Axar.az
یوخاری
20 اوکتیابر 2017


یاخین شرق‌ده ایران-تورکییه توققوشماسی

آنا صحیفه پلانت
12 Punto 14 Punto 16 Punto 18 Punto

ایرانلا تورکییه قارشی‌دورما حدینه چاتسا، بو، یاخین شرقین گلجیین‌دن اؤترو چوخ تهلوکه‌لی اولار.

آخار. آز خبر وئریر کی، بو باره‌ده «نیو یورک تایمز» قزئتین‌ده درج اولونان آنالیزده قئید اولونوب.

مقاله‌ده ایرانلا تورکییه آراسیندا ضدیتلرین آرتماسی و بو تهلوکه‌لی دورومو یاراداجاغی فسادلار قئید اولونوب:

«ایرانلا تورکییه آراسین‌دا بوگونکو قارشی‌دورما اونلارین اجدادلارینین – بیزانس و فارس ایمپئرییالارینین مئسوپوتامییا، یعنی ایندیکی عیراقلا سورییا اوغروندا موباریزه‌سینین تکراری‌دیر. قورولوشونو دییشمیش ایکی اؤلکه ۲۰۰ ایلدیر قورویوب ساخلادیغی صولحو ایندی پوزماق اوزره‌دیر. هر ایکی‌سی سورییا و عیراق‌داکی سوننیلرله شیعه‌لرین موناقیشه‌سینه قوشولوب و سون ایللرده الده ائتدیکلری اقتصادی امکداشلیغین اوستون‌دن خط چکمه‌یه حازیرمیش کیمی گؤرونورلر.

ایرانلا تورکییه قارشی‌دورما حدینه چاتسا، بو، یاخین شرقین گلجیین‌دن اؤترو چوخ تهلوکلی اولار. حادثه‌لرین ایندیکی اینکیشافی داها چوخ قان تؤکولمه‌سینه، ثابیتلیگین بیر آز دا پوزولماسینا، احتیاط‌سیزلیق ائدیلرسه، حتی بیرباشا حربی قارشی‌دورمایا سبب اولا بیلر».

آنالیزده تورکییه و ایرانین سورییادا فعاللاشماسینین سببلری گؤستریلیب. ایکی اؤلکه‌نین بورادا عمومی دوشمنی و ماراقلاری اولسا دا، نه آنکارا، نه ده تهران امکداشلیغا تلسیر:

«تورکییه عیراق و سورییادا بیر نئچه سبب‌دن فعاللیق گؤستریر. بیر طرف‌دن ایرانین اؤز تاریخی نفوذ دایره‌سینه موداخیله‌سینی آرتیرماق جهدلرینه جاواب وئرمه‌یه چالیشیر، دیگر طرف‌دن پ کا کا-نین گوجله‌نمه‌سینین قارشی‌سینی آلیر.

نتیجه‌ده سورییادا تورکییه‌نین آرخا دوردوغو قیام‌چیلار جنوبا ایر‌لیله‌ییب، تورکییه ایله سرحد یاخینلیغین‌دا کؤک سالمیش ایشیدی (داعشی) قووا بیلیبلر. ایندی قیام‌چیلار ال بابین آستاناسیندادیرلار. محض بو شهر ایران و تورکییه‌نین، همچینین آمئریکا بیرلشمیش شتاتلارین یاردیم ائتدیی قوه‌لرین توققوشما نقطه‌سینه چئوریلیب. رسمیلر نویابرین ۲۴-ده ال باب یاخینلیغین‌داکی عملیاتلاردا تورک عسگرلرینی ایران درونلارینین ووردوغونو ادعا ائدیرلر.

ایرانلا تورکییه آراسین‌دا قارشی‌لیقلی اعتیماد قورخولو شکیل‌ده آزالماق‌دادیر. تورکییه ایرانی رئگیون‌داکی شیعه یاراق‌لیلارینی سلاحلان‌دیراراق سوننیلرین اوستونه گؤندرمک‌ده، تئهران ایسه تورکییه‌نی عثمانلی دؤورون‌ده‌کی نفوذونو برپا ائتمک جهدین‌ده و سورییاداکی جیهادچیلارا یاردیم ائتمک‌ده گوناهاندیریر.

حال بوکی هر طرف قارشیسینداکینی گوناهلاندیردیغی طرزده حرکت ائدیر: حربی قوه‌لرینی سرحدلرین‌دن او طرفه گؤندریر، یاراقلیلارا یاردیم ائدیر، سورییا و عیراق‌داکی چاخناشمالاردان قالان خارابالیقلارا نظارتی اله کئچیرمه‌یه چالیشیرلار.

هر ایکی اؤلکه‌نین عمومی ماراغی دا وار. آنکارا و تهران ایشید-ه و کورد قوه‌لرینه قارشی بیرلشه بیلر. لاکین بیرینین دیگرین‌دن اوستون اولما ایستکلری و قارشی‌لیقلی شوبهه بونا ایمکان وئرمیر.

دورومون داها دا پیسلشمه‌سینی انگلله‌مک‌دن اؤترو ایرانلا تورکییه هر شئی‌دن اؤنجه اعتیمادسیزلیغا اوستون گلمه‌لی، بیر-بیرینین ماراقلارینی و تهلوکه‌سیزلیک پروبلئمینی آچیق اعتراف ائتملیدیرلر. بونون اوچون سورییا و عیراقلا باغلی یوکسک سوییه‌لی و داوام‌لی دانیشیقلار آپاریلمالی، دانیشیقلار اوولکیلردن فرقلی اولاراق خصوصی خط اوزره داوام ائتدیریلمه‌لی‌دیر. تورکییه پرئزیدئنتی رجب تایییب اردوغانلا ایرانین عالی دینی لیدئری علی خامنه ای نین بو جور دانیشیقلاردان اؤترو خصوصی تمثیل‌چیلر تعیین ائتمه‌سی دایمی دیپلوماتیک کانالین یارانماسی باخیمین‌دان چوخ واجیب‌دیر.

آیریجا، امکداشلیغین گوجلندیریلمه‌سی، عمومی دوشمنه قارشی موباریزه‌نی فایدالی ائتمک، تصادفی ایتکیلرین قارشی‌سینی آلماق‌دان اؤترو کشفیات معلوماتلارینین موبادیله‌سی علاقه‌لره یئنی نفس وئره بیلر».

تاریخ
2016.12.19 / 13:55
مولف
Axar.az
شرح لر
دیگر خبرلر

علیئوله اردوغان بیر آرایا گلدی - فوتو

آمریکا بو سلاحین سورییادا ایستیفاده‌سینی تصدیقله‌دی – گنرال

تورکییه‌دن ادلیب عملیاتی: ایلک منطقه یارادیلدی

آوروپا کاتالونییایا موداخیله ائده بیلمز - توسک

تورکییه‌یه گؤره بیزی اتهام ائدیرلر - تورکمان لیدر

عراقلا پشمرگه آراسیندا دؤیوش باشلادی - سون دقیقه

سیا: «شیمالی کورئیا آمریکانی ووراجاق»

بارزانی محاربه‌یه باشلادی: کوردلر آیاغا قالخیر

آوروپا بیرلییی قرار وئردی: تورکییه‌یه پیس خبر

آمریکا-تورکییه پروبلمی حل ائدیلیر: ثمره‌لی گؤروش...

خبر خطّی
 
Axar.az'da reklam Bağla
Reklam
Bize yazin Bağla