بئلاروس باش پروکورورونون معاوینی آلئکسئی ایستوک آذربایجان حقوق-محافظه اورگانلاری طرفیندن آختاریلان و اؤتن آی مینسک‌ده ساخلانیلان روسییالی بلوققئر آلئکساندر لاپشینین باکییا ائکسترادی‌سییاسی حاق‌دا قرار ایمضالاییب.

ویرتوالاز. اورگ خبر وئریر کی، باش پروکورورون موعاوینینین ایمضالادیغی قراردا دئییلیر: «بئلاروس دین-این جزالارین ایجراسی دئپارتامئنتینه تاپشیریلسین کی، لاپشین آلئکساندر والئریئویچین ائکسترادی‌سییاسینا دایر قرار قوه‌یه میندیک‌دن سونرا اونون آذربایجانین مووافیق اورگانلارینا تحصیل وئریلمه‌سینی تامین ائتسین. قبول ائدیلمیش قرار باره‌ده آذربایجانین باش پروکورورلوغو معلوماتلاندیریلسین. بو قرارین بیر نوسخه‌سی لاپشین آلئکساندر والئریئویچین اؤزونه تقدیم اولونسون، اونا قراردان ۱۰ گون مدتینده محکمه‌یه شیکایت وئرمک حقوقونون اولدوغو ایضاح ائدیلسین».

خاطیرلاداق کی، لاپشین آذربایجان دؤولتینه قارشی چاغیریشلاردا، ایشغال آلتین‌داکی اراضیلره قانون‌سوز سفر ائد‌رک سرحد رئژیمینی پوزماق‌دا اتهام اولونور. ایسرائیل وطنداش‌لیغی داشییان قالماقاللی بلوققئرین مینسک‌ده ساخلانیلماسی بؤیوک سیاسی های-کویه سبب اولوب. ائرمنیستان بوتون ایمکانلاری ایله بلوققئرین مدافعه‌سینه چالیشیر و اونون آذربایجانا وئریلمه‌مه‌سی اوچون موباریزه آپاریر.

بو گونلرده روسییا خاریجی ایشلر ناظیری سئرگئی لاوروو دا لاپشینین آذربایجانا ائکسترادی‌سییاسینین علیهینه چیخیب. آمئریکا بیرلشمیش شتاتلاری دؤولت دئپارتامئنتی اونون ساخلانیلماسینی «سؤز آزادلیغینین پوزولماسی» کیمی شرح ائدیب. ایسرایل ایسه بلوققئرین مسئله‌سی ایله باغلی آذربایجانلا دانیشیقلار آپاریر.

معلوم اولوب کی، ایسرایل خاریجی ایشلر ناظیری بلوققئرین آذربایجان‌دان آچیق شکیل‌ده عذر ایسته‌مه‌سینین اوزینده اونون تعقیب اولونماسینین دایاندیریلماسینی خواهیش ائدیب. لاکین رسمی باکی لاپشینین ائکسترادی‌سییاسین‌دا ایسرارلی‌دیر. چونکی ایلک دفعه‌دیر کی، آذربایجانین ایشغال آلتین‌داکی اراضیلرینه ائرمنیستان اوزریندن سفر ائدیب ائرمنی سئپارات‌چیلارینی تبلیغ ائد‌ن خاریجی وطنداشین ساخلانیلماسی باش وئریر.