Axar.az
یوخاری
27 اییون 2017


ایلهام علیئو: «آپرل دؤیوشلری آذربایجانین داخیلی ایشیدیر»

آنا صحیفه پلانت
12 Punto 14 Punto 16 Punto 18 Punto

کئچن ایلین دکابر آیینداکی نؤوبتی تخریباتین مقصدی آیدین ایدی. چونکی آپرل آییندا ارمنی سلاحلی قوه‌لری بیزه قارشی سلاحلی تخریبات تؤرتمه‌یه جهد ائتمیشدی. آنجاق بو تخریبات نتیجه‌سین‌ده اؤزلری پشمان اولدولار.

رورت-اون خبرینه گؤره، بونو آذربایجان پرزیدنتی ایلهام علیئو فورالین ۹-دا میللی قهره‌مان چینگیز قوربانووون عائله عضولری ایله گؤروش‌ده دئییب.

دؤولت باشچی‌سی قید ائدیب کی، آذربایجان اوردوسو ارمنی سلاحلی قوه‌لرینه ائله ضربه ووردو کی، بو گونه قدر ده اؤزلرینه گله بیلمیرلر: "آپرل حادثه‌لریندن سونرا نینکی ارمنیستان اوردوسو، حتی ارمنیستان دؤولتی بئله سیرکه‌له‌ندی، گنراللار روتبه‌لرینی، وظیفه‌لرینی ایتیردیلر، ارمنیستان جمعیتین‌ده پانیکا، تشویش حؤکم سوروردو، بو گون ده بو داوام ائدیر".

پرزیدنت ایلهام علیئو بیلدیریب کی، آذربایجان اوردوسو، آذربایجان دؤولتی ایشغال ائدیلمیش تورپاقلارین بیر حیصه‌سینی ایشغال‌چیلاردان آزاد ائدیب، ایندی او تورپاقلاردا برپا ایشلری آپاریلیر: "آذربایجان وطنداشلاری او تورپاقلارا قایی‌داجاقلار. ارمنیستان چوخ چالیشدی کی، آپرل دؤیوشلریندن سونرا بو مسئله‌یه بین الخالق دون گئیین‌دیرسین، چوخ چالیشدی کی، کوللئکتیو تهلوکه‌سیزلیک مقاویله‌سی تشکیلاتی - ارمنیستان همین تشکیلاتین عضوودور - بو مسئله ایله باغلی اؤز مؤوقعیینی بیلدیرسین. هالبوکی بونون اوچون هئچ بیر حقوقی اساس یوخدور. بیزیم ارمنیستان تورپاغینا ادعامیز یوخدور. باخمایاراق کی، هامیمیز یاخشی بیلیریک کی، بوگونکو ارمنیستان تاریخی آذربایجان تورپاقلاریندا یارادیلیب. آنجاق اؤز تورپاغیمیزی بیز هئچ کیمه وئرن دئیی‌لیک. آپرل دؤیوشلری و تماس خطین‌ده یاشانان گرگینلیک و توققوشما بیزیم داخیلی ایشیمیزدیر. داغلیق قاراباغ آذربایجانین آیریلماز حیصه‌سی‌دیر. بوتون دونیا داغلیق قاراباغی محض بئله تانیییر و بو مناقیشه‌نین حلی یالنیز آذربایجانین اراضی بوتؤولویو چرچیوه‌سینده اؤز حلینی تاپا بیلر".

تاریخ
2017.02.09 / 19:34
مولف
Axar.az
شرح لر
دیگر خبرلر

سالمانین اوغلو پوتینی هده‌له‌دی: «اوچ گونه محو ائدریک»

هوللاندییادان تاریخی سویقیریم قراری - سون دقیقه

آمریکا میثلی گؤرونممیش هجوما حاضیرلاشیر - روسییا

کیئوده‌کی دهشتلی پارتلاییشین باش وئرمه آنی - ویدئو

فرانس پرس: روسلار قدیربیلمز خالق‌دیر

روسییا و فینلاندییا راضیلیغا گلدی - ۱۰ ایل سونرا...

جنوبی کورئیا شیمالی کورئیایا عایید قاییغی خلاص ائتدی

آمریکادان اسده سرت خبردارلیق: «اگر بونو ائتسن...»

تبریزده بی و گلین تویدان ایمتینا ائتدی: آغاج اکدیلر - فوتو

روسییادان ایروانا پول آخینی دایانیر – یئنی رقملر

خبر خطّی
 
Axar.az'da reklam Bağla
Reklam
Bize yazin Bağla