Axar.az
یوخاری
15 دکابر 2018


نیشان اوزویونون تاریخجه‌سی

آنا صحیفه کولت
12 Punto 14 Punto 16 Punto 18 Punto

نیشان اوزویو ساده‌جه بیر بزک اشیاسی دئییل. نیشان – حیاتین ان اونودولماز آنلارین‌دان بیری‌دیر، بو آنی داها دا تأثیرلی ائد‌ن نیشان اوزوکلری‌دیر، خصوصاً ده تک قاش اوزوکلردیر…

Axar.az ماراق‌لی فاکتلار سیل‌سیله‌سین‌دن نیشان اوزویونون تاریخچه‌سین تقدیم ائدیر:

سارای قادینلارینین اونولونماز زینت اشیالارین‌دان بیری ده دیرلی قاشلار اولوب

زینت اشیاسی دئدیک‌ده ایلک اولاراق آغلا بریللیانت گلیر. رنگ‌لیلر ایسه بریللیانت قاشلارلا سینتئز ائدیلیر. کئچمیش‌ده ایسه هر جور دیرلی قاش زینت اشیالارین‌دا ایستیفاده ائدیلیردی، اونلارین اویغونلوغون‌دان چوخ بوللوغونا فیکیر وئریلیردی. مثلاً عثمانلی سارایلارین‌دا زینت اشیالاری دبده ایدی.

لعل-جواهرات عثمانلی سارایلارین‌دا تکجه بزک اشیاسی دئییل، سوسیال ایستاتوسو دا گؤستره‌ن فرق‌لی معنالاری اولان نسنه‌لردیر. توپقاپی سارایین‌دا احتیشامی ایله گؤز قاماشدیران زینت اشیالاری، اونلارین صاحبه‌لری حاقین‌دا گئنیش معلومات وئریر. خصوصاً ده ۱۶-جی عصردن سونرا لعل-جواهراتلار ایستر دؤولت آداملارینین، ایسترسه ده قادین گئییملرینین اوز اولونماز آتریبوتونا چئوریلیر.

لعل-جواهیرات پادشاهلارین قودرتینی گؤسترردی
پادشاهلارین تاخدیغی لعل-جواهیراتلار اونون اهمیتینی یانسی‌داجاق شکیل‌ده سئچیلیردی. گون‌ده‌لیک ایستیفاده‌ده ایسه حتی داش-قاشلا بزدیلمیش آیاققابیلارا دا راست گلمک اولاردی. بون‌دان باشقا پادشاهلار آراسین‌دا بروش، نیشان، یاتوق و زومرود قاشلی اوزوک تاخماق عنعنه‌سی ده وار ایدی. تاخت و آسقیلار ایسه حکمدارلیق علامتی ایدی. آسقیلاردا داها چوخ زومرود قاشلارا یئر وئریلیردی. تاختلار قیزیل، آلماز، یاقوت، زومرودله ایشلنردی.

سلطان دا تک قاش اوزوک تاخاردی
سارای دئدیکده طبیعی کی، دبدبه‌لی تویلاری سؤیله‌مه‌دن کئچمک اولماز. ایندی قیر-قیزیلی اوغلان طرفی آلمالیدیرسا، اوللر قیزلار قیمتلی قاشلاری جئهیز کیمی آپارارمیشلار. لعل-جواهراتلار سلطان قیزلارینین جئهیزینده اؤنملی یئر توتاردی.

ائولنرکن بیر پادشاه قیزینا بیر آلماز کلون، آلماز بیلرزیک، بیر دست زومرود قاشلی سیرغا هدییه ائدیلر، بیر ده داش-قاشلا بزدیلمیش آیاققابی گئییندیریلردی. سلطان ۲-جی محمودون قیزی مهرماه سلطان ائوله‌نه‌نده جهیزینده باهالی و قیمتلی داش-قاشلا دولو قوتولار اولوبموش. سلطان عبدولمجیدین قیزی مونیره سلطان ائوله‌نه‌نده جهیزین‌ده‌کی چوخ دیرلی تک قاش بریللیانت اوزوک و سالخیم فورمالی زومرود قاش‌لی سیرغاسی دقت چکمیشدی.

فرقلی قاشلار بیرلیکده سارای قادینلارینی داش-قاش‌سیز تصور ائده بیلمریک. عثمانلی قادینلاری دیرلی قاشلاری بیرلیک‌ده ایستیفاده ائتمیی خوشلاییب: آلماز، زومرود، یاقوت، فیروزه، میرواری، ساپفیر و.س...

۱۹-جو عصردن باشلایاراق قادینلار بریللیانتا ماراق گؤستریرلر. تک قاش بریللیانتلار، آلماز تاجلار دا او دؤورون نادیر اینجیلریندندیر.

داش-قاشلار بیر چوخ سارای اشیالارینی بزه‌ییب. قوران کیتابینین ساخانیلدیغی قوتو، یاستیق قیلیفلاری، داراق، کیسه، پول قابی، جیب ساعتی، سوراهی، قاشیق، فینجان، لامپا، چتیر و باشقا اشیالار باهالی قاشلارلا بزدیلیب.

تاریخ
2018.12.07 / 18:31
مولف
آینورا مممدووا
شرح لر
دیگر خبرلر

قازان خانین زیارت ائتدیی آذربایجان شئیخی

تبریز مینیاتور مکتبی

پرزیدنتلرین یئمک سیرلری

دونیادا ایلک اونلوغا دوشن، نوبل آلان آذربایجانلی قادین

بوتون تورک دونیاسینین هیمنی -چیرپینیردی قارا دنیز

خوراسان تورکلری لهجه‌سینین ایضاحلی لوغتی نشر ائدیل‌دی

مشهور جازمن وفات ائتدی

شرفینه رشیدییه آدلاندیریلان آذربایجان‌لی فنومن

آذربایجان‌لی مشهورلار آمریکادا فیلمه چکیلدی - ویدئو

علی زامانلینین «دیریلیش ارتوغرول»داکی یئنی ایفاسی - ویدئو

خبر خطّی
 
Axar.az'da reklam Bağla
Reklam
Bize yazin Bağla