن سونرا یئنیلیب.

آذربایجان تورکو تورک، تورکوستان، توران کیمی تاریخی آدلارا دایاناراق، مین ایللیک تورک دونیاسینین انرژیسیندن یارارلانیب، آزادلیق و اؤزگورلویه دوغرو گئتمک ایستییب. ۱۰، ۱۰۰ ایل اولسا بئله، آزاد یاشاییب، میللی حاکمیتینی قوروب و دؤولتچیلیک عنعنه‌لرینه ییلنیب.

بیرینجی بؤلوم

خرمیلر – جاویدانلا باشلایان حرکات بابکین دؤورونده داها دا گوجلندی و بیر چوخ ساواشدا اوغور قازانیلدی. آنجاق بابکین اؤلومو ایله حرکات یاتیریلدی.

مشروطه اینقیلابی - ستار خانین اؤلوموندن سونرا مشروطه اینقیلابی پهلوی حاکمیتینین واسطه‌سیله سوقوط ائتدی.

شیخ محمد خیابانی ۱۹۱۸-جی ایلده آزادیستانی یاراتدی. آنجاق ایران آذربایجانا سوخولدو و خیابانی بو ایشینی تماملایا بیلمدی.

۱۹۱۸-جی ایلده محمد امین رسولزادنین رهبرلیگی ایله آذربایجان جمهوریتی قورولدو. اما بو دؤولتین ده عؤمرو ایکی ایل اولدو.

۱۹۴۵-جی ایلده سید جعفر پیشورینین قوردوغو آذربایجان دموکراتیک فیرقه‌سی ۱ ایل بئش گون سونرا شاه حکومتی طرفیندن مغلوب ائدیلدی.

۱۹۹۱-جی ایلده آذربایجان رسپوبلیکاسی موستقیللیینی اعلان ائتدی. یئنیجه ایستیقلالینا قوووشموش آذربایجان تاتاریستان و چچنیستانلا عینی عاقیبتی یاشاماقلا اوز-اوزه ایدی. آنجاق ائلچیبیین بؤیوک دوشونجه‌سی ایله ایشلر حیدر علیئو جنابلارینا تحویل وئریلدی.

ایکینجی بؤلوم

جاوانشیرین رهبرلیگی دؤورونده داها چوخ شؤهرت قازانمیش گیردیمان دؤولتی – ۲۰۰ ایلده‌ن چوخ ایستیقلال.

غزنویلر دؤولتینین اینکیشافی سبوک تکینین سایه‌سین‌ده گئرچکلشیب – ۲۲۳ ایل ایستیقلال.

توغرولون حاکمیتی دؤورونده داها دا قوتلنن سلجوق ایمپرییاسی – ۱۵۰ ایل ایستیقلال.

خوارزم شاهلار – ۱۳۴ ایل ایستیقلال.

هولاکو خانین اساسینی قویدوغو الخانیلر دؤولتی – ۹۷ ایل ایستیقلال.

امیر تیمورون بو گون ده دیللردن دوشمه‌ین قودرتلی تیموریلر ایمپراتورلوغو – ۱۳۱ ایل ایستیقلال.

قارا یوسیفین دؤورونده بؤیوک بیر ایمپرییایا چئوریلن قاراقویونلو دؤولتی – ۵۹ ایل ایستیقلال.

اوزون حسنین اساسینی قویدوغو آغقویونلو ایمپئرییاسی – ۳۲ ایل ایستیقلال.

هله ۱۳ یاشیندا ایکن شاه ایسماییلین یاراتدیغی صفویلر دؤولتی آذربایجانین تاریخینده اؤنملی یئری اولان دؤولتلرین سیاهی‌سیندا ایلک سیرالاردا دورور – ۲۳۵ ایل ایستیقلال.

صفویلر دؤولتینین سوقوطو ایله نادیر شاه افشارین اساسینی قویدوغو افشارلار – ۶۰ ایل ایستیقلال.

قاجارلار دؤولتی ایران مئییللی اولسا دا، اونون یارادیجیسی آغا محمد شاه قاجار تورک اصیللی ایدی – ۱۲۰ ایل ایستیقلال.

آذربایجان رسپوبلیکاسی – حیدر علیئوین اؤندرلیگی ایله آز مدتدیر کی، یئنی‌دن ایستیقلالیتینی قازانیب. رسپوبلیکا بؤیوک بیر قارما-قاریشیق زامان کسیینده، قاریشیقلیغین بوتون اؤلکه‌نی ساردیغی بیر دؤنمده یاراندی. حیدر علیئو ابولفض ائلچیبیین چاغیریشی ایله باکییا گلدی و بوگونکو آذربایجانین وار اولماسینا زمین یاراتدی.

کئشمکئشلی تاریخ کئچن آذربایجانین بو ایستیقلالی دیلییریک کی، ابدی اولار اینشاللاه!

۱. اتک یازی

«بیر اؤلکه، ایکی بوز قورد» سؤزونو تورکییه‌ده دئییرلر. بو سؤز انور پاشا ایله آتاتورکه ایشاردیر. ایکی‌سی ده تورکیه اوچون دؤیوشدولر، اما انور پاشا ساریقامیش ساواشین‌دا یئنیلدی. آتاتورک ایسه تورکیه نین آزادلیق دؤیوشلرین‌ده دوشمه‌نی مغلوبیته اوغراتدی و اؤلکه‌نی دیرچلتدی. تورکیهده انور پاشایا سایغی گؤستررک، اوشاقلارینا آتاتورکدن، سلطان محممد فاتحدن، هابئله، ارتوغرول‌دان داستان دئییرلر. اؤزلرینی آتاتورکون ظفر پسیخولوگییاسی ایله اینکیشاف ائتدیریرلر.

۲. اتک یازی:

آذربایجانین میللی حرکاتین‌دا اؤندر اولموش شخصلرین حیات یولو هامییا بللیدیر. کئچه‌ن ۱۰۰ ایلده پهلویلر آزی ۱۰۰۰ ایل یاشی اولان بیزلره قارشی بیر چوخ ایش گؤروب. بس بیز نئجه ساغ قالمیشیق، آسسیمیلیاسییا اولمامیشیق؟

آچیغینی دئسک، اگر بیز بو گون فارس آسسیمیلیاسییاسین‌دان ساغ چیخمیشیق‌سا، بو، کئچمیش‌ده‌کی تورک ایمپئرییالارینین تاریخ‌ده‌کی معنوی میراثی سایه‌سینده‌دیر. بونا گؤره ده ساواشا کئچمزدن اول یئنیلمک، ائنمک پسیخولوگییاسینی بیزلره اؤیردیبلر. بو سبب‌دن ده ۳۰ میلیون ایران تورکو مکتب‌ده ۲ تورکونون اؤیردیلمسینه ظفر گؤزو ایله باخیر. «حیران گدیی»نه ایمضا توپلاییریق، هابئله، بیر-بیریمیزی آشاغیلادیقدان سونرا سئوینیریک! بیزیم گئرچک دوروموموز بودور، وارلیغیمیز بئلدیر!

۳. اتک یازی

فارسلار یازی و کیتاب زامانین‌دان دؤولتسل تاریخلری اولمادیغی اوچون اؤزلرینه ۲-جی کیر آدلی تاریخ یاراشدیریبلار. هابئله، باشقالارینی ۲۵۰۰ ایل اؤنجه ایمپئرییالارینین وار اولدوغونا ایناندیریبلار. تأسف کی، هئچ بیر ایران تورکو «قاراقویون‌لو شاهنشاه»اینا گووәنمیر. نومونه اولاراق دئملیم کی، ایران‌دا بوتون تاریخی اثرلر تورکلرین معمارلیغی ایله باغلی‌دیر! اما افسوس کی، بونلاری گؤرمدن ۲-جی کوروشا گوونیرلر!

تاریخ
2018.07.12 / 14:43
مولف
آیتاج آراز
شرح لر
دیگر خبرلر

دؤولت بایراقلارین‌دا نه اوچون بنؤوشیی رنگ یوخدور؟

میللی حرکات لیدرلری نارسیزم مفکوره‌سی دوچار اولسالار…

آذربایجان دیلین‌ده قدیم الیازمانین صورتی الده ائدیلدی

ناثریمیز روسییا یازیچیلار اتفاقینین عضوو اولدو - فوتو

ائوین‌ده شیر ساخلایان مشهور باکی‌لی قادین وفات ائتدی - فوتو

بو اولایا درحال آدکوات جاواب وئریلمه‌لیدیر - خالق آرتیستی

«نسیمی» فیلمینین چکیلدیی قدیم مکانلار - ۴۵ ایل سونرا

افیرده دالاشان شوومن «آشیق»لار... – ویدئو

مشهور آکتیور آدام دؤیمک‌ده اتهام اولونور

اینجیرلیک روسییایا وئریله بیلرمی؟ - آچیقلاما

خبر خطّی
 
Axar.az'da reklam Bağla
Reklam
Bize yazin Bağla