Axar.az
یوخاری
16 دکابر 2018


گؤرمه پروبلمی ایله اوزلشن مشهور رساملار...

آنا صحیفه کولت
12 Punto 14 Punto 16 Punto 18 Punto

دونیا تصویری اینجه صنعتین‌ده یئنی جیغیرلار آچان بعضی مشهور رساملار گؤرمه پوزغونلوغو ایله اوزلشیب. مثلاً، وینسنت وان گوگون کؤلگه‌لی ایشیقلاری، پابلو پیکاسونون ایری سیمالاری، کلود مونئنین دومانلی تابلولاری اونلارین گؤزلرینده‌کی خسته‌لیکلرله علاقلندیریلیر.

کولت. آذ خبر وئریر کی، آمریکالی اوفتالمولوقلارین سون دؤورلرده آپاردیقلاری آراشدیرمالار بونو دئمه‌یه اساس وئریر.

کلود مون و وان گوگ کاتاراکتادان، پابلو پیکاسسو ایسه میقرندن اذیت چکیب. کاتاراکتا خسته‌لیگی عادتا گؤرمه قابیلیتینی یا کسکین آزالدیر، یا دا بولانیق افکت یارادیر. کلود مون ساغلیغیندا رنگلری آییرماقدا چتینلیک چکدییندن و رسملرین گئت-گئده داها قارانلیق اولدوغوندان گیلیلنیرمیش. حتی رنگلری آیدین گؤرمدیی اوچون اونلاردان قوتولارین اوزرینه یازیلمیش آدلارا اویغون ایستیفاده ائدیرمیش. اون ایل کاتاراکتادان اذیت چکن رسام، نهایت کی، ۱۹۲۳-جو ایلده گؤز عملیاتی کئچیریب. بوندان سونرا اونون تابلولاری یئنه اوولکی رسملره بنزه‌مه‌یه باشلاییب.

وان گوگون بعضی تابلولارینی دقتله نظردن کئچیردیک‌ده گئتدیکجه ماوی رنگین آزالماسی و ساری رنگین چوخالماسی موشاهی‌ده اولونور. ایشیق نقطه‌لرینین اطرافی ایسه قریبه دالغاواری خطلرله احاطه‌لنیر. بو جور گؤرمه حاللاری یاشلا اعلاقدار یارانان کاتاراکتا خسته‌لرینده ده وار.

ماراقلی مقاملاردان بیری ده پیکاسسو ایله باغلیدیر. میقرن‌دن اذیت چکن رسام خستلیین توتماسی زامانی گؤرمه آنورماللیقلارینین آرتماسیندان اذیت چکیرمیش. هلندییالی متخصص مایکل فراری پیکاسونون قادینلارین اوزونو خیالی کسیکلر، آخان و سوروشن فورمادا تصویر ائتمه‌سینی محض میقرنین علامتی کیمی دیرلندیریر. مشهور رسامین باشقا اثرلری ایله میقرن زامانی چکدیی رسم نومونه‌لرینی موقاییسه ائدرکن بیر چوخ اوخشارلیقلار اونون بو قناعتینی تصدیقله‌ییب.

بئله‌لیکله، گؤرمه قصورلاری پیکاسسو، وان گوگ و مونئیه نینکی مانع اولوب، عکسینه اونلارین یارادیجیلیغینا هم ده فرقلیلیک گتیریب.

تاریخ
2018.10.12 / 09:39
مولف
Axar.az
شرح لر
دیگر خبرلر

"شهریار" شعیر و مدنیت درنه‌یی‌نین نؤوبتی ییغینجاغی - ویدئو

۸۰-جی ایلین یئنی ایل تبریکی: جلیلووادان نوستالژی – ویدئو

قازان خانین زیارت ائتدیی آذربایجان شیخی

تبریز مینیاتور مکتبی

پرزیدنتلرین یئمک سیرلری

دونیادا ایلک اونلوغا دوشن، نوبل آلان آذربایجانلی قادین

بوتون تورک دونیاسینین هیمنی -چیرپینیردی قارا دنیز

خوراسان تورکلری لهجه‌سینین ایضاحلی لوغتی نشر ائدیل‌دی

مشهور جازمن وفات ائتدی

شرفینه رشیدییه آدلاندیریلان آذربایجان‌لی فنومن

خبر خطّی
 
Axar.az'da reklam Bağla
Reklam
Bize yazin Bağla